عزوز - أبو مي - جاش .. أول رحلة استكشافية ترعاها منتديات جاش ( شاركنا)

[أبو ياسر]

مرحباً بالجميع ...
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
أولاً الحكاية كلها لعبة ...
طريقة اللعبة: هو أن نكتب قصة أو رواية طويلة لا نهاية لها .. سأبدأ أنا بالمقدمة و يبدأ الأخوة و الأخوات بإكمال القصة ... مثلاً أقول
قرر الفتى ( جاش) أن يذهب في رحلة إلى جبال الهملايا و فكر كثيراً كيف يقنع والدته ....
يكمل أحد الأعضاء ويقول :
ذهب جاش إلى أمه و جلس قبالتها و بدأ في حال ارتباك كيف يبدأ الحديث ...
يكمل أحد الأعضاء و يقول:
بالفعل تكلم ( جاش ) و أخبر أمه عن عزمه لسفر إلى جبال الهملايا في رحلة استكشافية ، و ما كان من أمه إلا أن ( صمخته بكف أدارت له الأرض أكثر من مائة مرة في الدقيقة ) ، و صرخت أنه لا يمكنك السفر لوحدك فاخذ أخوك معك ...
وإذا لم يستطع العضو أن يكمل يتوقف .. و يكمل بعده ... شريطة أن يكون السرد متسلسلاً .. يعني لا يجي و احد و يقول ..
زلت قدم جاش من على هضبة و سقط في أحد الأودية السحيقة و خرج له تمساح فاغر فاه!!!
ونحن لم نقنع والدة ام جاش برحيل ابنها ...
وأمر مهم آخر لا يشارك أحد ( الأنذال ) وحاشاكم!!
ويقول: مات جاش!!!
نريد هذه الحكاية أن تكون ممتعة و فيها قفشات .. و السادة الممتعون في جاش كثر ..
*&***&*****&*******
نبدأ القصة:
الفتى جاش: هو فتى عمره 18 عاماً يريد أن يرحل خارج المملكة و يستكشف العالم ، و يطلب من أخوانه في منتديات جاش أن يساعدوه في هذه الرحلة و بالتحديد يرسموا دقائق قصته بالكامل ، هو لا يريدهم أن يفعلوا مثل مجمع البحرين و يكتبوا بالعربية الفصحى بل يريد أن يووا حكايته بالعامية لكي تكون ممتعة أكثر ، قرر هذه المرة أن يبدأ و بدا أن تكون جبال الهملايا هي أولى محطاته ...
بداية الحكاية:
أخبر جاش خويه عزوز عن عزمه للسفر ..و ألح عزوز أن يصحبه في الرحلة الإستكشافية لأنحاء العالم .. وافق جاش على أن يكون عزوز صاحبه في السفر بشرط أن لا يوقعه في المشاكل .. ذهبوا إلى أبي فلاح و أخبروه أنهم عازمون للسفر و بودهم ان يكونوا أول رحل استكشافية للعرب المسلمين الجاشيين لجبال الهملايا و ان يرفعوا علم منتديات جاش على جبال الهملايا .. وافق أبوفلاح على الخبر وطلب منهم أن يصطحبوا معه المراقب أبومي .. غضب عزوز و قال في نفسه - ورانا ورانا المراقبة حتى على جبال الهملايا - .. أما جاش فرحب بأبي مي ... استعدوا للسفر و أخذوا الموافقة من أهاليهم ماعدا أبو مي إذ عارضت ابنته منيره فكرة السفر و تعلقت بتلابييه عندالباب و لم يسطع الفكاك منها إلا بمساعدة زوجته ... أما عن عزوز فلم تشكل أسرت مشكلة ما عدى مناحي السادس عشر فقد حذره من اتباع توصيات أبو مي الر قابية و أن عليه ( أن يقدح من رأسه ) متى ما رأى أنه على حق ..
الصور الرمزية للأبطال الثلاثة:
أبومي
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
....
عزوز
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
.....
جاش
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
......................
الساعة السادسة و نصف ... مطار الملك خالد .. وجدوا في صالة المطار جميع أعضاء جاش بقيادة شبيب لتوديع أول بعثة استكشافية ترعاها منتديات جاش .. و تخلف عن الموادعة سفير الحزن فعنده مشاغل كثيرة مع الأحزان أجبرته على التخلف و كذلك زائر الليل لأن الرحلة كانت صباحاً و البحر المحيط لأن المطار لا يتسع له ، و كذلك مجمع البحرين إذ اكتشف أن نتيجة الجمع غلط...
مرر المغامرون الثلاثة أمتعتهم على السير الكهربائي فجأة توقف السير .. وطلب مسؤل التفتيش أن يفتح عزوز شنطته !!!!!!

إلي بعدي يكمل القصة ...

[سلطان بن ذيب]

أخوي العزيز مجمع البحرين مشكور وانا بكمل
[وقام عزوز بفتج شنطته ولئسف لقو فيها مجموعة نواشف أخذها عزوز ليئكل منها على قمة جبال الهملايا

وغضب المشرف أبو فلاح وقال له هل انت ذاهب لتئكل أم لتكتشف الجبال التي تشبه جبال القنه وقام

أبو فلاح وسحب الكرتون المليئ با النواشف وعزوز يقف متئملن الموقف ولكن لحسن الحظ ان هناك بقيايا

في الشنطه من جبن الكير ي التي لم يرها المشرفين با المطار حيث انشغلو في النقاش مع ابومي الذي هو

الأخر هرب له قطعة من القرص المجمور واما جاش فهو مسكين ونظامي لئبعد الحدود وقمنا بدوديعم با

المطار بعد ان قام بعض أعظاء منتدى جاش بطلبت أبو فلاح با السماح لهم با المئكولات وفجئه سمعت

صوت واحد يصيح من خلفي ألتفت أليه لقيته مجمع البحرين وقد كان معه أحدى علب الزيتون حقت عزوز

المهم أخونا مجمع البحرين يصيح وفمه مليئ با الزيتون أنتبهو على أنفسكم وعلى جاش ترى أمه موصين

عليه تكفون عدنا جميعنا وبدئت الرحله من صعود سلم الطائره



أخواني لم أستطع التكمله عندي شغل>>>>>>>>>>>>>>>>>>>>>>>>>>>>>>>>>>>ألأي بعدي كمل

[كيان إنسانه]

المهم ركبو الطياره وهم مستانسين بقوووووووه وبنفس الوقت كانو خايفين من الهنود الا جاش طبعا ماكان خايف لانه بطل كان جاش يهديهم

جلسو يسولوفون ويضحكون ويكذبون ع بعض ويقززون اللي معاهم بالطياره وفجأه...




حسو ان في الطياره شي غريب


شوي الا طلع لهم واحد يخرع
عيونه كنها ازره
وخشمه كنه براد عزوبيه
وفمه كنه قوطي صلصه
ورقبته مشفره
وجسمه كنه بسكوت ويفر يعني من فوق كبير ومن تحت صغير


المهم قال لهم هالوحش لاحد يتحرك واللي بيتحرك والله لانسيه حليب امه
قامو اخويا جاش يبكون وصارخون ويشققون ملابسهم وياويلي عليهم والله مساكين

وجاش ساكت وشوي
وبكل ثقه جاش وقف وراح يم الوحش
ومسكه مع يده اليمين عاد الوحش طلع خرطي رخمه خاف من جاش المزيون ويوم
مسك جاش الوحش مع يده قام يطقه وشوي يمين وشوي يسار مع يده طبع

فاصل ونواصل
ترا ماعرف اشرح


عدنا

اااااااااااااااااااااااااه
تعبت اللي بعدي يكمل

[أبو ياسر]

الحر النارد - أتعبني غروري .. شكراً لكما
********************
وبينما الرجل الوحش يتأرجح بين يدي جاش ذات اليمين و الشمال .. قرر عزوز أن يشارك

في المعركة فسدد لكمة خماسية صوب الرجل و لكنها للأسف أخطأته و اتجهت نحو جاش

الذي سقط من أثرها على الأرض .. فانتهز الرجل الوحش الفرصة و هرب ....

جاش: آه! آه! وش سويت ياعزوز !! بغيت تكسر خشمي

عزوز: ما عليش يا جاش والله ما بيها لك .. أبيها لذا الحقير إلي مسويلي فيها شنب ..

جاش: خلاص بس اجلس .. وتكفى يا عزوز إذا شفتني مسيطر على الوضع لا تفزع ..

أبومي: معليش يا جماعة و فروا على أنفسكم شوي .. أنا راقبت الرجال إلي تضاربتم معه

ولقيت معه شله مثله و أعبر .. و خلنا نشوف شجاعتك يا عزوز ؟؟؟

عزوز: وش قصدك!!!

جاش: يا شباب لحظة لحظة!! و يش يبون هل الجماعة منا .. هل سويتولهم شيء ..

عزوز: عني والله ما سويت شيء .. أما أبو مي ما أدري عنه ..

جاش: هاه! يا بومي وشفيك ساكت!!!

أبومي: هاه!!!!!!!!!!!!
***********
الذي بعدي يكمل ..

[كيان إنسانه]

جاش يصك ابومي كف ويقول:وشو هاه قولي سويت لهم شي؟
ابومي وهو يمسح ع خده اللي صار لونه عنابي ويقول:تبون الصراحه ولا بنت خالها؟؟
كلهم:لا نبي الصراحه
ابومي:اجل ماسويت لهم شي صدقوني

اللي بعدي يكمل

[ابو مي]

ههههههههههههههههههههههههههههههه
( اشوف ابومي دخل في السالفة علشان يصفق )

الي عوده قريباً الأكمال القصة من حيث ستتوقف

أكملوا ولي رجعه

[كابتن ماجد]

عزوز عشان الرحلة اخذ سيارة مساجين لكن انفقع عليه الكفر

[الكاظم]

جاش: طيب إذا كان كلامكم صحيح .. وش بلاهم علينا ...
أبومي: من خلال خبرتي في المراقبة .. أتوقع إنهم بيخطفون الطيارة ..
جاش و عزوز : وش تقول !
أبومي: لحظة .. خلوني أشرح .. مجموعة من الناس المتوحشة مع بعضها جالسة .. يعني بالله هذي وجيه سياحة ولا شغل .. أكيد ناوين يخطفون الطيارة ..
عزوز: طيب وش رايكم نعلم القبطان .. يزبن عمره و يسكر الباب لا يجونه ذولي ..
جاش: لا ما ينفع لا بد نضع خطة قبل ما يبدون خطتهم ...
عزوز: هاه يابو الخطط .. وش هي خطتك ...
جاش ممكن تخلوني أفكر .. يعني ما أبي صوت ..


إلي بعدي يكمل .. والله ما أدري وشهي الخطه ..

[كيان إنسانه]

قام جاش المزيون يفكر ويفكر وشوي الا ذيك الفكره تجيه قال ياشباب
انا لقيت فكره جهنميه قالو وشي قال جاش نطب من الطياره يعني ننحاش
قام ابومي وعطاه ذاك الكف اللي خلاه يتعدل عشرين سنه قدام

جلسو الشباب يخانقون جاش وجاش المسيكين ساكت ومتحطم وحالته صعبه
المهم جاش قام وقال وجع وجع وجع للعدو خلاص اسكتو كليتوني بالهرج سببتو لي انفصال بشخصيه بس الشرهه مو عليكم الشرهه ع اللي اخذكم معه وبربي ماتنعطون وجه

معلومه( ترا جاش اذا عصب مايرحم)

العيال انصدمو من جاش وسكتو ا ولا عاد تكلمو من الخوف


اللي بعدي يكمل

[ورد الجوري]

ههههه حلوه الرحلة

يعطيكم العافية ... ننتظر التكملة

[كيان إنسانه]

الظاهر ان احنا لخبطنا

اوك مايخالف انا اكمل


المهم قعدو بالطياره والاجواء كانت مره تخرع
لان الوحش باقي معاهم

قال جاش وش رايكم ياشباب اروح للوحش واتفاهم معه؟؟
قال عزوز اوكي انا موافق بس بشرط
قال جاش وشو الشرط قال عزوز انك لما تروح يمه ماتقول ياعزوز تعال تكفى الحقني ترا انا مو حق مشاكل


ابومي ساكت ومعصب وماسك 11

قال جاش تكفى يالبطل اللي يسمعك يقول جاش ع غفله
ارتاح ماراح اناديك تفزع لي


جاش يكلم ابومي
يابومي وراك ساكت هاه مارديت وش رايك اروح له

ابومي:اللي يريحك ياجاش سو اللي تبيه انا بصراحه بديت امل من حياتي ومن هالرحله اللي
من بدايتها خناق وقرف

جاش:خلاص عاد نقطنا بسكاتك



جاش قام وراح يم الوحش وقال انت وش سالفتك علينا وش سوينا لك

الوحش يطالع فيه ومارد عليه

جاش:وشفيك ساكت تكلم

الوحش:الظاهر انك تبي الخناق وتبي المشاكل خلاص انا خليتكم في حالكم ليش ترد وترفع صوتك علي وتسوي فيها قوي
وش رايك تنقلع احسن لك


جاش طاح وجهه وبنفس الوقت استانس لان الوحش تركهم بحالهم
قال جاش للوحش اوكي سوسوري ع الازعاج
باي
الوحش مارد عليه


راح جاش وهو طااااااااااااير من الفرح للعيال وقال لهم اللي صار
عزوز قام ينط ويصيح مثل البزارين من الوناسه طبعا
اما ابومي فبتسم ابتسامه خفيييييييفه مسوي ثقيل

شوي الا الكابتن ينبه انهم بينزلو




اللي بعدي يكمل

[ابو مي]

اولا ( جاش هذا وشهو ... يعني هو جاش نت ولا جاش المشرف.. يعني ماودي امون الين أعرف )

طالع الحركة الي سواه الوحش مكر وخداع وحنكة والذي منوه

وبينما هم في فرحتهم قام المدعو عزوز يريد دورة المياة الي بطيارة .. تقول ينقز ماهو يمشي من الفرحة

ويحقطله الوحش عن باب الدورة ويقبضة بحلقة لين تدامعت اعيونه .. وقال وراك يالمسبوة ما تقر في مكانك

عزوز يبي يرد بس العلة ماخلاه يتنفس حتى يرد

قعد على الوضع اراهن حتى كاد أن (........)

ولكن ربك ستر وفكة ها الدفش

ورجع عزوز الطقم المسبه الي معه

اسئلوة وين كنت ؟؟ قال رحت الدورة المياة ... ياعندهم دورة تفتح النفس ... قال جاش الية ... دورة مياة ولا مطعم مطل إفل

قال عزوز رح وانت تعرف ...

عاد جاش ماصدق خبر ... مهناك زود عقل

ويوم راح ويلقى العنتريس عند الباب .. ويغفطة لين بكى من المناظر الخلابة ... يقلون الي شافوة .. أنه قام يعدد ذنوبة واحد واحد عند باب طيب الذكر

ويرجع وجهه متنفخ .. ويسلة عزوز أستانست

قال هوذا شيء الله يحشرك هناك

نقز ابو مي وقال وش سالفتكم

قال جاش رحت الدورة المياة ولا لا

قال لا .... قال جاش روح هناك وتعرف

قال وش اعرف

قال عزوز تعرف الأناسة الي مرت عالينا انا وجاش .. يهناك منظر رهيب مع دريشة الحمام ... او بلاحرى عند الباب

قحص ابو مي كا عادته لحب الأستطلاع ليلاقي قسمة المحتوم ...

والحديث لأبو مي

(( ويوم رحت إلى دورة المياة إلى وأجدمجموعة من الناس متجمعين في ثوب واحد ... تقول متقاطين فيه يقال لهم الوحش

ويوم انه شافني قال :: انتوا وش قصتكم تجون عندي ؟ هذي كلها لقافة !

قلت لا بس ابي دورة المياة ياالشين

قال اية دورة المياة ..

وعينك ماتشوف إلى النور .... اسمع صوت اصددام يدة في خشتي ولا أرى شيء ...فعلمت .. أنني اتعرض التحويل ملامح إلى شكال أخرى ... وأدعو الله أن لا تتغير بشكل جذري

أنتهت مهمته .. واعطاني حريتي وأطلق يديا .. فقد أعطيته خشتي لم استبقي شياء

ثم دفعني ... بقوة وقال ما معناه طس

فتدافعت قليلاُ وأنا احول النظر لأهتدي إلى طريقي

فبدر مني سؤالاً لم اعرف ما سببه الأ وهو .. لماذا فعلت بي هاكذا ( الله يرحمك ياسيبوية) .. وأنا أريد الدبليو سي << يمديكم عليها

قال : لأن دورة المياة في الخلف مو عندي في الدرجة الأولى

ولكني ادري أنك أنت و الكمخ الي وراك جاين تتريقون علي

فذيك الساعة ... عرفت أن ماكل صحبة صداقة

ولا كل شوراً سداد

الي بعدي يكمل

[أبو ياسر]

مرحباً ببطل الرحلة أبومي ..
أما سؤالك عن جاش ومن هو .. فأنا و ضعت هذا الاسم حتى يمثل جميع الأعضاء ..
بأي حال .. الأخت العزيزة / أتعبني غروري .. ( أنشبتنا في الطائرة مع هؤلاء الوحوش ..) و سأحاول أن أخرجكم من هذا المأزق قريباً ...
و هنا أقول.. اني اخترت هذه اللعبة .. لأنها مفيدة و ممتعة بشرط أن يكون هناك تفاعل .. و أيضاً تبين لنا مدى الخيال الذي يتمتع به الأعضاء المشاركين ..
بإذن الله ستصلون إلى جبال الهملايا كما هو مخطط له :7:

[أبو ياسر]

جلس المغامرون الثلاثة على كراسيهم ... و لمعلومية أول مرة ( يقرون على الكراسي ) و استغرقت هذه الجلسة خمس دقائق ...
أبومي يحدث نفسه: من أولتها مشاكل .. أنا وش لي أنشبني مع ذولي .. الله يهديك يابوفلاح كان ألحين معى عيالي .. أضرب في السمبوسه و اللقيمات .. ما أقول إلا الله يعدي هالرحلة على خير ..
عزوز ينظر عبر النافذة و يحدث نفسه قائلاً: عجيب والله هذي الغيوم إلي نشوفها من تحت .. والله شكلها حلو بالمره ..آه يا كابتن ماجد لو تشوف ما أشوف و الله إن تنفطر كبدك من القهر .. خلني بس أرجع و أحكي لك ..
جاش هو الآخر يقلب مجلة مبيعات و يحدث نفسه قائلاً: أتوقع أن جبال الهملايا سلسلة متصلة .. و لكن بإذن الله إذا أسعفنا عامل الوقت سننهي الرحلة في ثلاثة أيام ..
طن طن أعزائي الركاب نحن الآن نحلق فوق العاصمة الليبة نواكشط .. مع تحيات الخطوط الليبية الجوية ..

المغامرون الثلاثة: !!!!!!!!!!!!!!!!!!!!!!!!
جاش: شباب سمعتوا إلي سمعته ..
أبومي و عزوز: إي والله سمعنا و ش السالفة ..

طن طن .. أرجوا من أعزائنا الركاب ربط أحزمة الأمان استعداداً للهبوط .. مع تمنياتنا لكم بالسلامة ..

عزوز يهمس في إذن جاش: معليك معليك يمكن بيعبون بنزين و نحرك على طول ..
جاش: أنت صاحي و ين نواكشط و ين الهند .. ما فيه أمل نمر على القارة الإفريقية كلها ..
أبومي: شباب شباب هدو الوضع .. خيرة إن شاء الله وش يدريكم يمكن نحصل الهملايا في نواكشط ذي!!!
جاش:وليرحم والديك يابو مي بلا تنكيت !!
عزوز: الحمد لله على نعمة العقل .. الهملايا يعيش في المستقعات .. وحسب علمي ما فيه مستنقعات في ليبيا ..
جاش:!!!!!!
أبومي: خله يا جاش أنا برد عليه .. ترى ما يفهمه إلا انا .. عادي ياشاطر ممكن نجيب معنا غظارة و نغطسه فيها .. بس العلم كيف نمسكه ...
جاش: شباب من جد تكلمون !!! تراني انجنيت!!
جاش: أها!!! ما هوب أنت يا عزوز إلي حجزت لنا !!
عزوز: نعم انا ..
جاش: بالله روني التذكرة إلي معك ..
عزوز: شققتها
جاش: أنت صاحي هذي ذهاب و إياب .. لازم تبقى معك عشان نرجع بها .. لا شكلنا بنقضي ما بقي من حياتنا في ضيافة معمر القذافي ..
أبومي: خلال تاريخي الطويل في المراقبة ...
جاش يقاطعه: بالله أبومي خل عنك المراقبة و الكلام الفاضي ..
طن طن .. مطار نواكشط الدولي يرحب بكم ..
جاش: يالله انزلوا ..
عزوز: لحظة لحظة .. خلني أجيب الشناط ..
أبومي: الشناط تجيك تحت يالقروي .. مستنقعات هاه!!
نزلوا من الطائرة و هم الآن ينتظرون اشناطهم ...

إلي بعدي يكمل

[كيان إنسانه]

اخاف اكمل بعدين انشبكم في شي ثاني
ماراح اكمل

[أبو ياسر]

اخاف اكمل بعدين انشبكم في شي ثاني
ماراح اكمل
انا آسف إذا أغضبتك .. كنت أمازحكم فقط .. بأي حال الشباب في نواكشط و إذا تريدون ان يستقروا هناك فالأمر يعود لكم ..

[كيان إنسانه]

وانا بعد كنت امزح معك

[ابو مي]

بالله

ناوين تسفرونا وتنسونا ..........

على الأقل كان قربتونا شوي يمكن ندبر انفسنا

الديرة الي حنا فيها مافيها إلى سياكل ... حسبي الله على الظالم .... ولا تبونا نجيكم قطوع بسياكل ..


اقول الي بدا الموضوع يرجعنا ... خلونا نكمل الصيام مع أهلنا .....

[أبو ياسر]

أعتقد أني أخطات في عاصمة لبيبا !
فليست نواكشط بل هي طرابلس !!
يبدو أن البعثة فشلت .. و سأرجعهم في أسرع وقت ..