المساعد الشخصي الرقمي

مشاهدة النسخة كاملة : الخوه انواع


طائر الشوق
14 / 03 / 2009, 30 : 04 AM
ياحـروف المعانـي يادليـل الـكـلام=ياجزيـل البيـوت العصـم وطروقهـا
عالجي ذا الجروح اللي كواهـا المـلام=عالجيهـا تزيـد الكـيـه حروقـهـا
كية اللوم مـن عاقـل تفـت اللعظـام=لا جهل وش جروحك وش مدى عروقها
لو جروحي بلاها من الهـوى والغـرام=كـان هانـت مـدام الصبـر بيفوقهـا
كـل جـرحٍ مـع الايـام يلقـى ألتـإم=كود جرح الصداقـه لاأحتمـى سوقهـا
لالفى الجرح من شخصٍ يعـد الحـزام=قل سلامـاُ علـى الخـوه ومنطوقهـا
والله لو خوتـه لـي بيـن سيـنٍ ولام=نفسك إني مأصـوغ بيـوت واسوقهـا
لكن إنه عظيـم ومـن رجـالٍ عظـام=ومن رجالٍ حمت وقت النهـب نوقهـا
ومن رجالٍ صداقتهـم سـواة الوسـام=والصداقـه مراتـب دونـك فروقـهـا
فيه خـوة مصالـح ضحكـةٍ واهتمـام=بايـنٍ لـك حلاهـا خافـيٍ عوقـهـا
حدها ماانقضت حاجتـه سيـفٍ حسـام=ولاانقضت يلعن ارضٍ شالتـك فوقهـا
وفيه خوه ثمرها لـك غـلا وإحتـرام=بـس فزعـتـه مــاوالله بتذوقـهـا
وفيه خـوة سعـه والا الشدايـد هيـام=مثل ليلٍ فضـح بالشمـس وشروقهـا
وفيه خـوة عريبيـن الجـدود الكـرام=تعجز أعتى القوافـي توفـي حقوقهـا
فالسعـه فالشدايـد فالسفـر فالظـلام=فاللقـاء فالغيـاب يمـوت مايبوقـهـا
وإن حصل زلـةٍ يمـه جمـل بالسنـام=شالها لو بعـض الاحيـان مايروقهـا
في حدود الاخـوه فـي حـدود النظـام=فـي رجـاوي مـزونٍ خيـل بروقهـا
يستحق الإشـاده حـق وأعلـى مقـام=في جزيل البيـوت العصـم وطروقهـا
بــــقـــلـــــمي
_
_
_
_
طــــــــــــــــائــــــــر الـــــــشــــــــــ

حــظ عــيني
14 / 03 / 2009, 58 : 07 AM
صح لسانك طائر الشوق وننتظر جديدك

السهل الممتنع
14 / 03 / 2009, 29 : 07 PM
طائر الشوق

لدي سؤال بسيط

هل هذا النص هو آخر ما كتبت

ياصديقي الجميل

لأني ارى فيه نقله كبيراً جداً مقارنةٍ بنصوصك السابقه

تحياتي القلبيه

اخوك ومغليك

أبو محمد
14 / 03 / 2009, 57 : 07 PM
صح السانك ياطائر الشوق

ابوخالد
14 / 03 / 2009, 49 : 08 PM
الحقيقه اتقنت البحر هذا بجداره..
اما المعاني فقد اخبرت برأيي من قبل ..تجيد صياغتها بعنايه..
تستاهل التثبيت..

ابوشيبه
14 / 03 / 2009, 58 : 09 PM
طائر الشوق صح لسانك وفي انتظار جديدك

الناااايفه
14 / 03 / 2009, 25 : 10 PM
طائر الشوق 00 صح السانك 00 ابدعت

بطيحان بن ناصر بن هرسان
15 / 03 / 2009, 15 : 11 AM
صح لسانك قصيده رائعه .

ساري اليل
15 / 03 / 2009, 25 : 12 PM
صح لسانك هذي قصيدة غير الي قبلها الى الامام .........ولا تستعجل ...........ولا تنظر لطول القصيدة من قصرها اذا عرفت ان الموظوع الي كتبت القصيدة فيه شاب فانهها.............تقبل مروري وتعليقي

عبدالله المشعلي
15 / 03 / 2009, 46 : 03 PM
سلمت ودمت يا طائر الشوق وصح الله لسانك
تحياتي

طائر الشوق
16 / 03 / 2009, 26 : 11 AM
أعزائي الكرام

حظ عيني

صح بدنك أخوي ولاهنت على الحضور

السهل الممتنع
أهلآ بك صدقي العزيز نعم هذه أخر قصيده كتبتها ومن دواعي سروري أن تكون أعجبتك

أبومحمد

صح بدنك و مرورك زاد القصيده تألق

أبوخالد

حياك ربي وهذا بفضل الله ثم فضلكم وأشكرك على التثبيت

أبوشيبه

صح بدنك أخوي ولاهنت على الحضور الطيب فلك الشكر

النااايفه

صح بدنك وانتي منبع الأبدااع

بطيحان أبن ناصر أبن هرسان
صح بدنك والرائع حضورك الكريم ياابوناصر لاهنت

ساري الليل
صح بدنك وصح منطوقك على هذا الكلام الجميل وكلامك في محله

عبدالله المشعلي
ومن قال سالم وغانم أنشاء ودام وجودك ولاهنت على الحضور الكريم وتقبل تحياتي أيضآ



شـكــ وبارك الله فيكم ـــرا لك ... لكم مني أجمل تحية .

أبو فـلاح
18 / 03 / 2009, 10 : 11 AM
طائر الشوق ...صح لسانك طال عمرك ....
أحد مكاسب هذا المنتدى هو شاعر المستقبل طائر الشوق

بدر .15.
18 / 03 / 2009, 00 : 12 PM
صح لسانك مشاء الله عليك ياالطير

طائر الشوق
10 / 04 / 2009, 26 : 09 AM
طائر الشوق ...صح لسانك طال عمرك ....
أحد مكاسب هذا المنتدى هو شاعر المستقبل طائر الشوق


أقف هنا تقدير وأحترام لك يامشرفنا الوفي وعمرك مايقصر وانت اكبر مكسب وفخر لنا

طائر الشوق
10 / 04 / 2009, 27 : 09 AM
بدر15 صح بدنك كل الشكر لك