قصيده سفر ابن دعبوب

[النداوي]

هذه القصيده للاخ سفر بن عبدالله ابن دعبوب
قالها في ابوه الشيخ/عبدالله ابن دعبوب

الله علم يابن دعبوب وشهي التوالي = والله يقرب بالفرج والتساهيل
اثرالليالي دايمن في توالي = وتحرم عليه شوفتك ياذيب الرجيل
مرحوم يالي ماتمشي الابعتدالي = معروف في المرجله اطوف كل الحلاحيل
معرب الجدين من عم وخالي = ولاجايوم الملاقى ماتسمع الاصوت الصقاقيل

[ناصر بن هذال]

صح لسانك.
والله يرحم ابو حسن رحمة واسعه .
رغم صغر سن الشاعر الا انها ابيات معبره
,,
ارجو ان تستمر في المحاوله فلديك ماتقدمه واتمنى ان ارى نص اخر قريبا.

[أبو فـلاح]

ابن دعبوب نقلنا القصيدة هنا حتى يكون المجال متاحا أمام النقاد لتصحيح أخطائك في القصيدة بما أنها محاولتك الأولى ..

طبعا أمون ؟؟؟؟؟

[الأســـتاذ]

محاولة جيدة نوعا ما... و مشوارك طويل ...!!!!!

[النداوي]

الله ليهينكم على المرور

اعرف أنه تشيع لي .... ون أطريق أمامي طويل ..

ولكن لمن اعرض عليه أنتاجي .... لتوجيهي .... وتسديدي..


الا انتم ..

فأنتم أحرص ألناس على وعلى ... سمعت شعر القبيله وشعراهم ..

فصبروا علي .... ونصحوني ..

وبتأكيد أتمون يابو فلاح ... وخواني الكبار الشعراء مثل ابو هذال ...ولاستاذ ....وابو خالد ... والكثير ولله الحمد كثركم الله ..


تقبلوا تحياتي ...

[ابو مي]

لاهنت يا ب دعبوب

وصراحة أنا سعيد بهذه المحاولة

وأسعدني جداً ردك ..

فديت خشمك يا الغالي

[ابوخالد]

محاوله مبشره بجديد افضل...
قصيدتك فيها ابيات على المسحوب..
لا اعلم مالوسيله التي تكتب بها...ولكن كبدايه حاول تركيب الكلام على لحن تحفظه ولو لأغنيه..بحيث لا تتعرض لوقفات ولا مد تحاول به ملأ فراغ..
فمثلا الشطر هذا في القصيده..

والله يـقـرب بـالـفـرج والتسـاهـيـل
يركب على لحن.

.انا حبيبي بسمته تخجل الضي..

وهو موزون ميه على ميه..

[ناصر بن هذال]

للامانه القصيده كبدايه وفي سنك تعتبر ممتازه.

فهي تحتاج لتعديل بسيط ... مثلا:

الله علـم ياصاحبي بالتوالـي=والله يـقـرب بـالـفـرج والتسـاهـيـل
اثرالليـالـي دايـمـن فــي تـوالــي=ويحـرم عليـنا شوف ذيـب الرجاجيـل
مرحـوم يـالـلي مشيتك بعتـدالـي=وبالمرجله جاوزت كل الحلاحيـل
يامعـرب الجديـن عــم(ن) وخـالـي=ويوم الملاقى محتمي بالمصاقيل

,,
وفقك الله

[أبوعبدالله]

سفر ماشاء الله عليك
بداية موفقة وانتظار القااااااااااادم

[المسافر]

الله يرحم ابوحسن يستاهل الجزلات وبنسبه لشاعر ما عرفه صراحه والاكيد ماهي بغريبه عليهم فهي احدى مايتميز به فرسان الباديه وشجعانهم وهو التعبير عما يجول في خواطرهم بالقصائد غض النظر عن سنه.ويعطيك العافيه ياابوهذال على جميع مداخلاتك لان ( الطيب ما يجي الا من عند اهله).واحب ابارك للجميع بشهر واخص زميل الدراسه ابــــــــــــــــــــــــــــــــــوفــــــــــــ ــــــــــــــــــلاحـــــــــــــــــــــــــــــ ـــــــــــــــــــــــــــــــــــــــــــــ!

[مجموعة انسان]

الله يرحمك يابو حسن ويدخلك الفردوس الأعلى


صح السانك على المحاوله الجيده

[الخلاوي]

أخوي سفر صح لسانك ولاهنت على هذه الابيات
الله يرحم أبوك ويسكنه جنات النعيم
ننتظر جديدك بدايه طيبه

[النداوي]

اخوي مجموعة انسان الله لا يهينك على المرور

[النداوي]

اخوي الخلاوي الله لايهينك على المرور