ابن دليم
03 / 02 / 2009, 20 : 03 PM
مصافحه اولى اتمنى ان ترتقي الى مستوى القصيد وأن تنال اعجابكم وهي تعبر عن نفسها ومناسبتها
الدمع ماهو ضعف في كل الاحوال =دمع العيون الطيبه من كرمها
كم دمعة تظهر من عيون رجال =جبلة لاهل الشيم من شيمها
والقلب يدفع عبرته دمع لا سال= يطهر قلوب الحرار من المها
ودمعي من اللي يخلف الود همال = اللي خفايا خاطري مافهمها
الصحبه اللي مالها لون واشكال =وربي من علوم المراجل حرمها
حلفت لامحيها من الفكر والبال= مادام نور الصبح يجلا ظلمها
يامن يحسب انه حبك دور الابطال=كم رسمة ماجادها من رسمها
احد يشيل الحمل لو انه جبال = ولا دخله في قضيه حسمها
وليا نخيته ماتعذر ولا مال=كم من رجال طيب فعله حكمها
يضحك حجاجه كل ماشرب فنجال=يبري النفوس الطيبه من سقمها
تهون في قربه عسيرات وجلال =وخيل السعد لاجيت يمه زهمها
بيته مشرع للرياجيل مدهال =كم لطمة للفقر قام ولطمها
لا قال كلمه بدل الحال بالحال=كل اللوازيم ان لزم يلتزمها
مطوع يمناه ...للجود بذال=اللي على المعروف كفه وسمها
مثل الجبال النايفه ظله ظلال=من له مبادي دايم يحترمها
هذاك جعفر بن جمل طيب الفال=تعلو به العليا ويعلو قممها
شيخ من شيوخ ماهو حكي جهال =يالي تكبر في المجالس عممها
الجد جد والهزل دايم هزال=وعلوم ابو ناصر يرفرف علمها
المسردي في مجلس العز يختال=مافرق ربوعه وضوه شعمها
اليا ارتكى للحمل ابو ناصر شال=ماينثني عزم الاسود وهممها
يعيش راس معرب الجد والخال=واهل الشهامه تفتخر في شهمها
ياعل يفدونه رديين وانذال=من حارب جيوش البخل ثم هزمها
ويكرم عن اللي شيمته نصف وريال=وشخصيته وجودها...من عدمها
من هو كثير الهرج والقيل والقال=ومن لاظهر له منك زله لزمها
وان مدك اللي مدته دايم جزال =مايقنع ان لرزاق ربي قسمها
يعيش في هم وغم وتبهذال=صنف غريب من البشر في ذممها
للعبره انسوق الوقايع والامثال=لجل العقول الواعيه تفتهمها
ونقول للي خاب ظنه والامال=وتبخرت احلام فكر حلمها
لاخطيت من صحبة طويلين الاسبال=لاتلحق النفس الكريمه ندمها
الواقعيه بين قولك والافعال=وشر النفوس اليوم ماحد سلمها
العمر رحله والجزاء جنس الاعمال= والرابح اللي بالشهاده ختمها
الدمع ماهو ضعف في كل الاحوال =دمع العيون الطيبه من كرمها
كم دمعة تظهر من عيون رجال =جبلة لاهل الشيم من شيمها
والقلب يدفع عبرته دمع لا سال= يطهر قلوب الحرار من المها
ودمعي من اللي يخلف الود همال = اللي خفايا خاطري مافهمها
الصحبه اللي مالها لون واشكال =وربي من علوم المراجل حرمها
حلفت لامحيها من الفكر والبال= مادام نور الصبح يجلا ظلمها
يامن يحسب انه حبك دور الابطال=كم رسمة ماجادها من رسمها
احد يشيل الحمل لو انه جبال = ولا دخله في قضيه حسمها
وليا نخيته ماتعذر ولا مال=كم من رجال طيب فعله حكمها
يضحك حجاجه كل ماشرب فنجال=يبري النفوس الطيبه من سقمها
تهون في قربه عسيرات وجلال =وخيل السعد لاجيت يمه زهمها
بيته مشرع للرياجيل مدهال =كم لطمة للفقر قام ولطمها
لا قال كلمه بدل الحال بالحال=كل اللوازيم ان لزم يلتزمها
مطوع يمناه ...للجود بذال=اللي على المعروف كفه وسمها
مثل الجبال النايفه ظله ظلال=من له مبادي دايم يحترمها
هذاك جعفر بن جمل طيب الفال=تعلو به العليا ويعلو قممها
شيخ من شيوخ ماهو حكي جهال =يالي تكبر في المجالس عممها
الجد جد والهزل دايم هزال=وعلوم ابو ناصر يرفرف علمها
المسردي في مجلس العز يختال=مافرق ربوعه وضوه شعمها
اليا ارتكى للحمل ابو ناصر شال=ماينثني عزم الاسود وهممها
يعيش راس معرب الجد والخال=واهل الشهامه تفتخر في شهمها
ياعل يفدونه رديين وانذال=من حارب جيوش البخل ثم هزمها
ويكرم عن اللي شيمته نصف وريال=وشخصيته وجودها...من عدمها
من هو كثير الهرج والقيل والقال=ومن لاظهر له منك زله لزمها
وان مدك اللي مدته دايم جزال =مايقنع ان لرزاق ربي قسمها
يعيش في هم وغم وتبهذال=صنف غريب من البشر في ذممها
للعبره انسوق الوقايع والامثال=لجل العقول الواعيه تفتهمها
ونقول للي خاب ظنه والامال=وتبخرت احلام فكر حلمها
لاخطيت من صحبة طويلين الاسبال=لاتلحق النفس الكريمه ندمها
الواقعيه بين قولك والافعال=وشر النفوس اليوم ماحد سلمها
العمر رحله والجزاء جنس الاعمال= والرابح اللي بالشهاده ختمها