المساعد الشخصي الرقمي

مشاهدة النسخة كاملة : (طير الناااايفه) <===

الناااايفه
14 / 03 / 2009, 05 : 08 PM
السلام عليكم ورحمة الله وبركاته


أخواني وأخواتي 00 أعضاء وعضوات (منتديات بوابة جاش) الاعزاء


خطر في بالي ان أنزل لكم صورة طيري (شقران) وهو من نوع (شاهين بحري نادر)


كان لدي العام الماضي اهداه الي والدي وقت القيض من اجل قرنسته 00 جعلها تسقى ذيك الايام

ولي مواقف عديده مع شقران 00 فقد كان يعرف صوتي من بعيد 00 وأذا رأني يخرج اصوات معينه فاعلم

منها انه عطشان او انه جائع ( اذا سحبوا اخواني عليه وماغدوه لاصرت بالجامعه هههههههه)00

ومن هالمواقف 00 أنه في ليلة من الليالي الرمضانيه وبعد صلاة التراويح قرر والدي (رحمه الله )

الجلوس بـ (الحوش) جلسه عائليه تتكون من ابي وامي واختي وأنا طبعا من يقدم القهوه والشاي

ويحضرها لهم في الخارج 00 المهم ان والدي طلب مني احضار شقران عنده في الخارج من اجل ان

يتنفس الهواء العليل (تغيير جو يعني) وقال لي (تأكدي ان سبوقه مربوطه زين) فقلت (أبشر على خشمي)


وتقوم النايفه وتشل شقران بوكره وتحطه على طرف الفرشه برى عند الوالد (الله يرحمه) 00 وادخل

يبالفيت اجيب القهوه والشاهي 00 الا يوم ابوي اعتزى خيال العوجا وأنا فلان 00 والتفت الا (شقران)

لبى قلبه فاكن سبوقه بشويش مانتبهتلها والا انا بالعاده اتفقدها ويوم انس البراد في الحوش نتق

برقعه مدري وش لون وانتق عمره من الوكر الا وهو مشوت مارده الا مظله (شينكو) قدامه وأجي

أعدي وأدعيه (شقراااااااااان-شقرااااااان ............................) بصوت ونغمه تعودها مني 00


المهم وتدقر له المظله الا وهو موقع(ن) في الارض واجيه وانا أدعيه وأبوي خلفي(جعله في جنات


النعيم ) كان تعبان مايحتال يمشي 00 المهم واختله واجوده بسبوقه واشله واحطه على وكره


وعفااكم




والله اني تعبت من الفصيح وكتبت عامي بدوي على سجيتي 00 فأعذروني

ولكم جزيل الشكر وهذا رابط فيه صورة شقران


لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .



الناااايفه
العرهــــــــــــوبــي
14 / 03 / 2009, 12 : 08 PM
ماشاء الله عليه
مشكوره اختي على الموضوع تقبلي مروري
الناااايفه
14 / 03 / 2009, 30 : 09 PM
العرهوبي 00 مرحباا فيك 00
ابوشيبه
14 / 03 / 2009, 52 : 09 PM
يعطيك العافيه
شكل الصقر كفوووووو
تحيتي لكـ,,,
برق الحيا
15 / 03 / 2009, 38 : 02 AM
ما شاء الله يالنايفه..

إنتبهي قبل تنتقين برقعه لاتدرمين راسه << كل ماتذكر ذي السالفه فطس من الضحك.

تحياتي .
le prince
15 / 03 / 2009, 41 : 02 AM
وش ذا الصقر ماشالله عليه .. مدري هو يصيد ؟!

ولاهوب أشقر كنه وكري على حسب علمي .. وكنه منتفٍ ريشه .. تدري مدري ..

تقبلي خفت دمي ..
الناااايفه
15 / 03 / 2009, 45 : 07 AM
يعطيك العافيه
شكل الصقر كفوووووو
تحيتي لكـ,,,



شكرااا لمرورك العطر
الناااايفه
15 / 03 / 2009, 49 : 07 AM
ما شاء الله يالنايفه..

إنتبهي قبل تنتقين برقعه لاتدرمين راسه << كل ماتذكر ذي السالفه فطس من الضحك.

تحياتي .
----------------------------------------
وليه ادرم راسه ومن قال اني نتقت برقعه؟؟ << ارجو القراءه للموضوع من جديد!!
شكراا لك على المرور 00ودوم الضحك
الناااايفه
15 / 03 / 2009, 52 : 07 AM
وش ذا الصقر ماشالله عليه .. مدري هو يصيد ؟!

ولاهوب أشقر كنه وكري على حسب علمي .. وكنه منتفٍ ريشه .. تدري مدري ..

تقبلي خفت دمي ..


---------------------------------------


الطير اي نعم يصيد 00 ولكني قرنسته فقط !!


وقت القنص اهداهـ والدي لاحد أصدقائه 00

(شاهين بحري نادر)

منتف ريشه <== لانه بوقت القيض الطير ينتف ريشه ونابت له ريش جديد

شكراا لمرورك العطر
بطيحان بن ناصر بن هرسان
15 / 03 / 2009, 13 : 11 AM
قريت موضوعك من اول كلمه الين اخر كلمه والله يعطيك العافيه اولا يالنااايفه على الموضوع ثانيا على البساطه في محاولتك لايصال المفهوم الى المتلقى ولو باللهجه العاميه مما صنف الموضوع عندي ليكون موضوع الاسبوع وحيازته على النجوميه ولو عندي لوحة الشرف لما ترددت في ذلك ,,,, تقبلي قمة ضحكي وانبساطي وانا اعيش تفاصيل وخيالات دراما القصه وكأنني في مسرح سينمائي رائع وجميل..اشكرك والطير مديح ويستاهل انا صقار واعرف الطيور.
ساري اليل
15 / 03 / 2009, 14 : 12 PM
ياالنايفه اعتقي شقران=خليه يطلق جناحينه
خليه يرجع على الشيشان=قدام لا تنطفي عينه
الناااايفه
15 / 03 / 2009, 09 : 03 PM
قريت موضوعك من اول كلمه الين اخر كلمه والله يعطيك العافيه اولا يالنااايفه على الموضوع ثانيا على البساطه في محاولتك لايصال المفهوم الى المتلقى ولو باللهجه العاميه مما صنف الموضوع عندي ليكون موضوع الاسبوع وحيازته على النجوميه ولو عندي لوحة الشرف لما ترددت في ذلك ,,,, تقبلي قمة ضحكي وانبساطي وانا اعيش تفاصيل وخيالات دراما القصه وكأنني في مسرح سينمائي رائع وجميل..اشكرك والطير مديح ويستاهل انا صقار واعرف الطيور.
----------------------------------------------------

بداياتا أشكرك على كلامك العطر 00 والمديح نوع من أنواع الشاهين 00 لاأخفي عليك انه قد قيل لي انه مديح ولكن أغلب من رأوه قالو شاهين بحري 00 وقد عرضته بأحدى المنتديات الشعبيه المعروفه 00 وشاهده أحد الصقارين المشهورين (اصله المنصوري)00 وقال انه شاهين بحري
ومن الانواع النادره 00 ماجربته بالهدد 00 ولكني قرنسته ووقت الهدد00 أهداه والدي لاحد القناصين
الناااايفه
15 / 03 / 2009, 40 : 03 PM
ياالنايفه اعتقي شقران=خليه يطلق جناحينه
خليه يرجع على الشيشان=قدام لا تنطفي عينه

+++++++++++++++++++++++++++++++++++++++++++++++++
الرد :
يامن بدع قافه المليان /// ووضح بقافه عناوينه
مادام في ماكره لاهان /// في قاسي الوقت او لينه
ناصر121
15 / 03 / 2009, 41 : 11 PM
ماشا الله تبارك الله ..............

سؤال لو سمحتي هو باقي عندك؟
برق الحيا
16 / 03 / 2009, 53 : 02 AM
----------------------------------------
وليه ادرم راسه ومن قال اني نتقت برقعه؟؟ << ارجو القراءه للموضوع من جديد!!
شكراا لك على المرور 00ودوم الضحك


هذي سالفه طرت علي من قراءتي لموضوعك وقلت أنصح بما أنك تحبين إقتناء الصقور < مداعبه ليس الا .


تحياتي .
الناااايفه
16 / 03 / 2009, 18 : 06 AM
ماشا الله تبارك الله ..............

سؤال لو سمحتي هو باقي عندك؟

----------------------------------------------


مرحبا بك أخي ناصر121


للأسف ليس لدي الأن ><
الناااايفه
16 / 03 / 2009, 21 : 06 AM
شكراا 00 لك أخي الكاسر 20

أعتذر عما بدر مني 00 لسوء الفهم
شبيه الريح
16 / 03 / 2009, 54 : 09 AM
عشنا وشفنا ....
اللي على طاري الطيور كم سعر الطير يوم يشتريه أبوك الله يرحمه ....
أبو ياسر
16 / 03 / 2009, 04 : 02 PM
أوافق بطيحان الرأي، عرض تصويري رائع بالفعل ..
شكراً النااايفه و دام لك صقرك ..
نجد
16 / 03 / 2009, 38 : 02 PM
النايفة سلمت اناملك ابدعت في كتابة هذا الموضوع وانا اعجبني لما فيه من البساطة والعفوية الشي الكثير ا . مشكورة كتييييييييييييير وتقبلي مروري
الناااايفه
16 / 03 / 2009, 54 : 02 PM
عشنا وشفنا ....
اللي على طاري الطيور كم سعر الطير يوم يشتريه أبوك الله يرحمه ....



(عشنا وشفنا) << نقد بناء ؟


أبوي جايه الطير هديه ><



وما خلاه عنده الا عشاني ويوم جا الهدد اهداه لواحد من ربعه قناص
الناااايفه
16 / 03 / 2009, 16 : 03 PM
أوافق بطيحان الرأي، عرض تصويري رائع بالفعل ..
شكراً النااايفه و دام لك صقرك ..


أستاذي القدير (مجمع البحرين) 00 سعدت كثيراا بتواجدك في متصفحي المتواضع


الشكر لك انت أستاذي
الناااايفه
16 / 03 / 2009, 18 : 03 PM
نجد00 شكراا لك
حكاية إحساس
16 / 03 / 2009, 32 : 04 PM
هههههههههههه
الله يسعدك يا النايفه

لكن فيه سؤال الصقر الى الحين عندك ؟
الناااايفه
16 / 03 / 2009, 18 : 06 PM
حكاية احساس هلااااااا و غلااااااااااااا

لا حبيبتي مهوب عندي ><

ومجننه اهلي ابي اشتري طير نفس طيري هذا << وااااااااااثقه
الشااااايب
18 / 03 / 2009, 12 : 12 AM
الله يرحم ابوك ويسكنه جنات النعيم يارب وشكرااا على هذه الصوره الرائعه وتقبلي مروري


اخوكم الشااااايب
الناااايفه
18 / 03 / 2009, 41 : 08 PM
الله لايهينك يالشايب .............متى جيت؟؟؟؟؟؟؟؟؟؟؟؟؟؟

وين الغيبات ؟؟
الشااااايب
19 / 03 / 2009, 49 : 02 AM
والله اشغال الدنيا والله يوفق الجميع وشكرااااا على السوال
شقرانه
25 / 03 / 2009, 13 : 06 AM
السلام عليكم يارجاجيل و يانسوان
ويش وقعكم
وويش وقعس يانايفه
وش قومس تدورين للفرخ اقصد الطير مدري الغراب وهو عندنا
اااااااااااااااه ياذاك اليوم حزة عصير
دق بابنا وحن في الحوش نتقهوى
وكنت جايبتن لاهلي قهوتن بالزعفران يحبها فلبس لبى قلبس
ويوم اني قاعدتن اتقهوى مع اهلي
دق الباب وقلت ارحبو من اللي على الباب يامرحبا ومسهلا
ومن توقعون يدق الباب؟
من؟
من؟
الفرخ
فرخ نايفه
جاينا طاقن منها
يقول اظهرت كبدي
قلت له
اللي والله بيظهر كبدك غير انا ثم خذيته وقشرته اقصد نتفت ريشه ثمن حطيته في القدر وهو حي
وطبخته ليييييييييييييييين طلع منه مرقتن تهبل ودي اني مذوقتس اياها يالنايفه.[/
وكليناه وسوينا معه عصيده وخبز تنور, الحمد لله الخير واجد
مبروكن ذا الطير[/
وسلامتكم
الا عندي سؤال للساده المشاهدين؟
توقعون الطير اللي في الصوره محنط والا لا؟
احس انه محنط,,,مدري ريشه منتف وشكله ياااااااااااااااااااااااابس. وش شكله الا يابس صدق؟
برق الحيا
25 / 03 / 2009, 45 : 06 AM
^

روحي نامي شكلك مانمتي
شقرانه
25 / 03 / 2009, 37 : 04 PM
والله انك صادق يابرق الحيا جاني النوم باروح انخمد بس لا جاكم خبر عن الطير علموني
بطيحان بن ناصر بن هرسان
25 / 03 / 2009, 00 : 06 PM
انا بعلمك ابشري ,,,,, ويامرحبا والله ياهالطله .....