مجاراه لبو هذال والحياني والبلجيك

[خلاص إنتهينا]

يالله يامنشي مع الجو القنوف==ياواحد(ن)تعلم خفايا سدنا
يامنجي محمد وهو بوسط الكهوف==مدتك يوم الناس محد(ن)مدنا
حبيت أجاري من يعزون الضيوف==اللي قصايدهم لها نور وسنا
قصيدت(ن)تلعب على ضرب الدفوف==مثل الكحيله والرسن في يدنا
تكسب رضا الأصحاب ما تهوى الرفوف==اللي فصيلة دمهم من دمنا
واللاش في كبده مثل سم(ن) زعوف==خسران لو جا فالطريق وضدنا
نضرب على الكايد ولا ننوي النكوف== ونزود الضربه ليا عاد أوثنا
نرسي لو أن الوقت غابر وأمعصوف==هذي عوايدنا وعادت جدنا
وإن كان عد اللي هرج لحقه نشوف==أنا أحمد الله ما يوقف عدنا
__________________________________________________ __________

[ابوخالد]

مجاراه جميله كسابقاتها...
صح لسانك يا خلاص انتهينا..
انت من الشعراء الجديرين بالاهتمام تتقن البحور والاسترسال وحذر جدا في تعليقاتك..خصوصا للمشاركات التي لا تمت للشعر بصله..
تقبل مروري..

[ناصر بن هذال]

وإن كان عد اللي هرج لحقـه نشـوف=أنـا أحمـد الله مـا يوقـف عدنـا

الله ..الله ..صح لسانك

امتعتنا والله

وقد نقلت نسخه من قصيدتك للشاعر البجيك.

[خلاص إنتهينا]

الأخ أبو خالد يشرفني مرورك وتعليقك على القصيده,,,,,,,,,,,,,,,,,,,

[خلاص إنتهينا]

الأخ ناصر بن هذال هذه مجاراه بسيطه ولولا إعجابي بالقصايد ماجاريتكم, ,,,,,,,,,,
أشكر لك مروووورك

[ناصر بن هذال]

رد البلجيك :
الله يحيك ويحي ما جيت به

سلم على خويك وقله :


سبحان من حجت له الناس وتطوف=حجوا له الحجاج في البيت و منا

يالله طلبتك مزنة(ن) تسقى الشعوف=تروي بها عود(ن) تمايل وانثنا

وان دق لي الهاجوس اشتغل البلوف=في حضرة اللي شيدوا قصر و بنا

الخير واجد فالبيّر ماهو امغروف=تلقى القراح العذب يملى جمنا

ماهو من الطاري ولا محض الصدوف=الا بعزم(ن) في المواقف ما انحنا

الفيلسوف اللي يجاري الفيلسوف=اما رقى عليا الشعر و لا دنا

وشمس الحقيقه ما يباريها الكسوف=واكبر طواغيت العرب ما لدنا

يا هرجة الهراج روحي للذلوف=مادام شبره ما وفى به عندنا

لو سجلوا الاسما وكثروا في الكشوف=كشف المزور لو تجاهل عدنا

ساس العرب بين الرجاجيل امعروف=من اول الدنيا ولا حد(ن) قدنا


.
.