المساعد الشخصي الرقمي

مشاهدة النسخة كاملة : يتبع..معاني اسماء الأعضاء


شذى الورد
05 / 02 / 2003, 19 : 12 AM
[align=center:fe76761fe7]السلام عليكم ورحمة الله

اول شي احب اعتذر عن غيابي الفترة اللي فاتت ولو اني منيب شايفه احد فقدني عقب هالموضوع


والله مدري وش اقول او من منين ابدء .. الموضوع صار له كثير وكنت اتمنى لو كان فيه تواصل

بينا بالفتره اللي فاتت كان راح يكون الكلام اسهل علي من هالحين عموما.. ماراح اطول عليكم

ادري ان الأغلبيه شايل علي بقلبه لكن والله ثم والله ان الكلام كله من باب المزح والضحك

ولاتنسون ان الموضوع مطروح في منتدى الضحك والفرفشه ولو تمعنتوا بالعنوان الرئيسي بتلقون

العنوان يحمل (معاني اسماء الأعضاء) يعني ماله اي علاقه باي شخص كان ولا بالشايب ولا

العجوز ولاهم يحزنون وانا كان قصدي اوضح معنى بعض الأسماء ولكن بطريقه مضحكه

واستفزازيه نوعا ما وليس القصد الأساءه لأي كان والله على ماقوله شهيد..

والله يعلم ان لكم معزه خاصه بقلبي وخصوصا الأسماء اللي انطرحت قبل كيذا وبالفعل صدمتني

ردة فعلهم وانا ماألومهم طالما هم مفكرين اني قصدت الأساءه لهم او لعوائلهم .. وارجع اكرر

اسفي واعتذراي واتمنى من كل قلبي انكم تقبلون اعتذراي ..

وانا حاضره باللي تامروني فيه وباللي يرضيكم ولكم حق تزعلون ولي الحق ارضيكم

اذا كان مافيه شي يرد اعتباركم والأسف ماينفع انا مستعده اترك لكم المنتدى اذا هالحل يريحكم

ويرضيكم ولايكون خاطركم الا طيب

واعتذار خاص للغالي شبيب على اللي بدر مني والدوشه اللي صارت بهالخصوص

وانا كلي رجا انكم تقبلوني اخت من جديد او .........انا راضيه باللي تامروني فيه ..

وادري ان كلامي مايوفي بحقكم بس هذا اللي طلع معي

والله يعلم ان في ظروف هي اللي منعتني عنكم كل هالفتره وأخرتني عن الأعتذار والتوضيح

واخيرا

تقبلوا تحياتي

وانا بانتظار رد الجميع اللي ذكر اسمه او ماذكر بكل امانه وصراحه..[/align:fe76761fe7]

جريح الذكرى
05 / 02 / 2003, 30 : 12 AM
بالعكس والله يا أخت شذى الورد

انا اتكلم عن نفسي طبعا انتي ما اخطيتي

ولا وصلت للامور هذي أصلا

وبعدين انتي اكبر دليل على انك ما تقصدين الاساءه لاحد هو اعتذارك بالاسلوب هذا

وان دل على شيء فإنه يدل على طيب اصلك


وبخصوص اننا فقدناكي او لا

فأنا اقول اشتقنا لمشاكساتك الطيبه

ولكن قدرنا ظروف الاختبارات

بس الحين مالك عذر وحنا في إنتظار مشاركتك وتداخلاتك المعتاده

تقبلي خالص تحياتي

سلطان
05 / 02 / 2003, 09 : 01 AM
[align=center:0c22e8b33d]ياهلا والله شذى

الله يحييك والله في اي وقت

والمنتدى منتداك وكلمه شايلين عليك

والله كل واحد يقدر يتكلم عن نفسه بها لموضوع والله انا عادي جدا

مع اني انشالله متاكد ما احد شايل عليك لان الموضوع مزح

واعتذارك مقبول وصدقيني بالعكس والله لك وحشه على المنتدى

وننتظر مشاركاتك الحلوه مالك عذر ابد الاختبارات وانتهت

تحياتي ،،،[/align:0c22e8b33d]

SaMaHeR
05 / 02 / 2003, 34 : 03 AM
هلا والله بشذى
كيفك عيوني وكيف امتحاناتك؟؟
ان شاء الله تطلعي الاولى , خليك شاطره زيي
المهم شذى انا بس حبيت اقولك انك عزيزه وغاليه
واكيد محد زعلان منك , بس هم حبوا يمزحون معك بنفس اسلوبك
ومثل ما قلتي هذا منتدى ضحك وفرفشه , ولا يصير انه حد ياخذ الامور بجديه

وتحياتي لك..
اختك..
سماهــــر

Shabeeb
05 / 02 / 2003, 55 : 03 AM
اهليييييييييييييييييين شذى
لك وحشه والله
والله فرحت يوم شفت اسمك
بس عسى ان شاء الله الاختبارات تمام؟
مبروك عودتك ياقمر

أبو فـلاح
05 / 02 / 2003, 22 : 02 PM
هلاااااااااااااااااااااااااااااااااا شذاشيذو .............مرحبا بعودتك ..وحياك الله من جديد ......


من يقول ان فيه احد زعلان ..صح الموضوع كان فيه لخبطة شوي ...بس استفدنا منه اللي نبي ....واللي شرب مقلب ردة فعلي اقوله له تحياتي يانماااااااااااااااااااااام ههههههههههههههه

عموما ما فيه احد زعل منك ...بس هاتي نسختك الثانية ... :wink:

ولازم شبيب يصير في أول القائمة :lol: :lol: :lol:

مجموعة انسان
05 / 02 / 2003, 23 : 09 PM
[align=center:793225e41a]

هلااااااااااااااااااااااااااااااااااااااااااااااا والله بشذى


الله يحييك في منتداك اي وقت


اولا

عذرك مقبول ولو ان المفروض انا اللي اعتذر منك على حذف موضوعك

ثانيا

فعلا الموضوع وللاسف فيه شباب فهموه بمفهووووم خاطئ للاسف ناسين انه في قسم الضحك والفرفشه

ولكن اعتقد الموضوع مايستاهل انك تنسحبين او نفقد مشرفه ببراعتك وخفة دمك ومواضيعك الهادفه

ثالثا

ولكن بصراحه انا مازلت انتظر رد اكثر الشباب الذي طلبو مني حذف الموضوع ولو ان فيه واحد منهم رد برد دبلوماسي ويختلف عن الكلام اللي قال لي وبصراحه اسعدني رده وتغير رايه



عموما ياشذى ارجوا ان لاتنسين السته الثانيه وخذي راحتك منتدى الضحك والفرفشه فاتح ابوابه على مدار الساعه لك ياشذوووووووووووووووووووووووووووووووووووووووووووويه



تحيااااتي للجميع[/align:793225e41a]

طالب الغفران
06 / 02 / 2003, 57 : 05 AM
السلام عليكم ورحمة الله وبركاته .....


أختي شذى الله يحيك في منتداك ومنتدى الجميع ................... وان شاء الله انه ما صار الا

الخير ......بس عندي ملاحظة بسيطة خارجه عن الموضوع كله ..... وارجو انك تتقبلينها بصدر رحب .




تقولين ويش هي ..... طيب بقولها ....


الصورة التي اسفل اسمك وهي على شكل الشمس ......... ارجو منك مراجعة هذه الصورة حيث انها

وحسب علمي انها صورة لإله نصراني أو مجوسي والله ما ادري بس هي صورة إله باطل .



وارجو من من كان عنده خلفية ان يدلي برأية ........... وتقبلي تحياتي ....


لا تنسين اني ما قلت هذا الكلام الا بحكم الصلة التي تربطني معك ........... الا وهي








































[marq=left:302e87f66b]الاسلام .[/marq:302e87f66b]















.

البارون
06 / 02 / 2003, 18 : 02 PM
ههههههههههههههههههههههههههههههههههههههه


شذى لحقي على شيوخ الذبان يلاحقوني علشان قطعت الخبز اللي في ايدي لحقيييييييييييييييييني ييييييييييييييييييوه
خبزتي اااااااااااااااااااااااااااااااااااااااااااااااااا ا اهئ اهئ اهئ شفتي الخبزه راحت اهئ

يله اخبزي لي قرص يله


هههههههههههههههههههههههههههههههههههههه

كونان
06 / 02 / 2003, 26 : 03 PM
انا وش اصير؟؟؟؟؟

شذى الورد
24 / 02 / 2003, 32 : 03 AM
[align=center:cd601c7fb3]السلام عليكم ورحمة الله

اول شي احب اعتذر عن هالغيبه واللي حدتني عليها ظروف ودي انكم تعذروني..

وحبيت تكون اول مشاركاتي بعد الرجعه في هذا الموضوع اللي اثر فيني حيل

وعرفت قدري عند الأشخاص اللي اكن لهم كل حب واحترام ..

وثاني شي اشكركم لتفاعلكم ولردودكم

واتمنى من كل قلبي اكون اخت عزيزه وخفيفه على قلوبكم مره ثانيه وتتقبلوني بينكم من

جديد ..

وهذا كل اللي عندي هالحين

واكيد راح يكون بينا تواصل جامد من عقب هالغيبه


وتقبلوا خالص تحياتي

اختكم

شذى[/align:cd601c7fb3]

المميز
24 / 02 / 2003, 18 : 08 AM
عودا حميداً ياشوشو :)

انا توقعت انتس متي وشبعتي موت :roll:

بس الحمدلله على السلامه و اشتقنا لمشاركاتك الفعاله (بف باف) . ولا عاد تعودينها انك تغيبين كذا :P