اهداء خاص للمهندس/ هادي المسردي

[bado0o0or]

إهداء خاص للمهندس / هادي المسردي

من مبدأ قول الرسول صلى الله عليه وسلم : ( من لا يشكر الناس لايشكر الله )

وبما يتميز به ا لمهندس / هادي بن جمعان المسردي أحد العاملين في شركة الكهرباء بمحافظة القويعية بالأخلاق العاليه والجهد المتواصل في تقديم أفضل الخدمات إلى المراجعين لهذه الدائرة وما يتميز به من مصداقية وإنصاح هو والعاملين في هذه الشركة مما أشاد بالشاعر دغس بن سعيد الجروي بأن يقدم له هذه القصيده المتواضعه فيما رأي في ابوبدر من أخلاص وتفاني في العمل ونترككم مع هذه القصيده 0





سلام يابوبدر ياذرب الافعال

ياراعي الفزعات سمح المحيا

ياللي لصعبات المواضيع حلال

يامسند الي مطلبه ماتهيا

أن رحت يمك شفت مايسعد البال

وان جيتني على الكرامه محيا

مانت بردي بينك وبين الردى أميال

بعد الثرى ياهادي من الثريا

والطيب في لجواد واجد ولا زال

والمسردي مضرب مثل في الحميا

منقول من (ساحات القويعية)

[أبو فـلاح]

يستاهل عضونا (أبو بدر)
طريق النجاح يحتاج مواصفات مميزة يمتلكها أبو بدر بمحياه السمح وإبتسامته الرشيقة ...
أتمنى له كل التوفيق

[tayllor]

يستاهل أبو بدر وماهو غريب عليه الفعل الطيب

مشكور أخوي bado0o0or

[ناصر بن هذال]

ماهو غريب الطيب من هل الطيب
وفقك الله ياأبو بدر

[ابو بدر]

أخواني ( bado0o0or.أبو فـلاح.tayllor.ناصر بن هذال ال شري)
ما عليكم زود والطيب فيكم وفينا موجود

[اميرالمشاعر]

بيض الله وجهك ياهادي
والله انك ترفع الراس
ولاهيب غريبه من ال لبدان :002:

[ابو بدر]

بيض الله وجهك ياهادي
والله انك ترفع الراس
ولاهيب غريبه من ال لبدان :002:

ووجهك يأمير المشاعر ولا على المسارده الباقين زود كلهم وافين.

[ابن غوينم]

صح الله للسان الشاعر
وبو بدر يستاهل المدح والله يوفقه وبيض الله وجهه لي جملنا عند قحطان وغيرهم
وشهادتي في الاخ هادي مجروحه الانه صديق وزميل قديم ونعم الاخوه والمعرفه

[ابوخالد]

يستاهل ابوبدر...

رجل ابتسامته لا تفارق محياه...

اسأل الله له التوفيق..فليس للأنسان الا ما قدم ..

[برق الحيا]

يستاهل ابوبدر علمه غانم

واللي مثله وشرواه واجب مدحه

شاكرر ومقدرر

[ابو بدر]

أخواني ( ابن غوينم , ابو خالد والكاسر 20)
اشكركم على المرور والمشاركة في الموضوع ولا عليكم زود
انتم من يدفعنا للعلوم الغانمه

[مسعود فهد المسردي]

أبوبدر وفقه الله طيب ذكر وسمعه ورجل واعي ورافع سمعتنا نتمنى له التوفيق والسداد والله يكثر من أشكاله

[اصدق معاذيري]

الطيب ما يستغرب من اهل الطيب

يستاهل ابو جمعان

[نور جاش]

والله ثم والله ان شهادتي مجروحه بعيال جمعان كلهم والله إن يستاهلون كل خير وبكل صراحه لهم معزة ومكانه كبيرره والله يسعدهم وابائهم ياحي ياقيوم ومن يطلع ع الموضوع

[خط القدر]

صح لسان الشاعر

[الكاتب]

يستاهل ابوبدر

[السلطان 7]

يستاهل ابو بدر وبيض الله وجهه وجه منه على شاكلته الي تشرف وترفع راس القبيله في مختلف الميادين
وصح الله للسان الشاعر

[ابوعساف]

انا لا اعرف ابو بدر
بس علم الحيا والطيبين يبين
تستاهل يابوبدر المدح وبيض الله وجهك
ونتشرف بمعرفتك انت وشرواك
تحياتي

[أبو محمد]

انا مثل ابو عساف في معرفه ابوبدر ولكن انه من أسرة طيبه وابوانه معروفين وغنين
عن التعريف 00000000000000000000000
لكن كم واحد جاني ويقول تراني جيت ابن عمك و خلصنا بيض الله وجهه 000قلنا له مرسلين من فلان ولاقصر وتجمل 000000000علم مابيني وبينه علاقه مباشره ولكن
بقول محبوب بن سمران رحمه الله
الذيب ياتي وليده ذيب 000000000000غصب ٍ على كل زعلاني
وابن الحموله يجمل نفسه وبني عمه وابو بدر كفو وأهل لذلك
قصيدة الشاعر / دغش بن سعيد الجروي سبق وسمعتها منه وهي اطول من كذا
0000000والصحيح جملنا الله يجمل حياته

[ابو ديم]

ابو بدر كفوووو ويستاهل كل خير
وبصراحه ابو بدر قمه بالاخلاق الحميده والاحترام
وشهادتي في ابن عمي مجروحه