قصيده في الطيب الي بينا والخيب الي بعيد"عنا ان شاء الله<<<<<<<<<<<<<<

[ابن جبهان]

السلام عليــكم ورحمــة الله وبـركاتــه
هذي قصيــده متواضعه ارجو ان تنال على اعجابكم
وهي وصف للطيب الي عندنا وبينا .... وللخيب الي بعيد"عنا وعن مجالسنا ان شاء الله
فارجوووو ان تقبلوها منــي ولكم جزيل الشكر :
انا اشهد ان بعض العرب لا عرفناه
زادت جمــايلنا وزدنـــا مروه
حتى ولو انه بعيــد" من اقصــاه
يآقف على عهد الوفاء والاخوه
طيب وذكره طيب"لا عدمـــنــاه
قرم" شجاع وفي اللوازم يقــوه
حر" فطين وكل عين" تمنـــاه
منصاالرجال وفي الكرم شب ضوه
سديد رآي وهيبته ترهب عداه
حكيم وفي نطقت لسانه مفوه
وهرج الردي مايلتفت له لياجاه
يترك ذليل القول خيره وسوه
عزيز نفس وعزته من حلايـاه
فخر الرجال ومزبن" للجلوه
هذا قليل" من كثير" ذكرناه
لاهل الشجاعه و الوفاء و المروه
وبعض العرب ماتقبله مثل ماطاه
واطي وذكره في المجالس مشوه
خيب وذكره خيب" لاذكرناه
يتبع هواء بآله ونفسه وجوه
ماينفعك لاجيت صوبه وتنخاه
توه على فعل الطحاطيح توه
نفسه ضعيفه والبخل ساس مبداه
راعي نفاق وفي كلامه يموه
وياجعل منهو لردي حط مركاه
تصلاه نار الويل من حر ضوه
ويالي سمعت القول فكربمعناه
ترى الحياة دروس والوقت توه
وترى المراجل ضلع يتعبك مرقاه
اصبر وشد الحيل ترقى علوه
ويالي تبي الطالات والعز والجاه
لاتمشي الا مع رجال المروه
وختامها صلو على خير من جاه
وحي الكتاب وجاه ختم النبؤه
وسلامتكم جميع

[حــظ عــيني]

صــــــــــــــــــــــح لســـــــــــــــــــــــانك ياأبـــــــو نـــــــــاصر
ســـــــــــــــــــلمـــــــــــت ولاهـــــــــــــنت
قصــــــــيدك كــــــفـــــو وأنـــــــت كــــــــفو

[سلطان بن ذيب]

أبن جبهان صح لسانك قصيده روعه والي الأمام يابو ناصر

[ناصر بن هذال]

اللهم صلي عليه وسلم.
صح لسانك
ماشاء الله قصيده شامخه وجزله.
يقال "الشعر هو اللذي حين تسمعه يحرك مشاعرك"وقصيدتك فعلا كذلك.
وفقك الله .

[الخلاوي]

صح لسانك ابن جبهان ابيات جزله ووااااافيه

[خلاص إنتهينا]

صح لسااااااااااااانك جزل والقصيده جزله