من روائع الشاعر محمد بن فالح (حمد هادي المسردي

[!! تقوى الهجر !!]

احسب ان ماللجمايل على الدنياء جحود
لين معروفي بذرته بناس وجحدووه

أشهد أن من يفعل الجود في من لايجود
مثل من حجج على غاربه ذبّاح أبوه

مايلاقي ردّها غير إنكار وجحود
ولو تحدّه دنيته وأنتخاهم جنبوه

لاترجى غيمة الصيف أمطار ورعود
ولايغرّك يالخوي بالملا حسن الوجوه

بعضهم يحلف علن بالخفا ينقض عهود
البلا في داخله بالنظر ماشخصوه

لوتشوفه قلت له ماعليه اليوم زود
ومثل هذا أغلب الناس مثلك أيّدوه

يازمان العولمه استوى بيض(ن) وسود
الغبي يافرحته والحكيم اللي يتوه

قاله اللي وارث الشعر أب(ن) عن جدود
دنيته وأيامها والليالي درسوه