نجد
07 / 01 / 2009, 49 : 12 PM
أسعد الله مسائكم وكل أوقاتكم بالخير
هذي دروس اتمنى تستفيدون منها
للي يبي يتعلم التصريف :_
- الساعه 11 في الليل .... الرجال توه جاي للبيت
الزوجه: وراك جاي متأخر؟
الزوج : ابد كنت في السوق
الزوجه : لا وفي السوق بعد مافي نومه اليوم الا بالصاله ( قوية )
الزوج : ايه رحت اشتري لك هديه
الزوجه : يلوموني فيك يابعد عمري انت <<< اااه منكم يالحريم
------------------------------
- الساعه 7 بعد المغرب شتاء (انواع البرد)..
الولد توه يجي ياخذ امه من السوق
الام : جعلك منب قايله توك تجي وانا قايلة لك عند اذان المغرب
الولد : رحت اشتري لي شماغ من محل
الام : ولا لقيت تشتري شماغ الا هالحين وانا احتريك
الولد :- ايه وشريت لك شراريب صوف عشان تدفين
الام : جعلك يارب ما تنضر.
اي والله رجيلاتي تعبت من البرد << الأم مسكينه دائماً -------------------------------------
- موظف بنك جاي للدوام الساعه 9الصباح والمدير مستقعد له
المدير : الحمدلله على السلامه كان ماجيت
الموظف : معليش والله بس مريت واحد من الشباب .
المدير : بالله عليك .. اسف ياخي ..,, مخصوم منك يوم
الموظف:- ايه ابوه عنده عشرين مليون ..واقنعته يجيبها للبنك .
المدير: وانا اقول مستحيل انك تتاخر من غير عذر ..ومتى يجي هو وابوه ؟<< المدير لعنبو بليسه مشفوح
------------------------------------
- واحد يطلب واحد فلوس ..والثاني دايم يصرفه .. وفجأه صاده
الطالب : وين ياشيخ حرام عليك تعبت وانا اتصل عليك
المديون: ابد والله كنت مسافر
الطالب : ياخي بدل ماتسافر رجع للعالم فلوسها ..وبعدين سافر ..مب تسافر على حسابي
المديون : ابد ياخي كان عندي ارض هناك ورحت بعتها عشان اسدد فلوسك
الطالب: والله اني قايل ان الفلوس اللي عندك ماتضيع ياخي ..
متى تسدد؟
<< احس قاعد يقول داخل قلبه ردد يالليل ماطولك
لا تصدقون ترى الدعوى سوالف بس
هذي دروس اتمنى تستفيدون منها
للي يبي يتعلم التصريف :_
- الساعه 11 في الليل .... الرجال توه جاي للبيت
الزوجه: وراك جاي متأخر؟
الزوج : ابد كنت في السوق
الزوجه : لا وفي السوق بعد مافي نومه اليوم الا بالصاله ( قوية )
الزوج : ايه رحت اشتري لك هديه
الزوجه : يلوموني فيك يابعد عمري انت <<< اااه منكم يالحريم
------------------------------
- الساعه 7 بعد المغرب شتاء (انواع البرد)..
الولد توه يجي ياخذ امه من السوق
الام : جعلك منب قايله توك تجي وانا قايلة لك عند اذان المغرب
الولد : رحت اشتري لي شماغ من محل
الام : ولا لقيت تشتري شماغ الا هالحين وانا احتريك
الولد :- ايه وشريت لك شراريب صوف عشان تدفين
الام : جعلك يارب ما تنضر.
اي والله رجيلاتي تعبت من البرد << الأم مسكينه دائماً -------------------------------------
- موظف بنك جاي للدوام الساعه 9الصباح والمدير مستقعد له
المدير : الحمدلله على السلامه كان ماجيت
الموظف : معليش والله بس مريت واحد من الشباب .
المدير : بالله عليك .. اسف ياخي ..,, مخصوم منك يوم
الموظف:- ايه ابوه عنده عشرين مليون ..واقنعته يجيبها للبنك .
المدير: وانا اقول مستحيل انك تتاخر من غير عذر ..ومتى يجي هو وابوه ؟<< المدير لعنبو بليسه مشفوح
------------------------------------
- واحد يطلب واحد فلوس ..والثاني دايم يصرفه .. وفجأه صاده
الطالب : وين ياشيخ حرام عليك تعبت وانا اتصل عليك
المديون: ابد والله كنت مسافر
الطالب : ياخي بدل ماتسافر رجع للعالم فلوسها ..وبعدين سافر ..مب تسافر على حسابي
المديون : ابد ياخي كان عندي ارض هناك ورحت بعتها عشان اسدد فلوسك
الطالب: والله اني قايل ان الفلوس اللي عندك ماتضيع ياخي ..
متى تسدد؟
<< احس قاعد يقول داخل قلبه ردد يالليل ماطولك
لا تصدقون ترى الدعوى سوالف بس