شعراء شبكة جاش..في جريدة الرياض

[ناصر بن هذال]

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

[ساري اليل]

بيض الله وجهك يا شاعرنا الكبير ناصر ماهي غريبه عليك ولا على الشاعر الكبير بكر بن هذال وقد سبق له جمع ديوان الشاعر الكبير حمد هادي رحمه الله
لكن القصيده المنشوره في اخر المقال في جريدة الرياض للمولف ناصر بن هذال مكسره تكسير
ارجو ان تتقبل مني الراي والرجوع للقصيده اذا كان الخطا مطبعي يكون فيه تدارك هذا وتقبل تحياتي وبتوفيق يابو هذال

[ناصر بن هذال]

عزيزي
شكرا لمتابعتك فعلا الشطر الثاني في البيت الثاني ناقص كلمه سقطت سهوا !
،،
أما أن تكون القصوده كلها مكسره فقد بالعت كثيرا رغم مايظهر لي أن ذلك عن حسن نيه.

كما أرجو منك أن تحدد التكسير من وجهة نظرك.

دمت بخير

[ساري اليل]

يا ابو هذال انت شاغر كبير و القصيده فيها اكثر من كسر راجعها مره ثانيه وسوف يتبين معك الكسور في القصيده
الشطر الثاني في البيت الاول مكسور
الشطر الثاني من البيت الثاني مكسور
ثانيا الشطر الاول من البيت الثاني لو اعدت ترتيبه من حيث المعنا اجد ان القافيه حدتك على الرصيف
اتمنا لك التوفيق

[ناصر بن هذال]

أحيي فيك تمسكك برأيك،
أعتقد أننا بحاجة لراي الزملاء الشعار لتتضح لديك الرؤيه.
وهذا هو النص كاملا:


للحين احبك ماتغير ولا شي=والحب الاول زاد في وسط جاشي
حــبــك مــشــى فــــي وســــط دمــــي ويـمـشــي=مــثـــل الــهـــوا يـبــقــى ويـبــقــى مــعــاشــي
انـــتـــي وانــا..أمــثــال عــيــنــي ورمـــشــــي=واقــــرب بــعــد لــــو صــــار فـيـهــا نـقـاشــي
يـااحـلــى مـــــن مـــــزون الـســحــاب الـمـنـشــي=وازكـــى مـــــن الــنـــوار بــعـــد الـرشــاشــي
حـبــيــبــتــي لاتـســمــعــيــن الـــمـــوشــــي=او قــــــول عــــــذال (ن) يـــريـــد الــهــواشــي
والله احــــبـــــك مــاتــغــيـــر ولا شـــــــــي=والــحـــب الاول زاد فــــــي وســــــط جـــاشـــي


وهذا رابط النص الاصلي:
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .


,,,
تحياتي

[الذيب2010]

صح لسانك يابو هذال القصيدة جميلة ولكن فية كسر في الشطر الاول من البيت الرابع والقصيدة على وجة العموم حركت مشاعري العاطفية والظاهر انك يابو هذال بترجعني لكتابة قصائد الغزل واكيد ان الشطر هذا غلطة غير مقصودة لان القصيدة مؤثرة وعاطفية جدا

[ناصر بن هذال]

ياهلا والله ومسهلا
وأتشرف بملاحظتك مع أني أعتقد أنك قرأت الشين مفتوحه وهي مشدده.
،
عموما
مايهمنا هنا هل توافقون ماذهب اليه ساري الليل وما قاله أم ذلك مجرد إدعاءات؟
وشكرا

[محمد بن عايض المسردي]

الســـلام عليكــــم..أبوهــذَال قصيــدة جزلـــه لــم يدخلهـا كسـر أو أي شــيْ يعيبهـا..
مع أحترامـي للأخوان اللــذيـن علقـَـوا..لكـن يبــدو أن المقدره الشعريه ضئيلـه لديــهم..
فالقصيــده كاملـه..والكامــل وجــه الله..
@تحيَـاتـــي..أبويزيــــــد@..

[ابوخالد]

القصيده ما يلحقها كلام ابدا...وهي على المسحوب....مستفعلن مستفعلن فاعلاتن
فيه ملاحظه ولا تعيب القصيده ابدا...
وهي الالف في الشطر الاول من البيت الثالث ....انتي وانا..أمثال عيني ورمشـي..وتعمل ثقل في اللحن وليس لها علاقه بالكسر من قريب او من بعيد...
ويقع فيه الكثير من الشعراء ومنهم انا ...
وانا اعتقد ان اغلب الشباب يجرون الصوت عشان يعرفون البيت موزون او لا وهذي مشكله بحد ذاتها...
تحياتي للجميع
هذا للأنصاف ولا ابويزيد يعرف رأيي في قصائده,....
اما ما نشر في الجريده فهناك الكثير من الكسور بأخطاء مطبعيه واضحه ...

[ناصر بن هذال]

شكرا لمروركم واضافتكم
اعتقد ان الامور وضحت وكل واحد يصلح سيارته ياساري الليل ‏

[ابو بدر]

بيض الله وجهك يابو هذال فعلك يعتبر وسام على صدر كل مسردي

[ناصر بن هذال]

ووجهك أبيض يابو بدر.
أسعدني مرورك وأضافتك.

[الخلاوي]

ابو هذال انا متعود اقول الحق لو على نفسي النص الاول اللي زلته كان مكسر تكسير من جد وساري ماقال شي غلطاشهد بالله انه قال الصدق لان النص الاول فيه كسور لكن بعد ماصححته طلع نص وافي والغلط مرجوع يابو هذال لكن الحق يقال ساري ماغلط ولا تزعل يابو هذال
تقبل تحياتي والله انك غالي عندي لايجي في خاطرك اخوك الخلاوي .............................. صح لسانك

[طائر الشوق]

قصيده رائعه وانا لم أجد كسر أل كما قال أبا خالد

روعه ياناصر