الفراق

[طائر الشوق]

لا واهنـي اللـذي ماذاقهـا فرقـا=
ماذاق نار الفراق وفقـدت الخلّـي
ولاجرّها ونةٍ مـن واهـج الحرقـا=
على حبيبٍ رحل من عقب ماحلّـي
وماهوب في دمع عينه طاح واغترقـا=
غرقان في دمع مثل السيل لـه هلّـي
ولاماسرتبه هجوسه غـربٍ وشرقـا=
هاجوس حزنٍ على درب الشقا تلّـي
ولاعاف نوم الكرى وآعتاد بالآرقـا=
ينام والقلـب خالـي هـمّ منزلّـي
ولاسمّ حاله كثير الشوق واحترقـا=
واصبح نحيلٍ يعانـي جـرح منعلّـي
ماهوب قلبي همومـه تزرقـه زرقـا=
في كل ليلٍ وصبـحٍ ياعـرب ملّـي
كله سبايب خطيـرٍ سارقـه سرقـا=
غدى فؤادي رهينـة عنـد محتلّـي
استوطن القلب حب الزين واخترقـا=
مفروش له وسط قلبي بالوفـا زلّـي
وحل الفرح في فؤادي رعـدٍ وبرقـا=
امطار حبٍ في كل النبـض تنهلّـي
وقامت لحون الهنا واطيورها الورقـا=
تلعب طرب تسجع الالحان وتشلّـي
ازدانت اجواء قلبي سبـت الطرقـا=
هبّت نسايم تفـوح ابعنبـر وفلّـي
لكنّ مادام وصـل الزيـن وامّرقـا=
كما مروق الجفاف إليا حصل بلّـي
وماتت طيور الهنا والحزن لـه مرقـا=
في جوف قلبي وانا بالهـمّ منخلّـي
والجو عتّم بعد صفو السمـا الزرقـا=
والسطح مجدب بعد بالوسم مبتلّـي
وصد الفرح عن سويدا القلب وانذرقا=
ذروق كنّه وخوفـه زولـي وظلّـي
هذي حكايـة فـؤادٍ ذاقهـا فرقـا=
يجرّهـا ونـةٍ ويصيـح ياخـلّـي


((بقلمي))
.
.
.
.
.
.
طـائــرالـشــ