المساعد الشخصي الرقمي

مشاهدة النسخة كاملة : ضيقه

طائر الشوق
22 / 12 / 2008, 19 : 01 AM
هذه قصيده كتبتها الأسبوع الماضي حيث كنت أجلس انا وزميلي فهد الشمري بأحد حدائق أشبيل ماثسون
في بريطانيا وأليكم هذه القصيد وأرجو أن تنال أعجابكم وأستحسانكم




يافهد بي ضيقة بالصدر كنهـا شـراره =ولعت بالقلب وخلت الهم لـي مخـاوي
جريت أنا الونات وذقت طعـم المـراره =وبي علة في حنايا القلب ومالها مداوي
الكون في عيني يافهد ضاقـت أنـواره =وأصبحت بدنيا العنا كما الذيـب عـاوي
يافهد دمعي على الخدين مثـل الحـراره =من لهبها بداخل العيـن مانيـب قـاوي
الهم باني له بأقصى الضمايـر عمـاره =نحّل بجسمي وصرت من الفكـر خـاوي
آه من ليل لأقبل علي وأسـدل أستـاره =أشوف الفرح والحزن في حياتي متساوي
اعد ساعات بأول اليـوم وآخـر نهـاره =وأقول الله يصبرني على كثـر البـلاوي
امشي مع الخلان وقلبي كاتـم أسـراره =وشلون ابسلى وجـروح قلبـي نـداوي
أبصبر على بلـواي وبرجـي البشـاره =مـن ربـي المعبـود وأنابـه رجـاوي


بــــقـــــلــــــمــــي
.
.
.
طــــــائــــــر الـــــــشـــــ
كيان إنسانه
22 / 12 / 2008, 59 : 05 AM
صح لسانك
قصيدة رائعه


كل التقدير لك
الصريح
22 / 12 / 2008, 13 : 10 AM
شكرا طائر الشوق على القصيده
وأهم شي الدراسه الديره ملحوق عليها
عندي ملاحظات على وزن بعض الابيات
مع اطيب المنى
طائر الشوق
22 / 12 / 2008, 17 : 02 PM
عالية الهمه

لكي كل الشكر على هذه الطله

الصريح

من عيوني وأبشرو باالخير ولك كل الوفاء عاى هذه الطله
سلطان بن ذيب
23 / 12 / 2008, 39 : 05 PM
صح لسانك قصيده رائعه من شاعر أروع ومثل ما قال الصريح اهم شيئ دراستك
باالتوفيق,,,
طائر الشوق
06 / 01 / 2009, 50 : 09 AM
الحرالنادر صح بدنك والدراسه باذلين المجهود والباقي على الله
طائر الشوق
27 / 01 / 2009, 10 : 05 PM
الله يحفظك يافهد فقد رجع للمملكه والله انه فقيده عز الخوي
السهل الممتنع
10 / 02 / 2009, 51 : 09 AM
طائر الشوق

صح الله لسانك على هذا الاحساس الجميل الممتلئ

بأنين الغربه المؤلم الله يوفقك ان شاء الله وسلم

على السنعوسي

ملاحظة على النص بسيطه وقمت بتعديلها من باب المحبه ليس الا

اتمنى ان تقبلني قبل ان تقبلها وهي كالتالي ..

يافهد والضيق في صدري شـراره =يقدح احزاني ويلحقها الملاوي
اشرب الونه بكفين المـراره =لين يطلع من ورى الصوت الشقاوي
شاعرٍ لامن تغنى لجل داره =جاتك الفزعه على ضهور العزاوي
كنّها صهلت خيولٍ وسط غاره=من طنا قومٍ توردها المناوي
يافهد و الكون في عيني مداره =اضوق من الأرض في عين الخلاوي
يافهد والحر تكفيه الاشاره =لاكفخ من ضيقته كنّه نداوي
لوّ ضيق الصدر في راسه نعاره=مافضح صمتي وانا بعيد الهقاوي
تحياتي القلبيه
ياصديقي
طائر الشوق
10 / 02 / 2009, 11 : 04 PM
ياليا والله قلبك على هذا التعديل وتعديل أخو لهفوت أخيه الصغير مبدع دائمآ لك أجمل وأرق التحيايا يا أبو روز:011:
حكاية إحساس
10 / 02 / 2009, 45 : 07 PM
صح لسانك خيووو

كتبت وابدعت

ابات روعه لاهنت
أسيل
11 / 02 / 2009, 36 : 03 AM
صح لسانك الله يوفقك.."
السهل الممتنع
11 / 02 / 2009, 29 : 06 AM
صديقي

طائر الشوق شكراً لك بحجم السما

على تقبل رأيّ المتواضع

تحياتي القلبيه

ياصديقي
Hero2009
20 / 02 / 2009, 02 : 07 AM
نـــــص رائـــع ومبــــدع.. واتفــق مع الاخوة الكـــرام في الملاحظة مـــع تحيـاتي...:df::df::df::df::df:
طائر الشوق
14 / 03 / 2009, 43 : 04 AM
حكاية أحساس , جمالي من حلا روحي ,السهل الممتنع (أبوروز) , hero.2009

صحت أبدانكم ويسعدني هذا لحضور الجميل وأسعدني كثيرآ وأشكرك ياابوروز مرة ثانيه