المساعد الشخصي الرقمي

مشاهدة النسخة كاملة : لاتراضيني

ناصر بن هذال
28 / 01 / 2009, 27 : 07 PM
السلام عليكم
نص جديد آمل من أخواني الشعراء مجاراته ونقده .
أقول :

لاتراضيني ترى ماني براض(ي)=كبريائي يرفض أنواع التراض
وان بغيت الصدق هذا حكي فاضي=من يفرط فيك ؟ مافيك إستعاض
أنت لو صديت صار الإنتقاض(ي)=وجيت كلي أطوي بعاد الأراض
أعتذر لك عن خطاياك العراض(ي)=واتسامح منك يا ريم الرياض
لانك أول حب.. يعني إفتراض(ي)=وانت احلى حب في قلبي وفاض
وانت خصمي في هواك وأنت قاضي=سو ماتبغي وما عندي إعتراض
,
وسلامتكم
احب الزين
29 / 01 / 2009, 44 : 06 AM
مجاراة الأبيات في مجمل السياق


من يراضيني ترى ماني بـراض(ي)...... هامتى سلبٍ لكل غزلان الرياض
بس لاجلك يستشف لك كل قاضي...... ولو شريحٍ و الفضيل ابن عياض
من بياضك ينجبر له كل ماضي...... و(ب)بعادك يُسلك انواع الحياض
عذركم لي ما يزيد الا انتقاضي...... واالعذر لك من حنين به فياض
ناصر بن هذال
29 / 01 / 2009, 14 : 09 PM
يعطيك العافيه
وشكرا لمشاركتك اللتي أسعدتني.
أبو محمد
31 / 01 / 2009, 10 : 08 PM
هيه ياللي جاد فكرك واستهاضي =من هواجيس (ن) طويلات (ن) عراض
كبريائك لايجي فيه انخفاضي =ولا يجي حوله سواد و لا بياض
والمحبه شرعها حاضر وماضي =مايجي فيها رفاع (ن) وانخفاض
يندمج فيها التسامح والتغاضي =من كلا الاطراف حسب الافتراض
هكذا والا فسيحات الاراضي = عن حياض الشح ترويك الحياض
ناصر بن هذال
01 / 02 / 2009, 20 : 08 PM
ابو محمد صح لسانك ومبدع دائما
حضورك تشريف لي ومجاراتك اجازه واضافه للنص
ناصر بن هذال
01 / 02 / 2009, 21 : 08 PM
واسمح لي ياابو محمد ان احتفظ بردك ضمن قصائدي.
الناااايفه
01 / 02 / 2009, 13 : 09 PM
صــــــــــــــــح 00الســــــــــــــــانك00 يبن00شــــــــــــــــري

بيض الله وجهك ..وصح الله السان الشعار اللي جاروا قصيدتك..

لاهنــــــــــــــــــــــــــت يالقرم 00لك00 فائق 00ودي00واحترامي
الأســـتاذ
01 / 02 / 2009, 01 : 11 PM
تحياتي لك ابو يزيد بعدد ما أسرفت في حرف الضــــــــــاد ...
ناصر بن هذال
02 / 02 / 2009, 16 : 07 PM
النايفه
شكرا لمرورك واضافتك .
ناصر بن هذال
02 / 02 / 2009, 17 : 07 PM
الاستاذ شكرا لمرورك
وصدقني اسعدني ارتقاء النص الى ذائقتك.. .
ناصر بن هذال
03 / 02 / 2009, 02 : 06 AM
مجاراة الشاعر / بعيـــد المدى
,
,

يابو هذال اننقض لي جرح ماضي=سامحك رب السماوات العـراض
ماتقوله كنه للماضـي يحاضـي=يوم ساس القلب جا فيه انقضاض
يوم زعلني محبـي باغتراضـي=قلـت ابذوقـه درس فيـه لاض
لكن اللي صار مافيه اعتواضـي=لوّح إل شخصي بكفين البيـاض
قال في دربي ترا ياشيخ ماضـي=دام لاول غلطة ٍ عفت الفيـاض
ودّع وغاب ورفيقك من يقاضـي=ليته اصبر عن تفاكيـره وراض
le prince
03 / 02 / 2009, 37 : 06 AM
ابويزيد ماشا الله على القصيد الزين الي يشرح الخاطر صح لسانك وفالك الطيب
تقبل المرور
merci beaucoup
ناصر بن هذال
05 / 02 / 2009, 21 : 01 AM
شكر ا لمروك يالبرنس وهذه مجاراه اخرى يشكرون عليها واشكر كل من تابعنا وامل ان نكون قدمنا مايحوز على رضى المتابعين
.
.
السلام عليكم ورحمة الله وبركاته

عند قراءتي للقصيدة كان بجواري الاخ عبدالله القزلان التميمي مشرف الابداع الشعري في منتديات بني تميم واحب مجاراة القصيدة واليكم قصيدة الاخ عبدالله القزلان التميمي ابو علي:

لا تراضيني ترى مانيب راضي
..............قالـها ناصـــر وابن هـــذال هـاض
كن في قلبه من اللوعات شاضي
..............يشتكي لاهل الهـوى والقلب شاض
قلت من دش البحر ياهيه خاضي
..............وفي بحور اهل الهوى حول وخاض
كان قلبك عن حسين الدل راضي
..............وكان قلبــه بالهــوى شفــق وراض
سم بالرحمن ودرور شيخ قاضي
..............يكتب اللي بينكـــم دون اعتـــراض
ونادني يالمسردي لا صرت فاضي
..............واذبـــح اللي سمــها بنت المخاض

ودمتم في حفظ الله
الهاجس
05 / 02 / 2009, 28 : 01 AM
الله لا يهينك يا ابوهذاااال على القصيده
وعزالله انها مثل رااعيها
جزله من رجاااال جزل وفااالك التوفيق
أبو مهند
06 / 02 / 2009, 07 : 10 PM
صــــــــــــــــح الســــــــــــــــانك يبن هذال
وبيض الله وجهك ..وصح لسان كل من جاراك في هذا الابداع
ناصر بن هذال
06 / 02 / 2009, 17 : 10 PM
الهاجس -ابو مهند
شاكر لمروركم