خالد بن معدي وقصيدة إعتذار

[خالد بن معدي]

يا ها جس أفكاري وش اللي توحيت =من ضيقة الخاطر ومن ضيقة البال
شهر وأنا مارحت ولا تعديت =في جاش منزالي مع كل نزال
اقلط على وجيه الرجال النعاتيت=واشرب من دلال المطاليق فنجال
واكرمهم الله لا قلطت وتقهويت =ولا اغيب لا جاني من الكفو مرسال
واصد عن هرج الضعوف الشماميت = لأني ماني بدور القيل والقال
واليوم والله مادري ويش سويت = شفت الزعل في عين محمود الأفعال
الغالي اللي لو زعل ماتهنيت = على زعل راعي المواجيب ماحتال
الله يسود وجهي إن كاني اخطيت = عليك ياللي في المواقيف رجال
لو ينقلب بي موتر من ورى هيت = أهون ولا أشوف الجفا منك ياخال
يا محزمي ياعزوتي لا تعزويت= لولاك بعد الله لا حال ولا مال
ولولاك بعدالله لا موتر ولا بيت= ولولاك بعد الله تضايق بي الحال
وأنا علشانك عنيت وتعنيت = ماهو بمقنعني عن العذر جوال
ماتدري إن صدتك لامنك صديت = يفرح بها حاسد وحاقد وعذال
أبيك تدمح زلتي يوم زليت= ولا عسى راسي لقصاف الآجال
خالد بن معدي بن سمران