المساعد الشخصي الرقمي

مشاهدة النسخة كاملة : رائعه من روائع ابن فطيس


السلطان 7
18 / 03 / 2009, 26 : 02 AM
،؛، .. لا ضاقت الدنيـــا .. ،؛،
لا ضاقت الدنيا عليك وتشاويت ..
.. خلق الله اللي فالرخا كان واجد
ومن العرب والصوت والثوب مليت ..
.. وقامت عليك هموم بأقعا تراجد
فارفع يديك لخالقك لا توضيت ..
.. وادعو تراك أقرب إليا صرت ساجد
ووقت من أوقاتك للأوقات توقيت ..
.. وسجل لنفسك في المساجد تواجد
وأبشر بفزعة حامي الدين والبيت ..
.. إليا هجدك من الهواجيس هاجد
اللي يميت الحي ثم يحيي الميت ..
.. لرضاه شف كثر البشر بالمساجد

le prince
18 / 03 / 2009, 35 : 02 AM
الله الله يابن فطيس هذا القصيد اللي لسمعته ما تمل منه

صرآآآآآحه أقدر إبن فطيس وأقدرك أنت بعد لأن ذوقك رآقي فالقصيد

وإلا ذيك يوم يقول في قصيدته المشهوره الضيقه اللي تالي عصير

وإذا طرالي واحد كانه صغير اما أصغر بيومين وإلا سنيني

دريت وشقومي وش قومي وعينت تفسير للضيقة اللي من زمن تحتويني


السلطان7 .. بوركت ..

برق الحيا
18 / 03 / 2009, 04 : 03 AM
أبشــرر بفزعة حامي الدين والبيت ,,, اليا هجدك من الهواجيس هاجد


الله الله .. شاعر لاتمل من شعره ..

مشكـــووور يالسلطان .

تحياتي .

السلطان 7
18 / 03 / 2009, 57 : 04 AM
البرنس@الكاسر@اسعدني مروركم

نجد
18 / 03 / 2009, 55 : 08 AM
مشكور اخوي الصغير السلطان ويش دراك ان احب قصايد هذا الشاعر


يا مؤمن الريفي انا جيتك زبون ...... جيتك على مدح اكثر الناس وعنيت

جيت وتعالى الله عمّا يشركون ...... لولاه يا مؤمن لطبك ما اهتديت

راضي بحكم الله علي مهما يكون ...... عالج عيوني لو بعد طبك عميت

ودي أخاشر فالبصر من يبصرون ...... واشوف دربي لا سرحت ولا ضويت

والى قنصت أثبت مع اللي يثبتون ...... واشوف طيري كل ما أوميت ودعيت

ياكثر ما يضرب خويي الطابلون ...... من كثر ما اكلّته مطبات وكليت

وودي اشوف اللي علي يعرّضون ...... وبعض الليالي ودي اسري دون ليت

وأشوف ناس ٍ فالقفا ما يرحمون ...... اما وقفت لصاحبي والا مشيت

من دون نظاره ولا هم يحزنون ...... يا كثر ما كسّرت كشمات وشريت

لكنٌ يا دكتور جعلك ما تهون ...... ابغيك كلمة راس دامك ما بديت

اسمع ولا ابغي اللي وزانك يسمعون ...... ربي كتب يكشف لك اسراري وجيت

صورة عديل الروح عندك فالعيون ...... واخاف تقطعها بموسك ما وعيت

ولا عليك امر إطوها تحت الجفون ...... وعقبه لو تقطع عيوني ما شكيت

هي راس مالي والعرب ما يدركون ...... اني على باب الممات و ما حكيت

يا قــــو قــــلبي يوم قــــفن الضعون ...... اللي على ذاك الموادع ما بكيت

ويا صبر صبري والعواذل يحسبون ...... إني دلهت من الهوى والا سليت

أسكت عساهم من سكاتي يسكتون ...... وانا عن اللي في ضميري ما انتهيت

وادور الفرحه مع اللي يسهرون ...... وان ذكروني خذت فنجال وسريت

أخذت من وقتك يا دكتور العيون ...... عالج عيوني لو بعد طبك عميت

واستر علي واللي معك لا يفطنون ...... أنت الوحيد اللي بعد ربي دريت

بطيحان بن ناصر بن هرسان
18 / 03 / 2009, 41 : 10 AM
صح لسانك ولسانه وقصيده موفقه وفالك التأهل لكأس العالم انت والشباب.

السلطان 7
19 / 03 / 2009, 43 : 07 AM
نجد زدت الموضوع نوراّ بمرورك العطر@ابو ناصر صح بدنك واشكرك على المرور

الاستاذ
19 / 03 / 2009, 05 : 10 PM
الله عليك يالسلطان دائماً مبدع في كل شي,,,,,,,,,,,,,,,,,,,,

محسن المسردي
20 / 03 / 2009, 29 : 10 PM
وأبشر بفزعة حامي الدين والبيت ..إليا هجدك من الهواجيس هاجد
اللي يميت الحي ثم يحيي الميت ..لرضاه شف كثر البشر بالمساجد

سبحانه وتعالى

مناجاة رائعة

تسلم يمينك يا لسلطان

ومحمد بن فطيس شاعر عذب ومبدع

تقبل كل الود

الصريح
20 / 03 / 2009, 40 : 10 PM
مشكور يالسلطان واشكر نجد على نقل هذه الروائع لبن فطيس
وأعجبني توقيع الاخ محسن
مع اطيب الاماني ؛

الشااااايب
22 / 03 / 2009, 25 : 12 AM
الله لا يهينك يا السلطان على هذا النقل الرائع وايضا الاخ نجد على النقل الرائع وشكرااا وصح الله لسان الشاعر بن فطيس مما قدمه من الابداع في الساحه الشعريه


وتقبلو مروري اخوكم الشااااااااايب

السلطان 7
22 / 03 / 2009, 36 : 12 AM
الاستاذ@محسن المسردي @الصريح@الشااااايب@اشكركم على مروركم العطر