يابنت قلبي من عنا الوقت مفتـاق

[طائر الشوق]

أليكم أبيات من الصميم وأريد النقد من الجميع


نويت اجازي قاسي القلب بفـراق
مدام قلبي مـن قساهـم تصـدّا =
صبرت لين الصبر ماعـاد ينطـاق
صبرٍ كثر للحـد فـاق وتعـدّا =
واليوم قلبي حس واعتاش فـوّاق
من عقب ماهو في خداعك تـردّى =
ماعاد قلبي يطلب الوصل مشتـاق
عاف الغـرام ومالكـم فيـه ودّا =
وشلون يبقى وافيٍ بعـد مـاذاق
ذاق الجفا والغـدر منكـم تبـدّا =
يابنت قلبي من عنا الوقت مفتـاق
تكفي هموم الوقت عنكم تسـدّا =
انا الحزين اللي غرق وسط الاعماق
في بحر حزنٍ بيـن جـزرٍ ومـدّا =
يسهر طوال الليل لليـل عشّـاق
يرقب نجـوم الليـل دومٍ يعـدّا =
ليل الحزن نوم الكرى مننـا بـاق
نسهر مـع الاحـزان يـدٍ بيـدّا =
الليل طال وننتظر بزغـة اشـراق
تزيح ظلـم الليـل عنّـا تلـدّا =
خلاص قلبي ناويٍ هجر الاشواق
من دنيتك طوّى خيامـه وشـدّا =
يابنت انا ماحب لويات الاعنـاق
عزيز نفـس(ن) فالكرامـة مجـدّا =
ويابنت زبدة علمنا قلبنـا فـاق
من بعد غيبوبة صحـا واستجـدّا =
نويت اجازي لاهي الحب بفـراق
نويت اجازي صده اليـوم صـدّا =

[نقاء]

،!،،مساء الخير ،!،،

الله ،،الله ،،
للأمانه أخي الفاضل / طائر الشوق ،،!،
أبيات موزونه ولم أجد أي بيت حتى انتقدك فيه ،،!،،
فــ صح منطوقك ،، أبيات جزله من راس جزل ،، لاهنت يالسنافي ،،!،
وطن من ورد لك على أمتاعنا بها ،،ورفع الله قدرك في عليين ،!،،

،!،هنا نقاء ،!،،

[ابوخالد]

ما اقول الا كما قالت نقاء...

[طائر الشوق]

نقاء

ابا خالد


لكم الشكر ولكم وعد باالمزيد

[ناصر بن هذال]

صح لسانك
نص رائع..وقافيه صعبه لم تنثيك عن الابداع
بحق استمتعت في قراءة النص.
,,
بودي لو اخترت عنوان مختصر للقصيده ..
مثلا: هجر الاشـواق او عزيز نفس
,
,
تقبل تحياتي

[طائر الشوق]

صح لسانك
نص رائع..وقافيه صعبه لم تنثيك عن الابداع
بحق استمتعت في قراءة النص.
,,
بودي لو اخترت عنوان مختصر للقصيده ..
مثلا: هجر الاشـواق او عزيز نفس
,
,
تقبل تحياتي


هلابك ناصر بن هذال وشهاده عزلي منك انت ايضآ ايه الشاعر المبدع

[محمد بن عايض المسردي]

طائر الشوق..
صح لسانك..

[سلطان بن ذيب]

صح لسانك ياطائر الشوق وصراحه تابعت لك أكثر من قصيده كلها أبداع ونتمنى المزيد المفيد