المساعد الشخصي الرقمي

مشاهدة النسخة كاملة : مرثيه الشيخ سلامه ابن سعيدان القحطاني


@تركي السنحاني@
17 / 01 / 2009, 39 : 03 AM
هذه قصيده للشاعر/مسلط بن سعيدان القحطاني في الشيخ سلامه ابن سعيدان رحمه الله واسكنه فسيح جناته



اليوم عدى وشره سابق(ن) خيره=عزى الله انه توفى واحدن غالي
الحيل والحال في الوقت ومقاديره=ماتنفع بشي لاجاتك من الولي
مليت شوف الرياض ورحت للديره=ابي ابلفيت اعود دلهن سالي
واثر المعنى ما عين من مشاويره=الا تافكير ناتجها برى حالي
الوقت يا قلب له ضحكه وتكشيره=ما فيه احد ماعطاه المر والحالي
الهم والغم والهوجاس والحيره=من عاش لازم تلقيه اشهب اللالي
الحزن خيم وعيا ما كفخ طيره=ومن قابل النار لايشره على الصالي
ما جاهل الذنب غفرانه وتكفيره=وان كانها بالبكى ما ابكاني الحالي
مرحوم يا بومناحي طيب السيره=في ذمتي انه دفن في القبر رجالي
راعي العمار اللي ليا جو مساييره=اول ما يلقون ترحيب وتبهلالي
شيخ بكل المجالس بان تقديره=كريم سبلا وعينه للسماء العالي
والموقف العسر لا صفوا طوابيره=يدحم بجنبه وياتي الكايد موالي
الطيب لاغاب في رجواى مداويره=ثم قاموا الربع الاول يسبق التالي
نلقى سلامه خذى الاول على غيره=ما قال ودي بالاول بس ماجالي
لو الغلا يفهق الموت وتعابيره=امداني ارد عنك الموت يا خالي
ومن قبل انطق توفى يالله الخيره=ذكرت باقي خوالي وانشرح بالي
واختامها ندعي في كل تكبيره= جعله في جنه عدن يالله يا والي

الصريح
17 / 01 / 2009, 42 : 10 AM
لو الغلا يفهق الموت وتعابيره=امداني ارد عنك الموت يا خالي
ومن قبل انطق توفى يالله الخيره=ذكرت باقي خوالي وانشرح بالي

الله يرحمه ويسكنه فسيح جناته
ومشكور على نقل القصيده
أطيب المنى ؛

محمد بن عايض المسردي
22 / 01 / 2009, 46 : 12 AM
الله يرحمه..
والله لا يهيتك على النقل المتميـَــــز..

Hero2009
21 / 02 / 2009, 18 : 09 PM
الله يـــرحــمه.. ولا هنــت على النقل..