قصيده مصافحه للمنتدى

[أبو جود]

هذه اول قصيده مني للمنتدى وارجو منكم ان تعذروني لاني لا اسميها قصيده بل اسميها خاطره ولكن تعبر عن ما اريد قوله
اليكم القصيده

سلام من صافي ضميري للاحباب = اللي لهم بالقلب قدر ومكانه
للمنتدى الغالي نويت افتح الباب = واحط لي في منتدى العز خانه
بوابة ديار الوفا والوفا شاب = منها الوفا يشرح لعزة زمانه
دار بها ربع عزيزين واقراب = جاش الخضر والطيب هذا مكانه
ديرة بني مسرد مطانيخ واشناب = قوم لها تاريخ يثبت ضمانه
ليت الزمن يرجع ويشرح لنا اسباب = لامجاد قوم ماتعرف الخيانه
ولا عليكم زود ابا خص الاجناب = كل على سرجه وبيده عنانه
حبيت اسلم وابتدي عند الاصحاب = اللي غلاهم ماتغير وعانه

[سلطان بن ذيب]

أبو جود صح لسانك ولاهنت وأبلغت السلام مشكووووووووور ومبدع وما أغليت أل منهم يغلونك

[ناصر بن هذال]

صح لسانك وارجو ان تنال هذه الابيات رضاك ورضى الاخوه والأخوات واقول فيها:
باسمي وباسم الربع حظر وغياب =ونيابة(ن) عنهم بحكم الميانه
يامرحبا مليون مليون ترحاب =
واللي نصانا عندنا زاد شانه
المنتدى شيد وثبت له أطناب=
وشرواك في صدره يثبت مكانه
المسردي للمسردي سيف وانصاب=
في الموقف الكايد يوقف وزانه
أقلط مع ربعك عريقين الأنساب=
في منتدى يحمل رساله وامانه
مضمونها نبذ التطرف والارهاب=
ونبذ التنافر بيننا والمهانه
ومضمونها نشر الثقافه والاداب=
وزرع الكرم والطيب في كل خانه
وختامها أبياتك مثيره للأعجاب=
وحبيت أجاريها بثقل ورزانه

[أبو جود]

الحر النادر ممشكورعلى المرور الكريم ولاهنت على الكلام المحفز والمشجع لي

ابو هذال بيض الله وجهك على الرد الجميل وعلى المجاراه الرائعه ولاهي غريبه على مثلك وشرواك فانت شاعر كبير
وشهادتك اعتز فيها والمجاراه بكل صدق افضل من قصيدتي ولي الشرف بمروركم اللي يزيد القصيده روعه
تقبلوا تحياتي

[الخلاوي]

صح لسانك أبوجود وأرحب تراحيب المطر ودائما كما عرفناك شامخ وابياتك جزله ننتظر منك اللإبداع في هذا المنتدى وشهادتي فيك مجروحه

[أبو فـلاح]

صح لسانك أبوجود وأرحب تراحيب المطر ودائما كما عرفناك شامخ وابياتك جزله ننتظر منك اللإبداع في هذا المنتدى وشهادتي فيك مجروحه
ما أزيد على كلامك أخو الخلاوي شيء ياولد خالتي ..
صح لسانك وجودك مكسب للمنتدى وأنت تمثل الجيل الجديد من الشعراء الشباب ..

[أبو جود]

الخلاوي سللللللللمه وماعليك زود وشهادتك تاج على راسي والله يجملني واكون عند حسن الظن

ابو فلاح اخوي الكبير ومرورك شرف لي ولقصيدي ولي الفخر بانك انت ومن هو في مستواك تعجبكم قصائدي
والله العظيم ان هذا لوحده فخر لي

[مايكبرني لقب]

ارحب ابو جود ترحيبة قحطان عند اخواك المسارده وبيض الله وجهك على القصيده واطلاله محترمه وجزله وماهو غريب منك واهل المنتدى هالطيب
وتقبل مروري

[أبو جود]

مايكبرني لقب سلللمه ومشكور على المرور الجميل والمميز وبصراحه انا ندمان لاني تاخرت في الانضمام لهذا
الصرح الشامخ منتدى جاش وانشاء الله نكون عند حسن ظن الجميع واوعد الجميع بان نقدم افضل مالدينا
ولعله يحوز على رضى الله ثم رضى الاخوه مراقبين واعضاء وزوار
تقبل تحياتي

[أبو فايز]

أرحب تراحيب الأرض بالسيل يا أبو جود ، بإسمي وإسم أعضاء المنتدى كلهم
ولا هنت على هذه القصيدة الرائعة ، وأنت ولد شاعر عملاق وغالي على الجميع
وعلي أنا خاصة ، وأثني الترحيب والله يحيك يا أبو جود ..

[راشد بن فلاح]

ليت الزمن يرجع ويشرح لنا اسباب ## لامجـاد قـوم ماتعـرف الخيانـه
شاعرنا العزيز / أبو جود
صح لسانك و أبيض وجه
كلمات معبرة و قصيدة جميلة و ننتظر المزيد من إبداعك ...
تقبلوا تحياتي و فائق احترامي...

[الاستاذ]

اررررررررررررررررحب يا ابو جود ومثل ما قال ابو فائز انت شاعر وأيضاً ولد شاعر عزيز على قلوبنا,,,,,,,,.

[أبو جود]

ابو فايز مشكور على مرورك والله يطول عمرك وماتغلي الا اللي يغليك
صادق الاحساس مشكور على المرور والله لايهينك وابشر بالجديد المسكت
الاستاذ سلللللللللمه الف شكر على مرورك والله يعزك عند ربك وانشاء الله اكون عند حسن ظنكم بي