( قصيدة موجهة لإبن لشدق ) فايز المسردي

[الذيب2010]

( قصيدة موجهة لإبن لشدق ) فايز المسردي


سلام الله سلام(ن) ينثني لمصخر القيفان=إبن لشدق وريث الشعر شاعر يسلم لسانه
زعيم الشعر هيضني ردودة تروي الظميان=تعزوا وأرتكا للجاهل اللي عد قيفانه
سفيه(ن) جاب له زمه ولا ترضا بها السبعان=هل الغلبا رجال العز سقم الضد وأعوانه
ترى من يبني بيوت(ن) بلا حجة ولا برهان=تعود فوق راسه ثم ناسم فوق حجانه
بني مسرد هل الطالات شر للعدا شجعان=ومن ينوي بهم نيه يضيع وضاع عنوانه
بني مسرد رجال الحرب نردع كزت العدوان=ليا جانا الدخيل نزبنه ويطيب مسكانه
بني مسرد سيوف(ن) في اللقا تشهد لنا الفرسان=ومن جانا بسيف(ن) شايله يرجع بدميانه
بني مسرد وسام الجود كل الجود للظيفان=إبن مسرد ليا جوه الظيوف يسر ظيفانه
بني مسرد ذياب(ن) لاعوت تدريبها القطعان=ذيابه وإن عوى ذيب(ن) عواله ذيب من شانه
قديم الوقت قد قالوا لسان الحر مثل حصان=ومن صانه يصونه وإن نطق به في الردا هانه
على هون الردي اللي ذلوله تطمر الجرفان=يحدرها يسندها وشل العيب بوزانه
ويبنيله بيوت(ن) دربها يمشي به الطوفان=يجيب الهرج مايدري يحسب الناس غلطانه
ختام الهرج ماني بمدح إلا شاعر(ن) بطران=وعايض كاسبن المدح من خاله وعمانه
صلاة الله على محمد ودينه خاتم الأديان=وسبحانه عظيم الشان يحيي الخلق سبحانه
الشاعر فايز بن سالم أبو زوير المسردي

[أبو محمد]

صح اللسانك 00000000000000 وعايض شاعر وافي ويستاهل المدح

[الاستاذ]

صح لسانك وعايض يستاهل المدح,,,,,,,,,,,,,,,,,,,,,,,,,,,,,,.

[الذيب2010]

صح اللة ابدانكم جميع وانا اتشرف بمروركم على القصيدة وابو مناحي يستاهل كل علمن غانم والحقيقة اعجبتني قصيدة الرد على الفراعنة وحبيت اهدي هذة القصيدة الى الشاعر عايض ابن مناحي ابن لشدق

[الذيب2010]

هاذي القصيدة قديمة ولكني احب اشكر مرة اخرى كل من علق على القصيدة تقبلو تحياتي

[يــــآرآ تيك]

يسسسسسسسسسلمؤؤ

[الذيب2010]

ومن قال يسلم ولاهنتي على المرور على كل حال اخوك الذيب

[شباب ضو المناره]

صح الله لسانك يابو سالم قصيده جزله من شاعر جزل والقصيده موجهه الى شاعر جزل سلمت وصح لسانك

[الأمير السنافي]

صح لسانك وعايض يستاهل المدح الف شكر لك منورنا طااااااااااااال عمرك الف شكر لك
الذيب 2010
تقبل تحياتي لك

[الذيب2010]

ارحب يا شباب ضو المناره وصح الله بدنك وتشرفت بمرورك على القصيده تقبل تحياتي اخوك الذيب

[الذيب2010]

ارحب يا الامير السنافي وحياك الله نورت القصيده يا الغالي بطلتك البهيه تقبل تحياتي اخوك الذيب

[الأمير السنافي]

الذيب2010 الصراحة بدون مجاملة وتعرف الامير السنافي والله ماجامل أبد الحق حق انت من الذينا لهم حظور مميز في المنتديات بدون مجاملة نشكرك
على كل ماتقدم لنا ونحنو نفرح ونسعد بتواجد الجميع صحيح أختبارات وظروف الناس ولكن انت ماشالله تبارك الله لك حظور مميز في جميع الاقسام
شاكرآلك وتعرف المنتدى غالي علي ومن فيه غالين وانت أخ عزيز وغالي شكرآ لك
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .