قصيده في قبيلة المسارده

[فالح ابن هادي المسردي]

السلام عليكم ورحمة الله وبركاته
أهدي لكم هذه القصيده واتمنى ان تحوز على رضآكم
(واسمحونا على القصور)

من بنات الفكر ببداء التماثيل=واعبر عن الهوجاس وايا الغرابيل
الشعر يذكرني لامني نسيته=وأن بغيته حاضراً دون تأجيل
وأشوش للمعنى وأحب الجزاله=وأرد على هداج وأصفى من النيل
واليوم لي حق وعليه حقوقي=أبفتخر من بين جمع الرياجيل
سمعت كلاً يفتخر في ربوعه=وسقت القصيده لجل عين المشاكيل
ربعي هل الطالات وقت المواقيف=مورثين الطيب جيلاً بعد جيل
ربعي تراهم كاسبين النواميس=أهل الوفاء والعز ذباحة الحيل
ربعي مثالاً ينضرب فالحمايا=لو يجور الوقت ما تنقص الكيل
ربعي ليا رد الخبر لاد مسرد=أنا أحمد الله كلبونا حلاحيل
مسارده من عادها بالسيوفي=في ظلنا يا ناس كم يأمن دخيل
يأخذ سنه وأيام وزيادة شهور=في ظلنا يأمن ولا يعرف الويل
وصغيرنا يأقف مواقف صعيبه=واليا أعتزى ينسى جميع البهاذيل
وكبيرنا يسوى شيوخ وعشاير=ينصونه العربان وقت المعاديل
وشيوخنا فكاكت أرقاب وأنشاب=مثل ابن شري جعفر خير تمثيل
وفريسنا يشهر ويسوى قبايل=هاك السنه بالسيف ومصامخ الخيل
يأمى وردنا عد ما أحداً وردله=ويأمى سكنا ديرة الخير والسيل
وعادتنا فالهوش نطح المغيره=حنا عدا الخوف يأهل المراسيل
وعقالنا وقت اللقاء تحكم الشور=وان كان فينا خبل ينطح مهابيل
وديارنا تعرف ومن طيب أهلها=وأسمها واضح ومن دون تعديل
جاش والقنه ديرنا على طول=ومن دونها نأقف بحد المصاقيل
سِعد الخوي والجار لا جار وقته=ومن حنا خواله يأصل الجدي والسهيل
ولأغرابه دام لنا أصل يعرف=ساسنا قحطان من دون تضليل
أصل العرب وأهل الوفاء والسلومي=حصيلنا العز يأهل المحاصيل
أهل الفخر والطيب وأهل الزعامه=أنا أحمد الله ما ذكر بيننا بخيل
واليوم حنا دولتاً وسط دوله=ما نخون العهد يأهل البلابيل
عهد جدودنا مع أخوان نوره= نوفيه من غير شكاً ولا ميل
عبرت عن ربعي ببيوتً قليله=وهذا هو الموجز ومن دون تفصيل
والله لو أني كتبت الملاحم =أبقى مقصر في عيون الرياجيل
لأن ربعي فوق هرج القصايد=تشهد لنا العتبان وسبيع وهذيل
والبقوم وحرب ومطير وسليم=وذكرنا يعرف قبل قصة الفيل
وأختامها صلوا على أزكى البريه=شفيعنا في يومً فيه التهاويل
أخوكم الشاعر/فالح بن هادي بن فالح آل حمود الصقعات المسردي

[ابوخالد]

صح لسانك يا شاعرنا القدير...
لدي ملاحظات ارجو ان تستقبلها بصدر رحب..
الاولى: يتضح لي انك تكتب على بحر المسحوب ..وبحر المسحوب تكون قافية الصدر مقفله اجبارا ...اي يجب ان تكون على قافيه واحده..
وقافية الصدر المفتوحه تكون فقط في بحر الصخري وهي اختياريه وبحر الهلالي وهي اجباريه ..فلا يصح الهلالي الا بقافيه مفتوحه للصدر..

الملاحظه الثانيه:
لديا كم شطر غير موزونه..على سبيل المثال لا الحصر..
مـن بنـات الفكـر ببـداء التماثيـل
...واعبر عن الهوجاس وايـا الغرابيـل

والاصح على البحر ان تكون على سبيل المثال:
بنخى بنات الفكر وبدا التماثيل...وكتب عن الهوجاس ويا الغرابيل.

ارجو ان اكون وفقت في ايصال الفكره..
اخوك..

[بطيحان بن ناصر بن هرسان]

صح لسانك.
وعذرا ..ودي أعرف من هم ال حمود اللي تقصدهم ومنهم منه من الصقعات تحديدا.

وشكرا

[الاستاذ]

صح لسانك , وعذرا أبسالك من تقصد بأل حمود , لان ال حمود بن هرسان مافيهم احد اسمه فالح , وارجو ان لا تفهمني غلط ولكن للاستفسار فقط,,,,,,,,,.

[بطيحان بن ناصر بن هرسان]

,,,,,,,, شكرااااااااااااااا ابو هذال ,,,,,,,
علا التعديل وهذا يدل علا طيب معدنك واسمح لي اطلق عليك لقب

( الراقي )

[أبو فـلاح]

صح لسانك يابو هادي...
حياك الله في منتداك....

[ناصر بن هذال]

راعي جاش ..العفو ولقبك تاج على راسي.
,
ابوهادي
حياك الله بمنتداك وبين اخوانك
وهل انت اللي القى قصيده في حفل جمل بام رقيبه العام؟؟

عموما قصيدتك رائعه وعندك نفس طويل ماشاء الله وجزالة معنى وغزاره ولكن يبدو ان تكتب بسرعه ولاتراجع القصيده كثير ولدي الملاحظات التاليه:

1-وأشـوش للمعنـى وأحـب الجزالـه=وأرد على هداج وأصفى مـن النيـل
لوقلت ارد على هداج وارد على النيل ,او وارد على هداج والا على النيل لكان المعنى اسلم.
,
2- وفريسنـا يشهـر ويسـوى قبايـل=هاك السنه بالسيف ومصامخ الخيـل
فريسنا جمع ويشهر للمفرد وهذا لايصح لغويا
,
3-العبره ليس بكثرة الابيات وهناك ابيات لم تخدم النص وحذفها افضل مثل:

وصغيرنـا يأقـف مواقـف صعيبـه=واليا أعتزى ينسى جميـع البهاذيـل

و
وعقالنا وقت اللقـاء تحكـم الشـور=وان كان فينا خبـل ينطـح مهابيـل
---
اشكرك مقدما على تقبلك النقد البناء واسمح لي ان ابدي اعجابي الشديد بابياتك هذه:

عبرت عـن ربعـي ببيـوتً قليلـه=وهذا هو الموجز ومـن دون تفصيـل
والله لـو أنـي كتـبـت المـلاحـم=أبقى مقصر فـي عيـون الرياجيـل
لأن ربعـي فـوق هـرج القصـايـد=تشهد لنا العتبـان وسبيـع وهذيـل

[الذيب2010]

صح لسانك قصيدة جزلة ولا عليها كلام والقصيدة هاذي ماتطلع الا من شاعر جزل واتمنا ان اشوفك في احد المنابر الشعرية واتمنا لك التوفيق

[فالح ابن هادي المسردي]

أبو خالد

صح بدنك

ويشرفني مرورك

وملاحضاتك على العين والرأس

أنا أعترف انني شاعر مبتدي(عمري19سنه)والانسان الذي لا يخطي لن يصيب
مهما كان
واهمال قافية الشطر الاول أول قصيدة اكتبه تقريبا او ثاني قصيده

تقبل شكري وتقديري



راعي جاش و الاستأذ

صح ابدانكم

ويشرفني مروركم

وبالنسبه لال حمود هم الربابضه وجدنا اسمه الحقيق حمود لكن(الربابضه)لقب

تقبلوا تحياتي



أبو فلاح

صح ابدنك
والله يبقيك
ويشرفني مرورك

[فالح ابن هادي المسردي]

أبــــو هذال

الله يبقيك ويشرفني وجودي في هذا المنتدى

الله الله انا الذي القيت قصيده في حفل جمل في ام ارقيبه العام وواجهتك ويشرفني معرفتك

بالنسبه للملاحضاتك اتقبله بصدر رحب خصوصا انها من شاعر متمرس
ويكفيني فخر اعجابك لو في بيت واحد من قصيدي


يشرفني مرورك

تقبل شكري وتقديري



الذيب

صح ابدنك وما عليك زود
ويشرفني ردودك الله لا يهينك

تقبل شكري وأحترامي

[الاستاذ]

ونعم يا أبوهادي , وليس غريب الكلام الطيب من اهل الطيب
شكرا لك ,

[بطيحان بن ناصر بن هرسان]

كفوا والله فيكم ال حمود والا الربابضه (اول مره ادري )لكن التبس عندي الموضوع شوي قلت

الاخ مستعير الاسم والا كيف

عموما صح لسانك

[فالح ابن هادي المسردي]

الاستأذ وراعي جاش

ما عليكم زود

ومافيه شك بينا

وشاكر لكم مروركم

[ابو مي]

صح السانك فالح على هذه القصيدة


ومشكور يالغالي

[سلطان آل حيدان]

صح إلسانك أخوي فالح
قصيدة جزلة ومشكور على هذا الإبداع

في إنتظار جديدك

تقبل مروري

[فالح ابن هادي المسردي]

أبو مي

صح ابدنك

ولا هنت على مرورك

تقبل شكري وتقديري

[فالح ابن هادي المسردي]

سلطان آل حيدان

صح ابدنك

ويشرفني ردود مثلك وشرواك

ولاهنت على مرورك

تقبل تحياتي

[مايكبرني لقب]

ابو هادي صح لسانك ولاهنت وبيض الله وجهك اول ماقريت الردود كنت ببين لهم من هم
آل حمود
وكفيتني جعلني ماابكيك
اخوك /محمد بن مسفر آل حمود

[سلطان بن ذيب]

السلام عليكم ورحمة الله وبركاته
مشكوريابوهادي والله لايهينك ماقصرت والقصيده جزله خص أنك شاعر مبتدي وعداك القصور وشد حيلك ياذيبان

[فالح ابن هادي المسردي]

أرحـــــــــــــب يابو مسفر

والقايل ما يهون وجهك أبيض

ويشرفني ردودك

وماعليك زود

تقبل شكري وتقديري

[فالح ابن هادي المسردي]

الحر النادر

وعليكم السلام ورحمة الله وبركاته

لا شكر على واجب والقايل ما يهون

ويشرفني شهادتك ومرورك

تقبل تحياتي

[مايكبرني لقب]

البقى يابوهادي هذا واجب وانا اخوك واذا امرعليك ابيك تنزل لنا قصيده جديده لاهنت وماهو غريبه منك الابداع والتألق وان اخوك
وتقبل مروري

[فالح ابن هادي المسردي]

مايكبرني لقب

يشرفني شهادة مثلك وشرواك

وابشر قريب ان شاء الله

وشاكرلك مرورك

[سيف المسردي]

يجـــــــــــــــــــب أن نصفق لهذا الرجـــــــــــل وبحراره الى أن تدمى أكفنا
يابطل عســــــــــــاك على القوة أبو هادي صح لسانك

أكثــــــــــــــر مايعجبني في الرجل وقفته مع قبيلته حتى ولو كان بالدعاء لهم
أوكلمة مدح فيهم

كثيرا من القبائل لم نعرفها الا بذكر شعرائها لهم وسرد مآثرهم
قال تعالى (وجعلناكم شعوبا وقبائل لتعارفوا)


نتمنى ان لاتكون آخر المشاركات لك شكرا للحاضرين

[فالح ابن هادي المسردي]

أخوي سيف المسردي

الله لا يهينك على ردودك

وصح ابدنك

ويشرفني شهادة مثلك وشرواك

وبأذن الله أكون في هذا المنتدى قدر المستطاع

تقبل شكري وتقديري

[شاعر الجيلين 2]

السلام عليكم ورحمة الله وبركاته000000 صح لسانك يافالح

[فالح ابن هادي المسردي]

شاعر الجيلين

وعليكم السلام ورحمة الله وبركاته

صح ابدنك

ولاهنت على مرورك

[كيان إنسانه]

صح لسانك اخوي فالح
قصيده ولا اروع
يستاهلون المسارده


تقبل مروري

[فالح ابن هادي المسردي]

اتعبني غروري

صح ابدنك

ولاهنت على ردودك

تقبل تحياتي