من غاب نسأل عليه

[أبو فيصـل]

يالطرقي القرم ياوافي الجمايل جعل عمرك طويل =من غاب نسأل عليه ونطلب الله بالسلامه يعود
كم ليلة ما لقينا لك اثر لكن بان الدليل =والشجره اللي تبين اصولها متى علينا تجود

[الطرقي]

يا مرحبا ياسفير المرجله عادتك فعل الجميل=من غاب عذره معه والوضع عادي ياعريب الجدود
مدام بان الدليل الله يبارك فيك هات الذبيل =الطيب مايجحده ياطيب الجدين 00كون الجحود

[أبو فيصـل]

ودي اسولف معك مادام كف الوقت ماهو بخيل=ونحرك الساكن ومابعد ذا الليله بنرضى الجمود
من بعد ماغبت لك مده ولاشفناك نبغى الحصيل=وابشر بدله تجيك مبهره وابشر بمسك وعود

[الطرقي]

حنا على ما تبي ياصاحبي بنسوي المستحيل = انت عليك العلوم الغانمه وانا علي الردود
من جاك فاله على عنبر ومسك الطيب ودلال هيل= ما يلحقك شك يا الطيب وراعي الطيب يرقى سنود

[الذيب2010]

صح لسان الشاعر سفير المحبة والشاعر الطرقي الحقيقة انني اعجبت بالمحاورة بين الشاعرين اللذاني ابدعا حقيقتا سواء بالبدع او الرد وانا شخصيا اعتبر الشاعران مدرسة شعرية افتخر بوجودها في هذا المنتدى ولا على الباقين زود

[أبو فيصـل]

ماعليك زود يالذيب وانا والطرقي لنا الفخر بمرور شاعر مثلك ودمت على خير

[أبو فيصـل]

اكل الرطب ياعميل الخير ماهو مثل اكل الصميل=وجمالنا عودت من بعد ماحالو بليا شدود
ميدانهم من حوافر خيلنا عامر وفازت شعيل=الله يعوض على اهل المال ويخلف الجهد والجهود

[الطرقي]

اثرك راعي نظر ياطير شلوى في التمر والنخيل = وتعرف كل الفوارق بينها 00عديت شر الحسود
اشوف ذاك الحصان اللي تعرفه قام يصهل صهيل =عود يروم المعارك وهو مبطي خابرينه شرود

[طيب الفال]

صح الله السانكم على هذا الكلماااااااات الحلوووووووووووووووه ونتطلع للمزيد منكم
اخوكم طيب الفال