المساعد الشخصي الرقمي

مشاهدة النسخة كاملة : رساله هاامه للمشرف!!!!!!!!!


خلاص إنتهينا
09 / 03 / 2009, 39 : 02 PM
السلام عليكم ورحمة الله وبركاته
أخي العزيز مشرف (0000000) بعد التحيه
لقد أرسلت لي رساله خاصه ولم تسمح لي بالرد عليها فحبيت أرسل لك ردها على العام وأترك لك حرية الرد ولن أمنعه مثل ما أنت منعتني من الرد عليك((((((((



ياناشد(ن)عني وأنا عنك نشاد=ترى مكانك باقي(ن) في فوادي
لاتحسب إني للصداقات جحاد=ولا تحسب إن فرقاك لي شي عادي
لاشك حكم الوقت ما عنه محياد= أصبر على حكمه وشد الشدادي
ولا تلتفت في هرج عاذل وحساد=مالك و مال مروجين الدوادي
أختر من الثنتين يانسل الأجداد= دامك تذكرني و تعرف مرادي
أما تخليها بلا عقل و إقياد = أطلق لها أقيادك وأنا أطلق قيادي
وإن كان تبغيها على عناد بعناد=خلك على إعنادك وأنا في عنادي
الرزق عند اللي رفعها بلا أعماد = ما حط رزق العبد بيد العبادي
وأقبل تحياتي عسى أيامك أعياد=والله يدلك للطريق الرشااااااااادي

العرهــــــــــــوبــي
09 / 03 / 2009, 49 : 02 PM
صح لساااانك

خلاص إنتهينا
09 / 03 / 2009, 56 : 02 PM
صح بدنك يالعرهوووووبي
وتشرفت بمروورك

السهل الممتنع
09 / 03 / 2009, 16 : 05 PM
الرزق عند اللي رفعها بلا أعماد @@@@@@@ ما حط رزق العبد بيد العبادي
وأقبل تحياتي عسى أيامك أعياد@@@@@@ والله يدلك للطريق الرشااااااااادي
خلاص انتهينا

صح الله لسانك

اتمنى ان لا يرد عليك لكي نصافح مثل هذه الفاتنه الجميله

في انتظار الجميل من الاجمل

تحياتي القلبيه

اخوك ومغليك

خلاص إنتهينا
09 / 03 / 2009, 21 : 05 PM
هلا وغلا يابو رووووز
شرررررفني كثير مرووورك

ابوشيبه
09 / 03 / 2009, 57 : 07 PM
الرزق عند اللي رفعها بلا أعماد @@@@@@@ ما حط رزق العبد بيد العبادي

صح لسانك وبيض الله وجهك
تحيتي لك,,,

خلاص إنتهينا
09 / 03 / 2009, 09 : 11 PM
حياك الله يابو شيبه وشرفني مرووووووورك

ابوخالد
09 / 03 / 2009, 25 : 11 PM
أرتجلتها حتى ما أبطي بالرد,,



لو ما جمعنا يا (---) مشرب وزاد= تبقى الخواطر.. لو تقادم ..جدادي
لا شك ضيف الليل للنفس هجٌاد=مرسال لوجيه غشاها السوادي
لا شرب لي دله ولا مال لشداد=كيف؟؟ استوى قوته وناره رمادي
لو حل وربوعه.. فنا خاطري واد=لا له مداوير(ن) ولا له منادي
ون جا على العدٌين سرداد مرداد=فترك على صدرك يهب البرادي
ببقى على خبرك مع الطيب مدٌاد=بتعب لها رجلي وبتعب جوادي
ثابت على بيض النوايا ولا انقاد=ماخذ عن صنوف الرزايا حيادي
ون جاك من هوز المقاسيم ميعاد=اما تبيني السيف ولا الغمادي
آرد على حوض المشاويك بقياد =ماخذ من عروق سقتني عتادي

خلاص إنتهينا
10 / 03 / 2009, 10 : 03 AM
يا مرحب(ن) وإعدادماحن رعاد=ترحيبة(ن)تسقى بعود(ن) وكادي

من خاطر(ن) فوحه كما فوح براد= له مدت(ن)ماذاق حلو الرقادي

يقده أمن الوقت يا خوك قداد = وخطر(ن) عليه أمن الفنا والنفادي

حاول يداوي جرح الأيام مافاد = جرح(ن) نزف مافاد فيه الضمادي

لا عاد ضيف الليل ياخوك لاعاد =اللي غزى روحك بوقت الهجادي

من طاوعه بيروح في حرب وجهاد=ويفرح ليا من شب نار الجهادي

يزرع وإلا من جيت للزرع حصاد=لقيت زرعه مثل شوك الكدادي

قله ليا من جاك بعدين وراد =اللي بقوله لك بعلم(ن) وكادي

ما عدك إلا سيف ما أعدك أغماد=سيف(ن) وأسله في وجيه الأعادي

وقله ترى الأسياد مازالت أسياد=ما همها نبح الكلاب الغوادي

حتى لو إن الوضع به صد وإبعاد=ببقى أشهب البارود وأنت الزنادي

وخله يموت ويندفن وسط الألحاد= ويروح مرواح القطا والجرادي

وإسلم عسى أيامك مسرات وإمداد= وياعل ما يلبس عليك الحدادي

ابو مي
10 / 03 / 2009, 22 : 03 AM
ابو خالد ... القصيدة ماظهرت عندي

ورحت أعرضها عن طريق الأرشيف .. حتى أستطيع الأطلاع عليها


فيه مشكلة في عرض أكواد منسق الشعر ....

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

الأتكيت
10 / 03 / 2009, 07 : 04 AM
سلام ياأهل الوفى عريبين الأجداد @@ ياأهل الشعر والعقول الـرشـادي

ثم أثنيه لكم جماعات وأفراد @@ وأخص من أبياتهم رمح بصدر المعادي

الي بيوتهم تثبت علم(ن) وكاد @@ شعر الجزاله طب لطبيب الفوادي

حبيت أشارك من دون ميعاد @@ لو أني في البلد خبير أقتصادي

أبيات مشاركه فقط بعيدآ عن النقد والوزن لئنهم والله اعجبوني فدخلت وحبيت مجارتهم أتمنى ان تقبلوها

خلاص إنتهينا
10 / 03 / 2009, 13 : 03 PM
هلا أخوي الأتكيت وما قصرت

ابوخالد
10 / 03 / 2009, 47 : 10 PM
ابو خالد ... القصيدة ماظهرت عندي

ورحت أعرضها عن طريق الأرشيف .. حتى أستطيع الأطلاع عليها


فيه مشكلة في عرض أكواد منسق الشعر ....

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .


يا مرحبا يا ابومي..الحقيقه لم يصادفني اي مشكله..
حتى وانا اكتب ردي لك الان..

ابوخالد
10 / 03 / 2009, 51 : 10 PM
سلام ياأهل الوفى عريبين الأجداد @@ ياأهل الشعر والعقول الـرشـادي
ثم أثنيه لكم جماعات وأفراد @@ وأخص من أبياتهم رمح بصدر المعادي
الي بيوتهم تثبت علم(ن) وكاد @@ شعر الجزاله طب لطبيب الفوادي
حبيت أشارك من دون ميعاد @@ لو أني في البلد خبير أقتصادي
أبيات مشاركه فقط بعيدآ عن النقد والوزن لئنهم والله اعجبوني فدخلت وحبيت مجارتهم أتمنى ان تقبلوها


صح لسانك وفكرك..يكفينا احساسك يا الاتكيت ...

فالشعر احاسيس قبل ان يكون كلمات..

فائق الود عزيزي..

سلطان بن محمد بن شارع
10 / 03 / 2009, 32 : 11 PM
صح لسانك ياخلاص انتهينا وصح الله لسان ابو خالد بصراحة ابداع من الطرفين وليست بغريبة عليكم وتقبلوا خالص تحياتي

خلاص إنتهينا
11 / 03 / 2009, 50 : 01 PM
تشرفت بمرورك مسردي والوفا طبعي وما عليك زود

ابوخالد
11 / 03 / 2009, 55 : 05 PM
الرساله وصلت وصح لسانك..
تعرف رايي في قصيدك من ايام الدراسه..


لا والذي يجمع على غير ميعاد=ويولف رجال(ن) فناها الطرادي

اني شربت فكاس(ن) يذوب اكباد= حتى غدى عقب المراره قنادي

الجرح.. يبريه الزمن يبن الاجواد=كم لي قتلت الطفل وسط المهادي

وصبحت بين الجرح والجرح فحياد= بينت في عزمي لضدي اجتلادي

حتى ولو موس العذر ناعم حاد=بقدمه فخر(ن) وعزي يشادي

جاعل على حكي الشواذيب سجاد= ولجرح شذابي سكاتي ظمادي

لاهو بشمس(ن) لي ولانيب عباد=يقتات من قلبه وهذا مرادي

خلاص إنتهينا
12 / 03 / 2009, 37 : 12 AM
المهره اللي بين فارس وجلاد =بربط رسنها وأترك الوضع هادي

أتعبتها فالدرب لك بالترداد =عنيتها وأنا بذلت إجتهادي

مارسلتها في عذر وإلا توداد =ولاني بعنيها على غير قادي

أرسلتها بالطيب والناس شهاد =فالمنتدى مابين حضر وبوادي

لاجيت شكاي(ن) ولا جيت طراد = مايتبع المقفين غير الربادي

يجذبني إثنين(ن) ودم(ن) ليا ساد =حرم على راسي يطب الوسادي

والموس مايجرح مطانيخ الأولاد = اللي تحمل للحدب و الهنادي

سكر على الموضوع فالناس نقاد = خله ورى بيبان سجن إنفرادي

ماقل دل ويسمج الهرج لا (زاد) =مامن ورى طول السوالف فوادي

ابوخالد
12 / 03 / 2009, 52 : 02 AM
بينت لك عذري وانا واثق جاد=يا لاعب المعنى يا وين انت غادي

ارفع لك البيضا على سرج وعماد=فتخالف بمهرة نباك المرادي

قد ذي طبختين والاخرى بمبراد =وهذي مشاريبي وهذي بلادي

ماعاد لي عقب التقدام معواد=بذلت لك جهدي ولا ابغي التمادي

البارحه ما ذاقت عيوني ارقاد = وذالليل با كبر لراسي الوسادي

ون كان به في مقدم الوقت ميعاد= فجعل ملاقانا بروس المبادي

لا تخلف الحسبه ترى تخلف اجساد= وهذي امور تفرح ابها الاعادي

ابوخالد
12 / 03 / 2009, 56 : 02 AM
صح لسانك ياخلاص انتهينا وصح الله لسان ابو خالد بصراحة ابداع من الطرفين وليست بغريبة عليكم وتقبلوا خالص تحياتي

لا خلا ولا عدم..

مرورك مكسب..واطرائك نور المتصفح..

ابن غوينم
12 / 03 / 2009, 45 : 03 AM
الاخوان الاعزاء خلاص انتهينا وابو خالد صح الله السنتكم جميع وصراحه ابداع وانا متابع لكم فديتكم جميع والى الامام و الله يوفقكم
وشكرن على المعاني المشفره؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

برق الحيا
12 / 03 / 2009, 21 : 04 AM
خلاص إنتهينا .... صح لسانك .. ماشاء الله عليك

أبوخالد ... إبداع × إبداع


أبيض حدر وادي والاسود على واد .... سوالف(ن) صارت مع قوم عادي ..

تحياتي.

خلاص إنتهينا
12 / 03 / 2009, 18 : 05 AM
أتعبت نفسك بالسهر والتجلاد = ولا دلك الله للطريق السدادي

ماكل من يرمي يقولون صياد = ومن صاد شي(ن)صيد ماقيل صادي

الرمي ياراعي القنص بالتركاد =والصيد يبغي له خبير أوركادي

والشعر به شاعر وبه شخص قصاد = ولا ياصل الجمه قصير الورادي

وماني بداني البيت لامنه أنعاد =البيت لا من عيد جاب الزهادي

ومن لا يوثق بيته بساس وأوتاد =لا هبت الموجه سريع الهدادي

وبن(ن) طبخته يبن الأجواد ماجاد =و مالي بفنجال(ن) طبخ لين بادي

بقفل الموضوع وأحط الأصفاد = وبصبر على حر السيوف الحدادي

خلاص إنتهينا
12 / 03 / 2009, 21 : 05 AM
شكر لك يالكاسر على مرورك(((((((وإذا عندك نصااايح خلها خاصه))))))
ولالالالالا تفهم الموضوووع خطا00000000

ابوخالد
12 / 03 / 2009, 00 : 08 AM
ماهو بكيل(ن) يحسب بكثر الامداد=نشدتني لمر(ن) وجالك مفادي

كنت احسب اني عقب ذا ماني براد =فجعلت من صغر القضيه مزادي

تركت لب القول واصبحت عداد=ربيع ثاني تابع(ن) له جمادي

اجعل على جمرك من الطيب لعواد=ومد لك ريح النفل والزبادي

وذكرك رفقه لها العين مقعاد=خوف(ن) عليها من الزمن لا تبادي

رفقه ما هي طرد ورا قافية(آد)=ولا قصايد ذايعتها الروادي

قد اعتبرني فرد من ضمن الافراد=لصار راس المال صابه كسادي

انا اعتذر عن المواصله..
وتقديرا لـ خلاص انتهينا راح اجعل من بيوته توقيع لي..

خلاص إنتهينا
12 / 03 / 2009, 20 : 09 PM
حياك الله يابو خالد وشرف لي ماذكرته

سلطان بن محمد بن شارع
13 / 03 / 2009, 19 : 03 PM
صح الله السنتكم وبصراحة ماقصرتوا شعراء عمالقة وكفيتو ووفيتو اشوف انها وصلت حدها وشاب القاف مشكووووووووووووووووورين وتقبلووووو خالص تحياتي واعجابي