((عـــزتــي لـلسـاحـه))

[فالح ابن هادي المسردي]

السلام عليكم ورحمة الله وبركاته
أهدي اليكم هذه القصيده وهي تعبر عن نفسه

القريحه حاضره ببدع بطرقً جديد=عارفً وزن القصيده وابضبط قافها
وبيوتي من ذهب ينوزنً غير حديد=تلفت أنضار العرب قدمها وأخلافها
شاعرً مطنوخ وأبحر مع بحر القصيد= وأخذ اسمان النوادر وأكب أعجافها
والشعر يمشي مع الدم حتى بالوريد=موهبه من ربنا فالمواهب ضافها
غير أشوف الشعر روح مع زيد وعبيد=كرهنا بعض الشعر والسبب أوصافها
أحداً يماري بصوته مع عذب النشيد=والبيوت أضعاف منهو سمعها عافها
وأحداً شعره حشوا لوه ينقص أو يزيد=ما درى أن انميز أرباعها وأنصافها
وأحداً وجهه زين فالشاشه ولابه جديد=وغيره وغيره كثير عارفين أصنافها
شعاعير مجمعه ما تفيد وتستفيد=تنحرف والمهايط سبب محرافها
عزتي لساحه ما عاد به حظاً سعيد=لو يسلم رأسه جارحين أطرافها
يأهل الشعر الاصيل وقفوا فالمواعيد=وأحموا الوقفات والناس من ميقافها
بأصيح للهاجري والا طلال السعيد= والا ابن جدلان هو سترها والحافها
وقفوا وأهل المصالح تدور للمزيد=وأفضحوا قومٍ تجامل مع أحلافها
قلته وأنا شاعراً ما بدعة الا الفريد= يوم أخطوا فالاشاره أنا هدافها
قبل أني أقدم أحسب حساب المناقيد= هي اللي بعد رب الملاء أخافها
واثق والثقه عندي هيه أكبر رصيد=عارفٍ ساس المنازل وأعرف أسقافها
وأختامها صلاة ربي على سيد العبيد=عد الجبال المنيفه ومنهوا شافها
أخـــــــوكـــــــم
فالح بن هادي المسردي

[سلطان بن ذيب]

صح لسانك أخوي فالح وكلمة مبدع قليله في حقك وألي لأمام ونتمنى نرا منك كل أسبوع قصيده فمثلك يستاهل التشجيع ولاهنت

[فالح ابن هادي المسردي]

الحر النادر

صح ابدنك

وتشرفني شهادة مثلك وشرواك

وما يمنعني من تنزيل القصايد سوا الضروف اللتي اشغالتني عن مواقع الانترنت

وبأذن الله سانزل قدر ما أستطيع في هذا المنتدى

تقبل تحياتي

[البدوى]

سلام عليكم

فالح يعطيك العافيه ما قصرت وصحيح تستاهل التشجيع وصــــــــــــــــح لسانك

[طيب الفال]

صح الله السانك يا ابوهادي وكلم صراحه ميخجل من قاله وكثير الله امثاليك وخلني نسمع منك المزيد طال عمرك على طاعته

[فالح ابن هادي المسردي]

البدوي

الله يعافيك

وصح ابدنك

ويشرفني مرورك

تقبل شكري وتقديري

[فالح ابن هادي المسردي]

طيب الفال

صح ابدنك

الله لا يهينك على مرورك

وابشروا باللي يرضيكم

تقبل شكري وتقديري

[خلاص إنتهينا]

لالالالالالالالالالالالالالالالالالالالالالالا تعليق!!!

[ابن جبهان]

صح لسانكـ ولا هنت .................

[فالح ابن هادي المسردي]

ابن جبهان

صح ابدنك

والقايل ما يهون

وشاكر مرورك

[الهايم]

اخي الكريم مع احترامي لك إلا أني ارى ان انشغال الانسان بنقد نفسه واصلاح عيوبها افضل وكل انسان لايسلم من الخطأ ونسال أن يعين الجميع على رؤية خطأه وإصلاحه

[مايكبرني لقب]

صح لسانك يبو هادي وبيض الله وجهك على كل حال وقصيده جزله من وجه مطلق وماهي غريبه الابداع منك لان الابداع مقتبس منك يبو هادي

[فالح ابن هادي المسردي]

أخي الهايم

أتقبل وجهة نضرك بكل رحابة صدر

ولكن أنا لما أكتب هذا القصيده ليس معناها أنني أنا الكامل فلا كامل الا وجهه الله

لكن أنت ترى ماذا يجري فالساحة الشعبيه مما يضيق صدر الشاعر

تقبل تحياتي وأحترامي

[فالح ابن هادي المسردي]

ما يكبرني لقب

صح ابدنك وجهك أبيض ويشرفني شهادتك

وشاكرلك مرورك وتشجيعك المتواصل

والله لايهينك يابو نوره

تقبل شكري وتقديري

[مايكبرني لقب]

ابو هادي صح لسانك ولا هنت يالذيب الله يبيض وجهك
وتقبل مروووووووووووووري