برق الحيا
19 / 10 / 2008, 09 : 10 PM
يا مرحبا ياللي علومك جزيلات = يامعرب الجدين نسل المناعير
لولا غلاكم ماقطعنا المسافات = ولولا غلاكم ماجفينا المعاذير
نعم الرجال اهل الوفا والمروات = نعم الرجال مدلهين المسايير
في ذكر خالك بالوفا والجمالات =أثلجت صدر اللي عصته المقادير
ومادام لي في الطيب فعل وعادات = من حقي أفخربه بزين التفاكير
واصوغ من شانه جديدات الابيات = اللي تجملني بحسن التدابير
ذكره لنا عز وفخر وانتصارات = لأهل القلوب اللي تهز الطوابير
النادر اللي طوع المستحيلات = للمجد رجله مااتعبتها المشاوير
حر شهر صيته بروس الطويلات = كلن على مجده وصيته مصابير
وكل علمٍ صعب عنده سهالات = لااستصعبت بيد الامير ابن الامير
أفنى حياته بالعزم للبطولات = وأنا احمد الله ماعلينا مخاسير
راح وتوفى مير انا أقول مامات = ذكره مثل ذكر الكتب للمشاهير
تحتار في مدحه جميع العبارات =وتعجز بوصفه سمان التعابير
ويالله يارب الملا والسماوات = ترحم عزيز القدر ستر الغنادير
وتمطر على قبره صدوق المخيلات = ياخذ سنه يفرح بنبت ونواوير
والا جملنا فالأمور الصعيبات = صخر فعول الطيب والعز تصخير
ما رده من الطيب كثر المجالات = في كل دربٍ له معزه وتقدير
مازعزعه كبر العلوم الجديدات = ولاعود أقدامه بمشي المحادير
حاش المراجل مالتفت للشهادات = عينه على كسب المراجل مساهير
الله يديمه في السنين المديدات = اللي على شوفه نسوق التباشير
والا أنت يالمنعور زبن المهمات = حررت معنى المدح والعز تحرير
اقديت في عد البيوت الجزيلات = اللي سببها صار في القلب تأثير
جددت بأسلوبك سلومٍ قديمات = وجنبت في قصدك جميع المحاذير
ورقيت بافكارك جبالٍ منيفات = تصعب على اللي عيشته بالتياسير
وفي الختام أقولها قبل النهايات = الشاهد الله ماحصل منك تقصير
لولا غلاكم ماقطعنا المسافات = ولولا غلاكم ماجفينا المعاذير
نعم الرجال اهل الوفا والمروات = نعم الرجال مدلهين المسايير
في ذكر خالك بالوفا والجمالات =أثلجت صدر اللي عصته المقادير
ومادام لي في الطيب فعل وعادات = من حقي أفخربه بزين التفاكير
واصوغ من شانه جديدات الابيات = اللي تجملني بحسن التدابير
ذكره لنا عز وفخر وانتصارات = لأهل القلوب اللي تهز الطوابير
النادر اللي طوع المستحيلات = للمجد رجله مااتعبتها المشاوير
حر شهر صيته بروس الطويلات = كلن على مجده وصيته مصابير
وكل علمٍ صعب عنده سهالات = لااستصعبت بيد الامير ابن الامير
أفنى حياته بالعزم للبطولات = وأنا احمد الله ماعلينا مخاسير
راح وتوفى مير انا أقول مامات = ذكره مثل ذكر الكتب للمشاهير
تحتار في مدحه جميع العبارات =وتعجز بوصفه سمان التعابير
ويالله يارب الملا والسماوات = ترحم عزيز القدر ستر الغنادير
وتمطر على قبره صدوق المخيلات = ياخذ سنه يفرح بنبت ونواوير
والا جملنا فالأمور الصعيبات = صخر فعول الطيب والعز تصخير
ما رده من الطيب كثر المجالات = في كل دربٍ له معزه وتقدير
مازعزعه كبر العلوم الجديدات = ولاعود أقدامه بمشي المحادير
حاش المراجل مالتفت للشهادات = عينه على كسب المراجل مساهير
الله يديمه في السنين المديدات = اللي على شوفه نسوق التباشير
والا أنت يالمنعور زبن المهمات = حررت معنى المدح والعز تحرير
اقديت في عد البيوت الجزيلات = اللي سببها صار في القلب تأثير
جددت بأسلوبك سلومٍ قديمات = وجنبت في قصدك جميع المحاذير
ورقيت بافكارك جبالٍ منيفات = تصعب على اللي عيشته بالتياسير
وفي الختام أقولها قبل النهايات = الشاهد الله ماحصل منك تقصير