ديوان فلاح بن فالح.

[**النايب**]

قصيده للشاعر / فلاح بن فالح المسردي
مسنده للشيخ / دمخان بن محمد بن دمخان



قـم يـا نديبي وارتحل فـوق سيـدان =يشتاق راعـي الصـنف لاصـك بـابه
مـن اربعـه والفـين والـنـوع نيســان =يقطع وسيـع الجـو لا ردف ســرابه
خلـه يوجـه يم بيـت ابــن دمــخــان =ابو محمــــــــد شـوق جـالي عذابه
دمـخــان وامـية نعم لا قلـت دمـخــان =شيــخ ظهر فعلـه وكـــل درابــــه
يـوم اصـدر القصاص على ابن مشـعـان =وضاقت عليه السبل والذنب صابـه
وكـلٍ تخــلى منـه واللـي خفـي بــان =واللاش جا فعله وماله هـــبابـــــه
فنخاه مجــدل وانتخـاء طيـر حــوران =أخو منيره جعل ياكل شـــــبابــه
بناء الشـراع وصاح بشيـوخ قـحطـان =وارخص حلاله وارتكـــــــى للطلابه
بحاله ومالــه سـار ليـن انقضى الشـان =وفك السجين بكل عزم وصــــــلابه
يـفـداه منهــو كـثـر مـالــه ولا بــان =لاش تساوت حضرته مع غيـــــــابه
لاجـيت فأعطــه خطـنا يـا كـحيــلان =واجلس قليل ليـــــــن تسمع جـوابه
قـلـه فــلاح يـقـول يـاذيـب الاقـران =ترى الجرح لا بطاء يـــزيد التهابه
وتزايـد اعــراضه مـع طــول الازمــان =ومن طاوله جـــرح الليالي غدابـه
والجـرح لامـن صـار من بيـن الاسنـــان =وأبطــاء علاجــه مايفـيد الدوابـــه
واكـبر خطـا واثـم على بنـي الانسـان =الهــــجر لامــن صـار بين الـــــقرابه
وانــا صــديــق لـك وللـرجـل ميــزان =عنـــــد الصديق الــلي براسه صلابه
واطلــبك حــل الـوضع يـاشيـخ ومعـان =ياسعد من لا جـا الــلزوم انتخـــابه
وصـلاة ربــي عـــد مــاهــــل ودان =على النــــبي اعداد وبل الســـحابه
-
فلاح بن فالح المسردي
-

[سفير السعد]

[align=center:e4ab0b9952]شكرا يالنايب وفعلا الرجال تبين وقت الشده واللي سواه ابن دمخان ماهو بغريب عليه وصح لسان الشاعر فلاح بن فالح[/align:e4ab0b9952]

[**النايب**]

اشكرك يااخي سفير الحزن وعسى الله يبعدنا وياك من الحزن
وصح بدنك 000000000والرجال000جبال00000



واشكر من قام على تنسيق وتثبــــيـــت القصيده جزيل الشكر00000






واشكر شكر خاص للاْْْْخ محسن المسردي

[دلع]

شكرا يالنايب

[الساحل الغربي]

مشكوووووووووووووووور النايب!!!!!! لاكن اتمنى من النايب معرفة ابو محمد أكثر!!!!!!! :5:

[أبو أنس]

مدخل :
هل كانت القصيدة حماساً حقيقياً من فلاح بن فالح ؟؟ أم مجرد فزعة لعانيته ؟؟؟؟
فدمخان معروف ،و فلاح معروف ، لكن القصيدة فيها تعجل من فلاح لقضية لا تستحق كل هذا الحماس.

أماّ الأسئلة فهي :

* هل كان ما قام به دمخان وحسن بن غريبة لله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


** هل تستحق قضية مجدل بن مشعان هذا الضجيج والقصيدة ؟؟؟؟؟؟؟؟؟؟؟؟؟؟؟؟؟؟؟؟؟؟؟


*** السؤال الأخير : أين مجدل بن مشعان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


الخاتمة :

((( أسأل الله أن يجعلنا من المستورين في الدنيا والآخرة ، وأن نكون حامدين لنعمته ، غير شامتين بخلقه )))

[خيال القروى]

ابو انس مساء الخير

ليه انت ماتعرف حميا المسارده؟؟

او ماعمرك سمعت فيهااا؟؟؟

مجدل فعل مافعله وادخل السجن

فقط لان ربعه المسارده تسابقوا لعتق رقبته

وهو موقف ليس بغريب عليهمـ

وفعلوها وهاهو حر طليق بعد ان كان قاب قوسين ااو ادنى من حد السيف

اسالئتك مبطنه ولا ادري مافحواها بالنسبه لك

ياخي نحن وبدون تعصب جبلنا على عتق الرقاب والامور الكايده

ونحن السباقون لغوث الملهوف ولا يضام من جاورنا....

[الوهـــــابى]

صح لسان الشاعر



ولا هنت على النقل الطيب

[ابو طلال]

صح اللسان الشاعر ابو حمد ويستاهل ابو محمد

[ناصر بن هذال]

التحديث مستمر ..أضف مالديك من قصائد للشاعر.

[!! تقوى الهجر !!]

السلام عليكم ورحمة الله وبركاته
هذي اول مشاركه لي وانا اتمنى انها تحوز على اعجابكم ورضاكم
$$$ هذي قصيدة للشاعر فلاح بن فالح المسردي في
شيخ آل شايب الحرير بن محمد $$$

أبدأ بذكر اللي له الخلق راجيـــن = اللي يعرف ابسيتي واحسناتـــي
اللي بسط بالكون سبع الاراضين = وارسا جبال فوقها شامخاتـــي
ربٍ بدا في خلق الانسان من طين = ثم فضل ابن آدم على الكائناتي
من بعد ذكره يا الرجال الفهيميــن = خــذت القلم بأبدا بقول أكــلماتي
اوبازن المعنى بزين الموازيـــن = وزن التجر بالسوق لمجوهراتي
باكتب من القيفان زين المضامين = معاني للمستمع واضحاتــــــــي
يامرحبا واعداد جمع الملبيــــــــن = عد الوفود اللي تزور اعرفاتــي
وعد البشر من غرب لندن الى الصين= واعداد قطر الماء بنهر الفراتي
باهل الركاب الى من الشرق ملفين = اللي ركايبهم لنا عانياتـــــــــــي
اللي مشت بالعصر مثل السراحين = من الزرق ممشاه لنا مرسلاتي
مشوبها في العصر ربع حكميــــن = وبسوق جاش بالعشا واقفاتـــي
معهم رسالات عليها عناويـــــــن = مكتوبةٍ بالحبر ومزرفاتـــــــــي
عنوانها ربعي وانا لي خطابيـــــن = كتب عليها الاسم ومعنوناتـــــي
فكيت مظروف الرسالات فالحين = لجل اعرف العنوان بعد القراتي
لقيتها من عند سقم الحريبيـــــن = من عند رجل ينطح الكايداتــــي
وهو الحرير القرم زبن المجنين = أبو فهد عشير زين الصفاتــي
شيخ شجاع مزبن للضعيفــــين = قرم اشبوره للشرف وافياتـــي
صليب راي اوفاهم بالقوانيـــن = ويحل صعبات الامور ابجراتــي
حليم لاجاه الخطأ من قـــريبين = ويلم شمل ربوعه امن الشتاتي
ويدكم شبأ العيال لاجاو باغين = يردهم واظنونهم خايباتــــــــــي
من لابت يوم الملاقا عــــديمين = آلاد شايب مرهقين الطغاتـــــــي
حشو القهر بالقول والفعل وافين = افعالهم بالطيب متقدماتــــــــــي
اعضودنا لازاف جمع الحفيفين= وسيوفنا اللي بالقاء مرهفاتي
وادروعنا لامن غدا الشوف شوفين = في ساعة لاريابها زايغاتــــــي
يشكي علينا زود هرج الـــدقيقين = وارموز شكوى ابوفهد مبهماتي
يقول قالوا هاه ماحن بدارين = يقول قالوا غير مابه ثباتـــــي
ولجله مشينا فوق زين الصوالين = نبحث ومعنا فرقة امخابراــــتي
ومن المباحث حول تسعه وتسعين= وزعتهم على جميع الجهاتـــــي
وجنت للتحقيق ناس نشيطين = تحقيقهم يكشف لنا الخافياتـــــي
تحقيقهم يبدأ على الرمز بالسين = تحقيق جدٍ مابه امجاملاتــــــي
خذنا برحلتنا ثمان وثلاثين = يوم وحنا نجري امفاوضاتـــــي
وعند انتهاء التحقيق جات البراهين= أنها هروج كذب ومزيفاتــــــي
يمشي بها بعض الخبول السقيمين =ضعاف العقول اقليلين السماتي
ناس على زرع المشاكل حريصين= بين القبايل تنشر الشايعاتـــــي
وان لابتي مماتقوله بريين = وانابري منه واثبت براتـــــــي
وربعي من اهروج الدقاقه نزيهين = وهاماتنا للمرجله عالياتــــــــي
آلاد مسرد بالمحاضر جليلين = نحطى القداء ونعدل المايلاتـــي
حلوين للصاحب وللضد مرين = لاثنين لهم امدادنا وافياتـــــــــي
اما انتم اخوان علينا عزيزين = اومن راس قحطان بدينا الحياتي
الراس واحد وخنا بالراس عينين = ولاجا البلا بالراس كيف النجاتي
وانت اوبني عمي اغلاة اوقديرين = ولايمكن نحس الرجال الغلاتــــي
انتم وحنا ربع على العسر واللين = ومهما يصير اقلوبنا صافياتـــي
لاشك مثلك مايطيع الموشين = ماتستمع فينا كلام الوشاتــــــي
شرواك ماتهزه اهروج الخبيثين = اللي لتثوير المشاكل دعاتـــي
ناس دينين اخساس ودوعين = ونفوسهم بالخبث متولعاتــــــي
بين العرب يمشون مثل السمامين =وهروجهم نفاق ومراوغاتي
تم الكلام اللي من الفكر ناجين = قول صحيح مابه امبالغاتـــــي
الشاعر فلاح بن فالح المسردي

[أبو جود]

اخوي تقوى الهجر
بيض الله وجهك على هذه القصيده الرائعه وماراح تصدق لو اقولك بانها اول مره اقرأ هذه القصيده
مع انها قصيده لاغلى انسان على وجه البسيطه والدي الغالي بس احب اقول شي باني انا وابوي
لم نتكلم في موضوع الشعر نهائيا الا نادرا ولم اعرض عليه من قصائدي الا قصيده واحده وعندما قرأها قال لي اذا كنت بتواصل بهذه القوه فانا اشجعك
فتسلم اخوي تقوى الهجر وننتظر المزيد والحمد لله على سلامة الوصول
ونبي منك قصيدة الشباب تنزلها في اقرب وقت
تقبل مروري ولك جزيل الشكر

[!! تقوى الهجر !!]

اخوي ابو جود الله يسلمك من الشر بس العذر والسموحه
منك ومن اخواني الاعزاء القصيدة اللي في الشباب
ماهي معي بس انا معي قصائد ثانيه للشاعر الغالي
وانشاء الله في القريب العاجل انزل القصائد
ومشكور كل الشكر اخوي الغالي على مرورك

[الخلاوي]

صح لسانك ياابوحمد والله انه من العزيزين على قلوبنا جميعا
قصيده يعجز عنها الوصف
مشكور اخوي تقوى الهجر على النقل وننتظر المزيد

[!! تقوى الهجر !!]

هذي قصيدة للشاعر فلاح بن فالح المسردي
في بعض ممن يتكلمون في المجالس بلا فائدة من كلامهم"]


يقول اللي بدأ القول بسلامه = اوتقديره مع زود احترامه
على ذربين الايمان الكرام = هل الخلق الكريم والاستقامه
رجال تتبع سنه محمد = عمالقة الورع ساس الشهامه
وعلى من لابدأ القاف استمع له =وعرف معنا رعا القاف ومرامه
ومن بعد السلام ابدا القصيد = حسب عرفي ومفهومه نظامه
وكل حسب عرفه للمعاني =يقدمها على قدر افتهامه
بعض لا حيان تورقني اهمومي = تهاجم فكري اتريد اقتحامه
بغيت ارقد وطار النوم عني = ومن هوجس حرم عينه منامه
وانا حساس وادنا ماجرحني = وبعض الناس يزعجني كلامه
وخص اللي يهذرم بالمجالس =الي من شبع من صحن الكرامه
الى منه امتلا بطنه يشوش = ركز عنقه كما عنق النعامه
بطش بالناس يذبح ذا ويسلخ = بقول الفم وسيفه في اكمامه
متين الظلع في وقت العوافي = وباللازم كما عود الثمامه
يحس العرش راسه بالشجاعه = حسب فهمه وهو ساس الرخامه
بوقت السلم ينطح له سريه = ولا جاء الصدق ماينطح حمامه

[أبو فايز]

وانا حساس وادنا ماجرحني = وبعض الناس يزعجني كلامه
وخص اللي يهذرم بالمجالس =الي من شبع من صحن الكرامه
الى منه امتلا بطنه يشوش = ركز عنقه كما عنق النعامه
بطش بالناس يذبح ذا ويسلخ = بقول الفم وسيفه في اكمامه
متين الظلع في وقت العوافي = وباللازم كما عود الثمامه

صح لسانك يا بو حمد ..
يكفيني هذه الأبيات لأبو حمد جعل ربي يطول عمره على طاعته ، وأما رأيي فيه فلست أنا من يقييم قامة شعرية بحجم فلاح بن فالح ، وشكرا على النقل .

[أبو جود]

اخوي تقوى الهجر
مشكور على جهودك وبيض الله وجهك لكن النص هذا فيه اخطاء املائيه واتمنى منك تصحيحها في اقرب وقت ممكن

لان القصيده اذا حصل فيها خطأ املائي قد يغير معنى البيت كامل حتى لو كان حرف واحد والاخطاء هي :

1- في البيت الاول (تقدير ) الصحيح (تقديره )
2- البيت الثاني (او لاستقامه ) الصحيح (والاستقامه )
3-البيت الرابع (اومره) الصحيح (ومرامه ) بدون الف قبل الواو
4-البيت الخامس (اومفهومه )الصحيح ( ومفهومه ) مافيه الف
5-البيت الثامن ( اوطار ) الصحيح ( وطار )

انا عارف بانك غير متعمد لكن تنقلها من طباعة القصيده والطباعه قديمه جدا فارجو منك التعديل الله لايهينك

[!! تقوى الهجر !!]

الاخ ابو جود اشكرك كل الشكر على هذي الملاحظات المهمه بس للآسف القصائد اللي عندي مطبوعه قديما ونصف الكلمات لا اعرف اقرأها
ولكن انشاء الله ابذل مافي وسعي لكي اتجنب الاخطاء ثانية
ولك جزيل الشكر

[ناصر بن هذال]

وانا حساس وادنـا ماجرحنـي=وبعض الناس يزعجني كلامـه

احفظ هذا البيت منذ اكثر من 13سنه
صح الله لسان الشاعر
وشكرا للناقل
ويشهد الله ان نحب ابو حمد في الله.

[!! تقوى الهجر !!]

الخلاوي
ابو فايز
ابو هذال
مـــــشكــــــ على المـــــــــــــــرور ــــــورين

[!! تقوى الهجر !!]

السلام عليكم ورحمة الله وبركاته
قصيدة للشاعر فــــــــــــــلاح بن فــــــــــــــــالح المسردي

ياللي اسلوب الهمز غريزة فيك = بالمزح تدخل لك اهروج رديه
باهل اللحا تلمز وكثرت دواديك = تكتب علوم ضدهم عنجهيه
طقيت عينك يالخمامه بأياديك = وكشفت عيبك للبشر يابليه
لاهل اللحا تحقد ابليسك مغاويك = من الدين جايك علة باطنيه
لحيتك تجعلها مثل مطقع الديك = وخنافسك كنها ذوائب غضيه
اتخالف امر الله وتظهر معاصيك = وتلمز اعراض اهل العزوم القويه
اهل اللحا يالنذل خابت هقاويك = اهل الورع واهل النفوس الزكيه
يمشون بامر الله يميتك ويحييك = وبسنة محمد رسول البريه
واهم الذي لاصك بعض الصواكيك = وزند الخطر قامت تقادح اضويه
ثم طارت عيونك وكملة عزاويك = وشلتك كل قام يلعن خويه
يردون فالهيجاء حياض التهاليك = بنفوس في خوض المعارك جريه
يردونها بمضلعات البلاجيك = وحدب السيوف وسلة حضرميه
وبالسوق واحدهم يبيعك ويشريك = يسوق من شرواك بالهوش ميه
واليوم يا الجابان تظهر تحديك = لمن سار بامر الله وسنة نبيه
لحيتك تحلقها وتكثر هزاويك = واعيوبك اكبر من جوانب طميه
حديتني وانا مجنبك ما ابغيك = واليوم باكسر ناجدك والثنيه
بالسب باختصك وبشتمك واهجيك = وبا كتفك كتاف عير الرويه
اخصك بسبي وبالقول اناجيك = واعمي اعيونك ياحصان الرعيه
ويكرم جناب ارجال ماهم شراويك = اهل الشهامه والوفاء والحميه
ما كل من يحلق اسباله يحاليك = كم واحد بالجود كفه نديه
يحلق اسباله وان بدأ النب يشفيك = وان كلحه لانياب ينطح سريه
ممشاه دايم مع رفيع المساليك = وتشوم نفسه عن لامور الدنيه
وانا اعتذر لايصير بالقاف تشكيك = وارتبة بحروفه الابجديه
المعذره ياللي تشرف مماشيك = الله يعزك يازبون الونيه
انا اقصد بقولي بخدين الصعاليك = اللي على اهل الدين ركب اردعيه
اللي لسانه بالسفاهه تماتيك = بالزور والبهتان تقرع الحيه
واقول له هون عسى الله يعميك = قبل افضحك فضيحة عالميه
هذا اول انذار مع القاف ناصيك = انذار واحد بعد خامس خطيه
فان تبت وارخيت النظر في مواطيك = وجنبت سلم اهل النفوس الشقيه
طلبت لك رب المخاليق يهديك = وقفلة تحقيقي وسجل القضيه
وان عدت دقيت الوتد في علابيك = ولويت لك بالحبل تسعين ليه
واظهرة لعموم الخلايق مخازيك = واعلنت كل اعيوبك اللي خفيه
وانت المخير واختر اللي بيرضيك = وكل على رجله يفصل احذيه

[!! تقوى الهجر !!]

هذي القصيدة للشاعرنا يجاوب بها ابنه الصغير حمد عندما اخذ يسأله عن اشياء ولا يدرك معناها
لصغر سنه وجاوبه بهذه القصيده


قم ياحمد يابوك عن حافة البير = كب الحكاء يامسندي والدوادي
تسأل وانا اجاوبك لكنك صغير = من صغر سنك مافهمت المرادي
لكن تفضل خذ جوابي بتعبير = من ضامر يقدح سواة الزنادي
عند المكينه نربط ابها مسامير = بجذب بها الماء يامضنه فوادي
نسقي بها يابوك غرس جبابير = غرس عطانيها رب العبادي
غرس عطانياها والي المقادير = اللي رفع سبع بليا عمادي
روابخ في وسط جاش معاطير = لجلك بذلت بها جميع اجتهادي
من فضل رب دبر العبد تدبير = شريتها لك يوم نادى المنادي
سقنا بها الموتر وسقنا الدنانير = لجل يجي لك وسط جاش ابلادي
تصير لك ملك يخصك عن الغير = وتغنيك من بعض الربع لقتصادي
وانا برجو من يسوق المعاصير = يحيك لي ويحط فيك السدادي
تكبر وتكفيني ببعض المشاوير = وتسنع صغار النخل والعيادي
حتى الى جاك المسير على خير = تقدم الدله وتمره قنادي
مع ماتيسر يازبون المقاصير = من كلمة ذربه ومي وزادي
في مجلس مادنوسه المعاثير = مايدهله راعي الدنس والفسادي
ماديهله يكون ربع بهم خير= كل ابلج في طاعه الله انقيادي
مجلس شرف مايروده الا المناعير = على المعزه مدهل للعوادي
من ظمن ربع يكرمون المسايير = ربع عساهم دايم بالمرادي
ذباحة للضان لوهم معاسير = لو كان مابه غيرها في لصادي
قوم بحزات الملاقا مغاوير = الاد مسرد مرهقين الاعادي
ربعي مسارده تكف الطوابير = لطامة العايل نهار الطرادي
يوم الملاقا يحتمون المعاشير = لو كان كثر القوم مثل الجرادي
خيالهم لامن اعتزاء كنه الزير = من هيبته يهتز حتى الجمادي
لا ما اقبله خيل وخيل مدابير = وجاء الاشتباك بمرهفات النهادي
يهدرون الانفس والصاير يصير = وظرباتهم للضد بين الثنادي
كل ابلج ينس براسه سعاطير = لاثارة الهيجاء بنفسه يفادي
يسوقها للموت من غير تفكير = حتى يرد مقرقعات التوادي
من دونها ماسمع عذال ومشير = والضد من فعله يشوف النكادي
وشيخ العداء عشاه عكف المناقير = وخده على البيداء بليا وسادي
ذا فعل ربعي بالسنين المغابير = ايام عز السيف هو والجوادي
قلته ولا بكل القبايل تقاصير = فالكل به حقه نهار الطرادي
من غيرنا من يحتمون المظاهير = بأمات خمس والسيوف الحدادي
ايام ذاك يصيح والثاني يغير = اما صباح الشوم ولا هجادي
اما اليوم اسلام وامان وبخير = انعام ماتحصى لنا بالعدادي
من يوم ابو فيص لها واصل السير = من شرقها مثل الاسد وصل عادي
عبد العزيز مصخر الضد تصخير = اللي بيد عجلان ثنا القيادي
بسبعة انفار وحكمه وتدبير = خطط ونجحة خطته بالوكادي
بشجاعته داس الحرس والنواطير = حتى ظرب عجلان بين الثنادي
كزه بسيف يكسر العظم تكسير = والنعم ياشيخ بثاره ينادي
يقول حكم الظلم يحتاج تغير = وألبس جزيرتنا ثياب جدادي
ثم قام حكم الشرع من غير تقصير = يقول لله نيتي واعتقادي
حكم بقول الله من غير تغير = والمشركين اعلن عليهم جهادي
سدد وقارب وبدل الهدم تعمير = وجمع قلوب الناس على الرشادي
جمع قلوب الناس من بعد تنفير = صيرهم اخوان بعد الابتعادي
خل عمر وحمود وابجاد وعمير = بعد التفرق ساكنين بوادي
بأرادة من عند ربه وتيسير = وحد جزيرتنا بحكمه وسادي
ومن بعده عياله بنوها بتسوير = صارو لها سور قوي شدادي
سور منيع ماتهزه الاعاصير = يمن ويذري من هبوب البرادي
بسياسه فذه لها اكبرهم يدير = واخوانه عضوده صقور الهدادي
بالداخل يعمر ويبني بتطوير = والشعب شجع حضرهم والبوادي
وبالعالم الخارج يدير التفاكير = محنك يصيد ولا يصادي
تحته رجال يرفعون التقارير = في كل يوم عن لزوم البلادي
حاول يوفر لنا الخير توفير = من شاننا صالح وعادى وذادي
والارزاق وردها لشعبه قناطير = والجيش ورد له حديث العتادي
مدافع ومدرعات بجنزير = والناقلات اللي تبوج الريادي
وذخيرة ومصفحات و طيايير = كل الدول تعلن بها فالروادي
مع صواريخ بها زود تفجير = منها معادينا يشوف النكادي
هذا وصلو عد ما غرد الطير = على رسول للبشر خير هادي

[!! تقوى الهجر !!]

هذي القصيدة للشاعرنا يجاوب بها ابنه الصغير حمد عندما اخذ يسأله عن اشياء ولا يدرك معناها
لصغر سنه وجاوبه بهذه القصيده



قم ياحمد يابوك عن حافة البير = كب الحكاء يامسندي والدوادي
تسأل وانا اجاوبك لكنك صغير = من صغر سنك مافهمت المرادي
لكن تفضل خذ جوابي بتعبير = من ضامر يقدح سواة الزنادي
عند المكينه نربط ابها مسامير = بجذب بها الماء يامضنه فوادي
نسقي بها يابوك غرس جبابير = غرس عطانيها رب العبادي
غرس عطانياها والي المقادير = اللي رفع سبع بليا عمادي
روابخ في وسط جاش معاطير = لجلك بذلت بها جميع اجتهادي
من فضل رب دبر العبد تدبير = شريتها لك يوم نادى المنادي
سقنا بها الموتر وسقنا الدنانير = لجل يجي لك وسط جاش ابلادي
تصير لك ملك يخصك عن الغير = وتغنيك من بعض الربع لقتصادي
وانا برجو من يسوق المعاصير = يحيك لي ويحط فيك السدادي
تكبر وتكفيني ببعض المشاوير = وتسنع صغار النخل والعيادي
حتى الى جاك المسير على خير = تقدم الدله وتمره قنادي
مع ماتيسر يازبون المقاصير = من كلمة ذربه ومي وزادي
في مجلس مادنوسه المعاثير = مايدهله راعي الدنس والفسادي
ماديهله يكون ربع بهم خير= كل ابلج في طاعه الله انقيادي
مجلس شرف مايروده الا المناعير = على المعزه مدهل للعوادي
من ظمن ربع يكرمون المسايير = ربع عساهم دايم بالمرادي
ذباحة للضان لوهم معاسير = لو كان مابه غيرها في لصادي
قوم بحزات الملاقا مغاوير = الاد مسرد مرهقين الاعادي
ربعي مسارده تكف الطوابير = لطامة العايل نهار الطرادي
يوم الملاقا يحتمون المعاشير = لو كان كثر القوم مثل الجرادي
خيالهم لامن اعتزاء كنه الزير = من هيبته يهتز حتى الجمادي
لا ما اقبله خيل وخيل مدابير = وجاء الاشتباك بمرهفات النهادي
يهدرون الانفس والصاير يصير = وظرباتهم للضد بين الثنادي
كل ابلج ينس براسه سعاطير = لاثارة الهيجاء بنفسه يفادي
يسوقها للموت من غير تفكير = حتى يرد مقرقعات التوادي
من دونها ماسمع عذال ومشير = والضد من فعله يشوف النكادي
وشيخ العداء عشاه عكف المناقير = وخده على البيداء بليا وسادي
ذا فعل ربعي بالسنين المغابير = ايام عز السيف هو والجوادي
قلته ولا بكل القبايل تقاصير = فالكل به حقه نهار الطرادي
من غيرنا من يحتمون المظاهير = بأمات خمس والسيوف الحدادي
ايام ذاك يصيح والثاني يغير = اما صباح الشوم ولا هجادي
اما اليوم اسلام وامان وبخير = انعام ماتحصى لنا بالعدادي
من يوم ابو فيص لها واصل السير = من شرقها مثل الاسد وصل عادي
عبد العزيز مصخر الضد تصخير = اللي بيد عجلان ثنا القيادي
بسبعة انفار وحكمه وتدبير = خطط ونجحة خطته بالوكادي
بشجاعته داس الحرس والنواطير = حتى ظرب عجلان بين الثنادي
كزه بسيف يكسر العظم تكسير = والنعم ياشيخ بثاره ينادي
يقول حكم الظلم يحتاج تغير = وألبس جزيرتنا ثياب جدادي
ثم قام حكم الشرع من غير تقصير = يقول لله نيتي واعتقادي
حكم بقول الله من غير تغير = والمشركين اعلن عليهم جهادي
سدد وقارب وبدل الهدم تعمير = وجمع قلوب الناس على الرشادي
جمع قلوب الناس من بعد تنفير = صيرهم اخوان بعد الابتعادي
خل عمر وحمود وابجاد وعمير = بعد التفرق ساكنين بوادي
بأرادة من عند ربه وتيسير = وحد جزيرتنا بحكمه وسادي
ومن بعده عياله بنوها بتسوير = صارو لها سور قوي شدادي
سور منيع ماتهزه الاعاصير = يمن ويذري من هبوب البرادي
بسياسه فذه لها اكبرهم يدير = واخوانه عضوده صقور الهدادي
بالداخل يعمر ويبني بتطوير = والشعب شجع حضرهم والبوادي
وبالعالم الخارج يدير التفاكير = محنك يصيد ولا يصادي
تحته رجال يرفعون التقارير = في كل يوم عن لزوم البلادي
حاول يوفر لنا الخير توفير = من شاننا صالح وعادى وذادي
والارزاق وردها لشعبه قناطير = والجيش ورد له حديث العتادي
مدافع ومدرعات بجنزير = والناقلات اللي تبوج الريادي
وذخيرة ومصفحات و طيايير = كل الدول تعلن بها فالروادي
مع صواريخ بها زود تفجير = منها معادينا يشوف النكادي
هذا وصلو عد ما غرد الطير = على رسول للبشر خير هادي

[أبو محمد]

صح لسان أبوحمــد..وهاذي القصايد ومثلهـا تسوى الذهــب..
وفي الحقيقه فلاح بن فالح..لايقل شعره عن شعر أخوه المرحوم حمد هادي..ولكن أهتمَ بما هو أهمَ من الشعر ألا وهو دين الله..نسأل الله له التوفيق..

[محمد ال الشوافه]

قصيدة جميلة ورائعة . ودمخان وفلاح من شيبان المساردة المحبوبين .
ونصيحة موجهة إلى أبو أنس أحمد الله على أنك معافي مم أبتلي به ابن مشعان ؟
وأعلم أن القلب بين إصبعين وردد دائما :.
(يامثبت القلوب ثبت قلبي على دينك)

[زمان يافن]

مشكووووووووووووووووووووووووووور

الناااااايب

اطااال الله في عمر ابوحمد