الشاعر حمد هادي المسردي

[!! تقوى الهجر !!]

انمـا الدنيـا متـاع والـمـردي=بالثرى والقبر مكفـوف اللحـادي

كل ماقام الزمـان يجـور ضـدي=من نشدني كيف حالك قلـت زادي

اتظاهـر للتـحـدي بالتـصـدي=لجل ما تكثـر شماتـات الاعـادي

فإن ما كتب لـي مـا منـه بـدي=والمصير يصير والواقـع وكـادي

لو حاولت بكل جهد وكـل جـدي=ما عن المقسوم رغم الاجتهـادي

لازم ارضى به ولو ما هـوب ودي=ذلك امـر اللـي عليـه اعتمـادي

اننـي مخلـوق لاشـي بـيـدي=الامـر بيـدالله بيـده الـرشـادي

ولوشكيت ولو بكيت وباح سـدي=ما سوى الله يحقـق لـي مـرادي

وان مدحت الحظ وان قلت متـردي=كل من لافـاده الله مـا ستفـادي

بجتهـد واكـد واستمتـع بكـدي=والله يكتب كل ما فيـه السـدادي

لازم انسى امس واعمل لجل غدي=هكـذا الدنيـا كفـاح واجتهـادي

والأجل محتـوم وقتـه لا يمـدي=والله القـادر ويفعـل مــا ارادي

دام لي حدن مشيـت اليـن حـدي=لن اموت الا اذا حـان الميعـادي

كم وكم بقعا تجيـب وكـم تـودي=والمنايا كـل يـوم تمـد ايـادي

ومهما عديت الليالي السود عـدي=فالاجل ينقص وهي تبقى جـدادي

سوف اسلك درب ابوي ودرب جدي=واترك الانذال واماشـي العـوادي

يكفي اللي فات من جهل وصـدي=عن طريق العدل جـد واعتمـادي

رفقت الطيب كمـا عـود ونـدي=وزبـاد وعنبـر ومسـك وكـادي

ورفقت الانـذال لابـد ان تـودي=للندم مهما يطـول بهـا التمـادي

هكذا الدنيا بها استرخـا وشـدي=ما تعـاش الا بصبـر واجتهـادي

دام ما حدن راح لي فيهـا فعـدي=سـوف اقاومهـا وبالله اعتقـادي

والعدو مانيب طالـب منـه مـدي=والصديق اغليه لو كان اقتصـادي

[!! تقوى الهجر !!]

ان كان هذا الشــــــــاعر رمزكـــــــــــــم لماذا تدفن قصائده ؟؟؟؟؟؟


دمتم بووود

[برق الحيا]

الله الله ,,, الله يرحمه ويسكنه الجنه والله إنه فقيده ,,والقصيده هذي اول مره اقراها ولم أسمع بها من قبل .

مشكـــوور تقوى الهجــر ,, وهـو رمز من رمــوز الشعـر في قحطان ماهوب المسارده وبس !

تحياااتي .

[أبو فايز]

ها هو الشعر الحقيقي وهاهم أهله ..

سأعدل عن مديحه رحمه الله ، فماذا سأقول في شاعر قل أن يجود الزمان بمثله ، وقل أن تجد لشعره شبيها في الشعر النبطي في الجزيرة العربية .. لم يكن يزاول الشعر فحسب بل كان يعطي دروسا للشعراء كيف يكتبوا قصائدهم ..

لكن عتبي الشديد عليك أخي تقوى الهجر ، وأتمنى منك أن تعتني بنقل القصيدة كما هي وأن تبتعد عن الأخطاء الإملائية الغير مقصودة .. أرأيت الذهب عندما يستخرج من المناجم ألا يكون ممتزجا بالحجارة ثم يقومون بإزالة الحجارة عنه ليبقى ذهبا خالصا صافيا .. أريدك أن تفعل ذلك تماما وأن تأتي بالقصائد كما كتبها حمد هادي تماما ، فهو قد جاد بالذهب الخالص ونقحه وعرضه ، وليس من الوفاء أن نشوه ما جاد به شاعرنا الأول بإهمال غير مقصود ..

أتمنى إن كلامي " يوقع في قلب شبل " على ما قالوا الشيبان .. ولا هنت على هذا الجهد المبذول .