محسن المسردي
10 / 11 / 2002, 59 : 11 PM
أخواني الإعزاء
.
.
.
اليكم هذه القصيده للشاعر الكبير
حمد بن هادي المسردي
رحمه الله
أرجو من جميع المسافرين مع هذه القصيده
ربط الأحزمه لأن القصيدة مكونه من ميه و ثلاثين بيت
.
.
.
نصح وإرشاد
-
يقول اللي برسم القافيات = يصوغ القاف صوغ مجوهرات
إلى منه بغا نظم القصيد = فلا يختار غير الطيبات
تنقا من نظيفات اللحون = على كيفه من القاف كلمات
محاريف القوافي لو تعصت = أصخرها ولو هي عاصيات
تخيرت الكلام اللي يفيد = وجنبت العلوم التافهات
وأنا قاسيت شدات الزمان = وذقت أمرارها والحاليات
ومن قاسى على الدنيا شدايد = يفيد ويستفيد من الحيات
وأنا ماني بقول اني خبير =ولاني با أدعي بمقولات
درست من المعرفه ما تيسر = وصرت أعرف علوم ٍ موجزات
وعشت من الحياة الله واعلم = عن اللي من سنين العمر فات
عرفت أطوار نيات الرجال = وشفت أسرارها المتخالفات
وميزت الرفيع من الوضيع = وقلت الحق والعلم الثبات
ترى في الناس من يجلى الهموم = عن المضيوم عند النايبات
يسد النوب من كل النواحي = ويركي للحمول الكايدات
عزيز النفس لو ماله قليل = ايدينه بالوفا مستاصلات
عزيز النفس لو ماله قليل = احباله للمكارم واردات
عزيز النفس لو ماله قليل = اشبوره للمراجل طايلات
ولا ظنيت به ظن ٍ بطيب = تشوف رسوم ظنك راسيات
وليمنك نخيته في لزوم =بذل لك في قضاه المعجزات
وليمنك نصيته وأنت ضيف = يقوم لك بجميع الواجبات
وفيهم من يزيد الهم غم =ولا ينطح وجيه المكرمات
واضعيف النفس لو ماله كثير = سواً به في حياته والممات
واضعيف النفس لو ماله كثير =عن الطوله شبوره قاصرات
واضعيف النفس نذل ٍ ما يفيد = وجوده والعدم متساويات
بخيل ٍ فوق دنياه وذليل =وعن الامجاد طبوعه شاذات
يقوله واحد ٍ جرب وشاف = وصار يقول عقب التجربات
على قول الذي بالقول فاز = سبقني في العصور الماضيات
جزا الله الشدايد كل خير = عرفت بها القدا والمخطيات
وعرفت بها العدو من الصديق = جزاها الله عني بحسنات
فيا سامع كلامي لك علي = نصايح كالجواهر غاليات
ولا أريد الجزا إلا من إلهي = ثواب الله خير الجايزات
عليك بطاعة الله ذو الجلال = إله الكون رب الكاينات
جليل الملك ذو العرش العظيم = ومن الأفلاك بأمره دايرات
مغيث المستغيث إليا أستغاث = وقهار الجبابرة الطغات
ولي الأمر عالم كل شي = ولا تخفى عليه الخافيات
محب العفو غفار الذنوب = وله حسنات الأسما والصفات
وسيع الحلم رحمن ٍ رحيم =وعفوه واسع ٍ للمغفرات
وهو معبودنا المحيي المميت =وعلم الفقر بيده والغنات
عليك بطاعته في كل حين =وقم له بالفروض اللازمات
شهادتك وصلاتك والصيام =وحج البيت واداي الزكات
وبر الوالدين احرص عليه = وفعل الباقيات الصالحات
وقل معروف وأنه عن المناكر =وأتق ذنب رجم المحصنات
ولا تنقل كلام ٍ بالنميمه =وتظلم لك نفوس ٍ غافلات
ترى المولى عن العالم غني = ومن طاعه ينال الأمنيات
كريم ٍ لا عطا ماهو بخيل = ومداته جزال ٍ وافيات
ليا منه عطى جزل العطايا = وهو حلال صعب المشكلات
تراه اللي ليا ضاقت عليك = يفرجها مجيب الدعوات
مزيل الهم رزاق ٍ معين = على خلقه عيونه مرقبات
عظيم الشان حي ٍ لا يموت = مديم ٍ والخلايق فانيات
وكن مستامن ٍ به وأمش وامن = والأقدار بفلكها ماشيات
ولا تحزن وعاند كل هم = ولا بد الشدايد زايلات
ولا شفت المحقريه بديره = فلرض الله فجوج ٍ واسعات
بدل دار ٍ جفاك اللي سكنها = اتحصل لك ديار ٍ ثانيات
فحث الرجل وأرحل لا تبالي = ولا تبقى عزومك فاترات
ودس بالرجل غبات المخاطر = ولا تحسب احساب مخاطرات
فلا يجري لك الا ما كتب لك = ولا ياقاك عنه محاذرات
وهاجر عن ديار الذل تربح = وسافر للديار النازحات
ترى الأسفار سجات وغنايم = وكم للبال فيها تسليات
ترى الأسفار للعاقل مفيده = تفيدك من جميع الناحيات
تعرفك الرجال الطيبين = ذوي ساس العلوم الغانمات
وتجعل همة اعزومك قويه = وتعطيك الدروس الكافيات
وفيها للمعاش أحسن وسيله = وفيها للنصيب مصادفات
وسجات النفَس فيها وفيها = لعمر المرء في الدنيا طرات
تحرك في فجوج الله الوسيعه = يجيك الرزق من كل الجهات
ولا ترضى الكسافه والمهونه = تشوف من المعادين الشمات
وترى عمر الفتى ماهو بدايم = وترى آجال النفوس محددات
ونيل المجد في قوة الإراده = وطلاب المعالي ما يبات
يدور للعلا لو كان يتعب = وعيونه في طلبها ساهرات
فلا تغتر بالنوم العميق = تراه يضيعك عمق السبات
تغانم دام لك قدر إستطاعه = وما دام الفرص لك سانحات
وليمنك بذلت الجهد فأعلم = ترى أرزاق العباد امقدرات
فكن صابر وأقنع بالمقدَرْ = ولا تندم على ما كان فات
ترى الأرزاق ما تاتي بقوه = ودنيانا تراها خذ وهات
ورزق الحي مضمون ٍ وجاري = إليا حتى تلاقيه الوفات
ولكن التسبب شي واجب = ومن يزرع سيجني الثمرات
وترى من جد لابد انه ياجد = كلام أهل العقول الزاكيات
وليمنه بذل جهده ولا أحرز = مرامه ما عليه معاتبات
ونفسه ما يلحقها حسوفه = بقوله ما عملت محاولات
اليا من الليالي عاكسنّه = وحظه ما سعى بمساعدات
فيدري بان هذي دبرة الله = ويبقى قانع ٍ بالحاصلات
وخير الناس من يعطى القناعه = ولا أشقى من نفوس ٍ طامعات
وعندي غير ما قلته وصايا = على المعنى الصحيح امسيسات
اليا منك بغيت تصون عرضك = وتحضى بالمزايا الكاملات
فلا تمشي معا الأنذال دايم = وساير لك رجاجيل ٍ ثقات
ومن لا شاورك لا تستشيره = ولو عند الظروف القاسيات
وكُن صامت فإن الصمت حكمه = وهيبه داخل المجتمعات
وكُب الثرثره بالك تلجلج = فلا يبقى على هرجك شفات
وكثر الضحك نقص ٍ بالمهابه = فلا تضحك بدون مناسبات
ولا تنطق بغير الصدق دايم = ولا تبدي اهروج ٍ كاذبات
وكُن متواضع ٍ بالك تكبَر = وخل أخلاقك دايم عاليات
ولا تشكي على حي ٍ سوى الله = اليا شفت الظروف معاكسات
ولا تبدي على الأنذال سدك = ولا بد الشدايد زايلات
ولا تنسى عليك بحفظ حقك = ترى ليس الكرم بمناضحات
وعن التبذير صُن مالك يصونك = اليا جات الظروف القاسيات
ترى ماكل من يضحك يفيدك = اليا صارت يدينك خاليات
وعز الجار فان الجار قدره = على المسلم من المستلزمات
وظيفك بش في وجهه وقدم = له الماجود حسب المقدرات
وحذراك الخيانه في خويك = ولا ترضى عليه محايفات
وحذراك الغرور أول شبابك = ترى طرق الغرور مضيعات
وليا ثار النشب بين المقرد = فجنب والعواقب مرضيات
ولا تخطي ولا يخطى عليك = وبالك تعترض لمعرضات
وليا جاك الخطا من يم جاهل = فداره بالهروج المقنعات
لعلك تقنعه بأحسن وسيله = وبيبان الحماقه مقفلات
وان لم يقنع الجاهل بعذرك = وأموره شفتها متوترات
فكن عاقل وحذراك الجهاله = وحسّب للقوافي قافيات
ليا جهل الجهول العقل ضده = فلا تحسب لأمور ٍ مهملات
مضى وقت الجهل وأقفى وولى = معا غبر السنين المدبرات
وليا مد الجهول ايديه عامد = وصارت ما تفيد مفاهمات
فحاول تقنعه فان كان عاند = فلا للنكر غير المنكرات
وردع الجهل ما يحسب خطيه = ويحسب من الأمور المقديات
خصوصاً لأنتهى مقدار صبرك = وشفت من الخصيم معاندات
فلا يرضى على نفسه مذله = يكون اللي عزومه ناقصات
ردي الخال نذل ٍ وابن هامه = ولاش ٍ والروابع خاذلات
وليا منه قضى صبرك وغلق = وشفت ان مالحلول بمجديات
فدافع دون عرضك والكرامه = وخاتمتك ليا ما جات جات
والأجل مقدر ٍ والموت واحد = والأنفس كلها له ذايقات
ولا ياقى الحذر مما يقدر = لا بد أحكام ربك نافذات
وهذا ما أستطعت من النصايح = نصايح ثابته وموكدات
يقوله واحد ٍ والكامل الله = يوصي وما عمل بالتوصيات
أوصيكم وأنا والله مقصر = قصور ٍ ما تغطه لأورقات
خصوصاً من جهة ما يرضي الله = وهذا اللي به أكبر فايدات
عسى ربي يسامحني ويغفر = ذنوبي الآتيه والسالفات
ولكن ياهل العرف أعذروني = اليا قصرت فأبغى المعذرات
وصلى الله على المختار طه = عدد مانسنسن الذاريات
شفيع الخلق في يوم الملاقا = وكل الخلق حافين ٍ عرات
رسول الحق سيدنا محمد = عليه من الإله أزكى صلات
-
-حمد بن هادي المسردي-
-
.
.
.
تحياتي للجميع،،،
.
.
.
.
.
اليكم هذه القصيده للشاعر الكبير
حمد بن هادي المسردي
رحمه الله
أرجو من جميع المسافرين مع هذه القصيده
ربط الأحزمه لأن القصيدة مكونه من ميه و ثلاثين بيت
.
.
.
نصح وإرشاد
-
يقول اللي برسم القافيات = يصوغ القاف صوغ مجوهرات
إلى منه بغا نظم القصيد = فلا يختار غير الطيبات
تنقا من نظيفات اللحون = على كيفه من القاف كلمات
محاريف القوافي لو تعصت = أصخرها ولو هي عاصيات
تخيرت الكلام اللي يفيد = وجنبت العلوم التافهات
وأنا قاسيت شدات الزمان = وذقت أمرارها والحاليات
ومن قاسى على الدنيا شدايد = يفيد ويستفيد من الحيات
وأنا ماني بقول اني خبير =ولاني با أدعي بمقولات
درست من المعرفه ما تيسر = وصرت أعرف علوم ٍ موجزات
وعشت من الحياة الله واعلم = عن اللي من سنين العمر فات
عرفت أطوار نيات الرجال = وشفت أسرارها المتخالفات
وميزت الرفيع من الوضيع = وقلت الحق والعلم الثبات
ترى في الناس من يجلى الهموم = عن المضيوم عند النايبات
يسد النوب من كل النواحي = ويركي للحمول الكايدات
عزيز النفس لو ماله قليل = ايدينه بالوفا مستاصلات
عزيز النفس لو ماله قليل = احباله للمكارم واردات
عزيز النفس لو ماله قليل = اشبوره للمراجل طايلات
ولا ظنيت به ظن ٍ بطيب = تشوف رسوم ظنك راسيات
وليمنك نخيته في لزوم =بذل لك في قضاه المعجزات
وليمنك نصيته وأنت ضيف = يقوم لك بجميع الواجبات
وفيهم من يزيد الهم غم =ولا ينطح وجيه المكرمات
واضعيف النفس لو ماله كثير = سواً به في حياته والممات
واضعيف النفس لو ماله كثير =عن الطوله شبوره قاصرات
واضعيف النفس نذل ٍ ما يفيد = وجوده والعدم متساويات
بخيل ٍ فوق دنياه وذليل =وعن الامجاد طبوعه شاذات
يقوله واحد ٍ جرب وشاف = وصار يقول عقب التجربات
على قول الذي بالقول فاز = سبقني في العصور الماضيات
جزا الله الشدايد كل خير = عرفت بها القدا والمخطيات
وعرفت بها العدو من الصديق = جزاها الله عني بحسنات
فيا سامع كلامي لك علي = نصايح كالجواهر غاليات
ولا أريد الجزا إلا من إلهي = ثواب الله خير الجايزات
عليك بطاعة الله ذو الجلال = إله الكون رب الكاينات
جليل الملك ذو العرش العظيم = ومن الأفلاك بأمره دايرات
مغيث المستغيث إليا أستغاث = وقهار الجبابرة الطغات
ولي الأمر عالم كل شي = ولا تخفى عليه الخافيات
محب العفو غفار الذنوب = وله حسنات الأسما والصفات
وسيع الحلم رحمن ٍ رحيم =وعفوه واسع ٍ للمغفرات
وهو معبودنا المحيي المميت =وعلم الفقر بيده والغنات
عليك بطاعته في كل حين =وقم له بالفروض اللازمات
شهادتك وصلاتك والصيام =وحج البيت واداي الزكات
وبر الوالدين احرص عليه = وفعل الباقيات الصالحات
وقل معروف وأنه عن المناكر =وأتق ذنب رجم المحصنات
ولا تنقل كلام ٍ بالنميمه =وتظلم لك نفوس ٍ غافلات
ترى المولى عن العالم غني = ومن طاعه ينال الأمنيات
كريم ٍ لا عطا ماهو بخيل = ومداته جزال ٍ وافيات
ليا منه عطى جزل العطايا = وهو حلال صعب المشكلات
تراه اللي ليا ضاقت عليك = يفرجها مجيب الدعوات
مزيل الهم رزاق ٍ معين = على خلقه عيونه مرقبات
عظيم الشان حي ٍ لا يموت = مديم ٍ والخلايق فانيات
وكن مستامن ٍ به وأمش وامن = والأقدار بفلكها ماشيات
ولا تحزن وعاند كل هم = ولا بد الشدايد زايلات
ولا شفت المحقريه بديره = فلرض الله فجوج ٍ واسعات
بدل دار ٍ جفاك اللي سكنها = اتحصل لك ديار ٍ ثانيات
فحث الرجل وأرحل لا تبالي = ولا تبقى عزومك فاترات
ودس بالرجل غبات المخاطر = ولا تحسب احساب مخاطرات
فلا يجري لك الا ما كتب لك = ولا ياقاك عنه محاذرات
وهاجر عن ديار الذل تربح = وسافر للديار النازحات
ترى الأسفار سجات وغنايم = وكم للبال فيها تسليات
ترى الأسفار للعاقل مفيده = تفيدك من جميع الناحيات
تعرفك الرجال الطيبين = ذوي ساس العلوم الغانمات
وتجعل همة اعزومك قويه = وتعطيك الدروس الكافيات
وفيها للمعاش أحسن وسيله = وفيها للنصيب مصادفات
وسجات النفَس فيها وفيها = لعمر المرء في الدنيا طرات
تحرك في فجوج الله الوسيعه = يجيك الرزق من كل الجهات
ولا ترضى الكسافه والمهونه = تشوف من المعادين الشمات
وترى عمر الفتى ماهو بدايم = وترى آجال النفوس محددات
ونيل المجد في قوة الإراده = وطلاب المعالي ما يبات
يدور للعلا لو كان يتعب = وعيونه في طلبها ساهرات
فلا تغتر بالنوم العميق = تراه يضيعك عمق السبات
تغانم دام لك قدر إستطاعه = وما دام الفرص لك سانحات
وليمنك بذلت الجهد فأعلم = ترى أرزاق العباد امقدرات
فكن صابر وأقنع بالمقدَرْ = ولا تندم على ما كان فات
ترى الأرزاق ما تاتي بقوه = ودنيانا تراها خذ وهات
ورزق الحي مضمون ٍ وجاري = إليا حتى تلاقيه الوفات
ولكن التسبب شي واجب = ومن يزرع سيجني الثمرات
وترى من جد لابد انه ياجد = كلام أهل العقول الزاكيات
وليمنه بذل جهده ولا أحرز = مرامه ما عليه معاتبات
ونفسه ما يلحقها حسوفه = بقوله ما عملت محاولات
اليا من الليالي عاكسنّه = وحظه ما سعى بمساعدات
فيدري بان هذي دبرة الله = ويبقى قانع ٍ بالحاصلات
وخير الناس من يعطى القناعه = ولا أشقى من نفوس ٍ طامعات
وعندي غير ما قلته وصايا = على المعنى الصحيح امسيسات
اليا منك بغيت تصون عرضك = وتحضى بالمزايا الكاملات
فلا تمشي معا الأنذال دايم = وساير لك رجاجيل ٍ ثقات
ومن لا شاورك لا تستشيره = ولو عند الظروف القاسيات
وكُن صامت فإن الصمت حكمه = وهيبه داخل المجتمعات
وكُب الثرثره بالك تلجلج = فلا يبقى على هرجك شفات
وكثر الضحك نقص ٍ بالمهابه = فلا تضحك بدون مناسبات
ولا تنطق بغير الصدق دايم = ولا تبدي اهروج ٍ كاذبات
وكُن متواضع ٍ بالك تكبَر = وخل أخلاقك دايم عاليات
ولا تشكي على حي ٍ سوى الله = اليا شفت الظروف معاكسات
ولا تبدي على الأنذال سدك = ولا بد الشدايد زايلات
ولا تنسى عليك بحفظ حقك = ترى ليس الكرم بمناضحات
وعن التبذير صُن مالك يصونك = اليا جات الظروف القاسيات
ترى ماكل من يضحك يفيدك = اليا صارت يدينك خاليات
وعز الجار فان الجار قدره = على المسلم من المستلزمات
وظيفك بش في وجهه وقدم = له الماجود حسب المقدرات
وحذراك الخيانه في خويك = ولا ترضى عليه محايفات
وحذراك الغرور أول شبابك = ترى طرق الغرور مضيعات
وليا ثار النشب بين المقرد = فجنب والعواقب مرضيات
ولا تخطي ولا يخطى عليك = وبالك تعترض لمعرضات
وليا جاك الخطا من يم جاهل = فداره بالهروج المقنعات
لعلك تقنعه بأحسن وسيله = وبيبان الحماقه مقفلات
وان لم يقنع الجاهل بعذرك = وأموره شفتها متوترات
فكن عاقل وحذراك الجهاله = وحسّب للقوافي قافيات
ليا جهل الجهول العقل ضده = فلا تحسب لأمور ٍ مهملات
مضى وقت الجهل وأقفى وولى = معا غبر السنين المدبرات
وليا مد الجهول ايديه عامد = وصارت ما تفيد مفاهمات
فحاول تقنعه فان كان عاند = فلا للنكر غير المنكرات
وردع الجهل ما يحسب خطيه = ويحسب من الأمور المقديات
خصوصاً لأنتهى مقدار صبرك = وشفت من الخصيم معاندات
فلا يرضى على نفسه مذله = يكون اللي عزومه ناقصات
ردي الخال نذل ٍ وابن هامه = ولاش ٍ والروابع خاذلات
وليا منه قضى صبرك وغلق = وشفت ان مالحلول بمجديات
فدافع دون عرضك والكرامه = وخاتمتك ليا ما جات جات
والأجل مقدر ٍ والموت واحد = والأنفس كلها له ذايقات
ولا ياقى الحذر مما يقدر = لا بد أحكام ربك نافذات
وهذا ما أستطعت من النصايح = نصايح ثابته وموكدات
يقوله واحد ٍ والكامل الله = يوصي وما عمل بالتوصيات
أوصيكم وأنا والله مقصر = قصور ٍ ما تغطه لأورقات
خصوصاً من جهة ما يرضي الله = وهذا اللي به أكبر فايدات
عسى ربي يسامحني ويغفر = ذنوبي الآتيه والسالفات
ولكن ياهل العرف أعذروني = اليا قصرت فأبغى المعذرات
وصلى الله على المختار طه = عدد مانسنسن الذاريات
شفيع الخلق في يوم الملاقا = وكل الخلق حافين ٍ عرات
رسول الحق سيدنا محمد = عليه من الإله أزكى صلات
-
-حمد بن هادي المسردي-
-
.
.
.
تحياتي للجميع،،،
.
.