خمس أبيات تبي ردرود

[برق الحيا]

بسم الله الرحمن الرحيم
هاذي خمس أبيات أبي من الاعضاء الشعار الرد عليها أو نقدها

أحدن على الدنيا حباله تقصص = واحدن حباله بالشواهيق مربوطه
واحدن لماله يجمع الربع والنص = واحدن لماله مايحسب هبوطه
واحدن هروجه لاتزيد وتنقص = واحدن هروجه وافياتن شروطه
واحدن على الشدات خايف ومنغص = واحدن على الشدات سرجه وقوطه
يقولها اللي بالتجارب تحرص = شاف المناكر والمراجل صعوطه

[ابوخالد]

أحدن على الدنيا حبالـه تقصـص ***واحدن حباله بالشواهيق مربوطـه

على بحر المسحوب..واذا قطعناها على الميزان تصبح هكذا..
مس ... تف... علن ...... مس... تف... علن ...... فا ... علا ... تن
اح...دن...علد......دن...يا...حبا......له...تقص..صص
وح..دن..حبا......له...بش..شوا..هي..قمر..بو..طه

يتضح من خلال البيت الاول انك وقعت فيما يسمى الزحاف...في الشطرالثاني..(العجز)
ومن ثم ايضا زد حرف على الوزن وهو الهاء...وهذا خلل في الوزن..

[محمد بن عايض المسردي]

الوزن لي ملاحظه عليــه..

[ناصر بن هذال]

صح لسانك
هذا ردي واتمنى ان يحوز على رضاك وعلى رضا النقاد.
,

على الندا جينا نغني ونرقص = نبدع قصيد واضحات(ن) خطوطه
خمسة بيوت(ن) مثل عقد(ن) مرصص=نعدها مثل التويجر لنوطه
غالي بنات الفكر لجلك بترخص=ومن لاقدر فيها بنعلن سقوطه
ياصاحبي في الناس ناس تلصص=وناس صعيب العلم تقدر تسوطه
وهذاك حال الناس لا لا تخصص = طنش تعش وانس الزمان وضغوطه

[برق الحيا]

ابوخالد الزحاف ومتفاعلان وتفاعلات والله ياخوك ماعرفها لكن الدعوى كلها كلمة مربوطه والقصيده ملحنها على المسحوب تمام لكن الابيات الباقيه ماعلقت عليها واذا عندك رد ياليت تطربنا

شاكر ومقدر

[برق الحيا]

صح لسانك يبوهذال وافي وردك وافي
اقف امام هذه الابيات اجلال واحترام

شاكر ومقدر

[الهاجس]

صح لساانك اخوووي الكااااسر ومثل ما قااال ابو خاالد وبيض الله وجهك
تقبل مروووري وفي انتظااار الجديد

[الشااااايب]

مشكوور اخوي وتقبل مروري