الي زعل يبقى على طول زعلان

[طائر الشوق]

لاتتصل ماني على الصـوت شفقـان=
وفـر كلافـة عنـوتـك واتصـالـك

اللي زعل يبقى على طـول زعـلان=
ومشكور ماقصـرت يكفـي سؤالـك

مامشي ورى المقفي لو كـان ماكـان=
اعز نفسي صـوب رغبـة وصالـك

صحيح أحبـك مولعـاً فيـك هيمـان=
وصوتـك يسافربـي لاعالـم خيالـك

لكن حبـي لـك ألـه اربـع أركـان=
من دونهـا عنـدي قصيـره حبالـك

عزي ؟ وفهمك ؟ كلمتي ؟ وزود تحنان=
وايضا الوفا ؟ واأبشر بقلبـي وفالـك

وأنكـان ناويهـا صـدوداً وهجـران=
لابـوك لابـو الحـب لابـو جمالـك

أحقرك وانهي عشرتك (ذل) حقـران=
بهيبـك لين يخيـفـك أضـلالـك

ماقد سمعـت بـذل أنسـان لاأنسـان=
منـي خـذه لاتسمعـه و جـالـك

لاتحسبيني شخـص بالسهـل ينهـان=
منهو نواهـا محاولـه صـار هالـك

لاتتصل ماني على الصـوت شفقـان=
وفـر كلافـة عنـوتـك وأتصـالـك

اللي زعل يبقى على طـول زعـلان=
ومشكور ماقصـرت يكفـي سؤالـك

[طائر الشوق]

وينكم ....

[ناصر بن هذال]

عزيزي طائر الشوق
صح لسانك ولاتستعجل الردود فالحراك هنا قليل والكثير يتجنب النقد لكي لايقع في احراجات مع الشعار
عموما مجمل النص جيد واتمنى ان ارى نص اخر لو تكرمت.
وملاحظاتي التاليه:
اخر بيتين هما اجمل مطلع للقصيده..وجرت العاده ان تختم القصيده ببيت واحد فقط من اول القصيده.
..
لكن حبـي لـك ألـه اربـع أركـان =مـن دونهـا عنـدي قصيـره حبالـك
هذا البيت تستثني فيه شيئا فارى- والراي لك -ان تقول مثلا:
لكن حبـي لـك لـه حدود أركـان =مـن دونهـا لازم تقصر حبالـك
....
في رايي هذا البيت لايخدم النص وحذفه افضل:
عزي ؟ وفهمك ؟ كلمتي ؟ وزود تحنان=وايضا الوفا ؟ واأبشـر بقلبـي وفالـك
.......
يقولون: العتاب على قدر المحبه لكن ما اراه ليس عتابا فقط
وللمعلوميه ف(السب واللعن)من موانع النشر لدى الصحف
...
وفقك الله

[نقاء]

الأخ الكريم / طائر الشوق ،،
صح لسانك مدد ،، قصيده طيبه ،، ولاهنت عليها ،،

،، نقاء ،،

[ابوخالد]

نص رائع ياطير الشوق...
ينبأ عن عطاء اجمل..
طبعا انت طلبت النقد ومواطن الضعف فلازم تحملنا..انا والزملاء..

هنا تقول اربع اركان ولكنك ذكرت خمسه..
عزي ؟ وفهمك ؟ كلمتي ؟ وزود تحنان=
وايضا الوفا ؟ واأبشر بقلبـي وفالـك

كما انك هنا تحتاج الى تغيير كلمة الين الى حتى لكي يستقيم الوزن..

في هذا الشطر..
بهيبـك لين يخيـفـك أضـلالـك

وهذا الشطر لم يستقم الوزن فيه ايضا.
منـي خـذه لاتسمعـه و جـالـك

بقية النص يستحق التصفيق..
ويمكن ان ما بينته انا كان بأسباب اخطاء مطبعيه..كما في الشطر الاول من البيت الاول فقد نسيت انت كلمة لاتتصل
واضفتها انا لاحقا لانني وجدت نفس البيت في الاخير فعلمت انها سقطت سهوا..

[طائر الشوق]

ناصر هذال وأبا خالد

نقد جميل ومنجز باالتفصيل

[الهاجس]

لا هنت اخوي طاير قصيده ثارت اعجابي والله يوفقك يالذيب

وتقبل مروووري

[ابوشيبه]

صح لسانك على هالقصيده الجزله

[أبو مهند]

قصيدة رائعة وابداع صح لسانك واتمنى لك التوفيق

[Hero2009]

نــص جــميل.. صـح لـسانكـ...

[الشااااايب]

قصيده طيبه وصح الله لسانك وتقبل مروري