المساعد الشخصي الرقمي

مشاهدة النسخة كاملة : اليوم ضرب الخمس في صحن فتوش *** وبكره غدايه وسط مطعم بخاري


صادق الكلمة
08 / 02 / 2003, 38 : 02 AM
السلام عليكم

القصيدة ذي على لسان زوج عائلته بمدينة ويعمل بمدينة غيرها .. والمسيكين يسافر الجمعة لعمله ويرجع لأهله يوم الربوع ...
المهم ... في يوم جمعه يوم جاء من الصلاة الا والمره مزهبتن الغداء المشوي والفتوش والسلطات والفاكهه .. ناظر في الغداء وتذكر المشوار والعمل وقال :

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter="":42dccdce9d]
اليوم ضرب الخمس في صحن فتوش *** وبكره غدايه وسط مطعم بخاري
لحم الدجاج امخيس والرز مغشوش *** والماء بلونه مثل نبع المجاري

آكل ولكن الدجاجه تدور بوش *** وأطلع من المطعم لباب الطواري

وراعي الطلب في الغش كنه قراقوش *** يحسب دبل لو كان ما ني بشاري

وإن جيت أحاسب قلت ما عندي قروش *** افهق ليا الراتب تجيك المصاري

ولي عزبتن وسط البلد كنها حوش *** وأسكن بها العزبه مع إثنين غاري

عسكر عزوبيه لهم منظر وحوش *** وأصواتهم في الليل مثل الضواري

يعجبهم التكفيخ والطق والهوش *** عرابجه وأشغالهم بالمساري

عقب الزيوت الراس والشعر منفوش***للقمل والصيبان فيـّه مواري

أسافر الجمعه مع الخط مربوش *** ويوم الربوع أصير شخص إنتحاري
[/poet:42dccdce9d]

مجموعة انسان
08 / 02 / 2003, 57 : 02 AM
الاخ العزيز صادق الكلمه


مشكور ولا قصرت


والله يكون بعون هالشخص لكن ليش ماينقل اهله معه ويرتاح من هالاكل والعزوبيه

تحياااااااااااااااااااااااااااتي

محسن المسردي
08 / 02 / 2003, 05 : 11 AM
أخي العزيز ... صادق الكلمة

حلوه والله يعينه على مطعم البخاري

ولكن فيه كلمه بين الأقواس عجزت أفهمها

ولي عزبتن وسط البلد كنها حوش *** وأسكن بها العزبه مع إثنيـن ( غـاري )

يعطيك العافيه

تحياتي،،،
.
.

amoor
08 / 02 / 2003, 36 : 06 PM
حلوة وهذه تجربة له في مثل يقول( ماتعرف خيري إلا لما تجرب غيري)

كونان
08 / 02 / 2003, 45 : 09 PM
الظاهر مسيكين دارس الجامعة بنفس الحالة يتغدى بـ4 ريال

كونان
08 / 02 / 2003, 46 : 09 PM
شكل المسكين ذا درس الجامعة بنفس الاسلوب يتغدى بـ4 ريال

صادق الكلمة
09 / 02 / 2003, 15 : 10 PM
السلام عليكم

الاخوه الاعزاء :

مجموعة انسان..........محسن المسردي................ عمور ................. كونان

اشكركم جميعا على حسن التواصل

الاخ محسن.......

كلمة (غاري) اعتقد انه يقصد بها (غيري)