ابن عويد
07 / 11 / 2008, 41 : 03 AM
في زمان العولمه ويش باقي مايصير=كل ماراحت مصيبه لفانا غيرها
خطة خطط لها بوش مع توني بلير=تقتضي تجويع الامه قبل تدميرها
ابتدو باسواق الاسهم وخلوها تطير=واضربوها لين ماعاد رفرف طيرها
خلوا اصحاب الملايين والمال الوفير=تلوي ايدين الفقارى وتنهب خيرها
والفقير الي حياته من اولها فقير=ما عرف ويش القضيه ولاتفسيرها
باع ماتملك يده من قليل ومن كثير=استدان من البنوك وسعا في طيرها
ساقته لحلام بامر من الرب القدير=وادخل فلوسه جميع يبي تكثيرها
وقابل التلفاز وانصت لتحليل الخبير=يشرح اوضاع المكيرش قبل تسكيرها
واستراح لشوف مايا ابنطال الحرير=خدرته ام البناطيل من تخديرها
مادرى ان الوضع خربان والموقف خطير=انهيار هد سابك على تعميرها
واصبح المسكين خسران والراتب اسير=دارته بقعا قبل مايقوم يديرها
المعيشه غاليه كله ا حتى الشعير=كيسه بخمسين من وين له تدبيرها
صار حلمه فعل ماضي وتحقيقه عسير=راح مثل القدس حلم العرب تحريرها
ياضعيف خل حلمك على قدك صغير=فيه ناس ماتفكر مثل تفكيرها
ارجع ارجع يم عشتك وفراش الحصير =وحاول انك تبذل الجهد في تطويرها
واطلب الله طلبتين مع الثلث الاخير=طلبتين عود السانك ابتكريرها
يالله انك لاتبيحه ولاتجزاه خير=من منع ورد الضمايا ودمدم بيرها
والنهايه جعل ربي لعبدالله نصير=دام عايش طز في بوشها وبليرها
وسلامتكم اخوكم الشاعر عجب بن حمد المسردي
خطة خطط لها بوش مع توني بلير=تقتضي تجويع الامه قبل تدميرها
ابتدو باسواق الاسهم وخلوها تطير=واضربوها لين ماعاد رفرف طيرها
خلوا اصحاب الملايين والمال الوفير=تلوي ايدين الفقارى وتنهب خيرها
والفقير الي حياته من اولها فقير=ما عرف ويش القضيه ولاتفسيرها
باع ماتملك يده من قليل ومن كثير=استدان من البنوك وسعا في طيرها
ساقته لحلام بامر من الرب القدير=وادخل فلوسه جميع يبي تكثيرها
وقابل التلفاز وانصت لتحليل الخبير=يشرح اوضاع المكيرش قبل تسكيرها
واستراح لشوف مايا ابنطال الحرير=خدرته ام البناطيل من تخديرها
مادرى ان الوضع خربان والموقف خطير=انهيار هد سابك على تعميرها
واصبح المسكين خسران والراتب اسير=دارته بقعا قبل مايقوم يديرها
المعيشه غاليه كله ا حتى الشعير=كيسه بخمسين من وين له تدبيرها
صار حلمه فعل ماضي وتحقيقه عسير=راح مثل القدس حلم العرب تحريرها
ياضعيف خل حلمك على قدك صغير=فيه ناس ماتفكر مثل تفكيرها
ارجع ارجع يم عشتك وفراش الحصير =وحاول انك تبذل الجهد في تطويرها
واطلب الله طلبتين مع الثلث الاخير=طلبتين عود السانك ابتكريرها
يالله انك لاتبيحه ولاتجزاه خير=من منع ورد الضمايا ودمدم بيرها
والنهايه جعل ربي لعبدالله نصير=دام عايش طز في بوشها وبليرها
وسلامتكم اخوكم الشاعر عجب بن حمد المسردي