المساعد الشخصي الرقمي

مشاهدة النسخة كاملة : خذ رسالة ياسفير المحبة وارق فوق


القحطاني
25 / 04 / 2008, 06 : 05 AM
ياسفير الحب يوم تخايل في البروق= وان عرفت القابلة وش تبيع القابلة
خذ رسالة ياسفير المحبه وارق فوق= وبلغ الطرقي وقله بلاش مجاملة

أبو فيصـل
25 / 04 / 2008, 52 : 08 AM
مرحباً بالصاحب اللي على العليا سبوق=ويش تقصد من سؤالك بلاش محايله
من رسالتكم فهمنا كلام ما يروق=والأمانه اعتبرها بساعه واصله

القحطاني
26 / 04 / 2008, 20 : 12 AM
انت قبل العام لك مع هل الاذواق ذوق=والسنة هذي قصيدك رموز معادلة
بين سين وصاد وتحط دون الطوق طوق=روح ود معاملة روح هات معاملة

أبو فيصـل
26 / 04 / 2008, 22 : 02 AM
ماتغير طبعنا وانت ماتكذب صدوق=غير لاتحكم على الناس دون مقابله
طرقنا واحد ولافيه فرق بالطروق=لايروح الليل كله كلام مجادله

القحطاني
26 / 04 / 2008, 47 : 06 PM
لا يضيع الحق بين الامارة والحقوق=ضربة منها تصحصح وضربة قاتلة
وان بلقت عيونك الحمر سموك البلوق=جامل مجنن الاوادم من اجل العاقلة

أبو فيصـل
28 / 04 / 2008, 46 : 01 AM
الله يكفينا من الشر ويدين السروق=واليمين العاطله ماتجي كالعامله
فكر بعض الناس مسموم يالله لاتعوق=جين في دمه ولايدري انه حامله

القحطاني
28 / 04 / 2008, 02 : 04 PM
لا ضعف قلبك ودمك وقف وسط العروق=وش تبي بالعاجلة وش تبي بالعاجلة
لا اقبلت خطوتك تضعف ولا قفت سبوق=انت ماشي صح لكن عكس القافلة

أبو فيصـل
28 / 04 / 2008, 37 : 10 PM
بنصحك ياصاحبي سم واشربلك غبوق =لايوهقك المقرد مع اللي صامله
ترجع وراسك من اللي حصل غادي دقوق=وتنام الليل بضلوع ماهي كامله

الذيب2010
29 / 04 / 2008, 36 : 03 PM
صح لسان الشاعرين على هاذي المحاورة الجزلة والقحطاني شاعر ولكن يالقحطاني ان كنت ريحا فقد لاقيت اعصارا

أبو فـلاح
29 / 04 / 2008, 43 : 04 PM
عودا حميدا للجميع إفتقدنا هذا الحماس من زمن ...

:038:

آسف على المقاطعة ....

هادي المسردي
20 / 06 / 2008, 05 : 08 PM
لاهنــــــــــــــــــــتوا
ولاهيب غريبه على امثـــــــــــــــــــــــــــــــالكم
وبيض الله وجيهكم

أبو فيصـل
20 / 06 / 2008, 02 : 10 PM
اشكر كل الاخوه دون استثنى وبيض الله وجيه الجميع