المساعد الشخصي الرقمي

مشاهدة النسخة كاملة : قصيده موجهه لبو يزيد

كاشخ 24 ساعه
14 / 03 / 2008, 21 : 12 PM
قصيده موجهه لاخي الشاعر ناصر بن هذال

يابو يزيد الفكر جاء فيه تشويش"="كنى برجم تعتليه الهوايش
في مهمه ما فيه كود الدراويش"="والعين قاذيها من الصدر رايش
متوحد(ن) همي ولالى معاريش"="صلف زماني لكن الراس شايش
جاني زماني بالطروش المباليش"="وقال الزمن ل(0000) وين انت عايش
اما بصيد يبري القلب ويطيش"="واما بطير يسهج الخرب طايش
مالى بدونه يانديبى وحتى ايش"="لا قالو الدنيا على كف هايش
نغموش في راسه يقدي النغاميش"="ذكره عزيز وهامه العز نايش
أسيل
14 / 03 / 2008, 04 : 03 PM
صح لسانك قصيده جميله
وابيات رائعه
ابوخالد
15 / 03 / 2008, 31 : 05 AM
صح لسانك يا ابوناصر...
ابو جعفر
16 / 03 / 2008, 41 : 12 AM
صح لسانك يابوناصر
ابو بدر
16 / 03 / 2008, 03 : 02 PM
صح لسانك قصيده
رائعه وابو يزيد يستاهل
ابو مي
16 / 03 / 2008, 12 : 02 PM
الأهنت على القصيدة الجميلة

وبو يزيد يستاهل
مثل العسل
16 / 03 / 2008, 45 : 05 PM
أبيات جميلة صح لسانك

تحياتي لك وتقبل مروري
ناصر بن هذال
16 / 03 / 2008, 09 : 09 PM
يامرحبا باللي لفوه المطاريش=ترحيبة(ن) مثل المزون الرعايش
هيجنت بابياتك على طفح الجيش=ووردتها عد القلوب العطايش
الصيد تحري به مثل صافي الريش=كساب للعليا وللمجد نايش
ياصاحبي من خالي الهم؟..مافيش!!=كل على ماقيل حايشه حايش
بعض العرب عايش.. يبي لقمة العيش=مقفل(ن) بابه وملغي الدرايش
وشرواك عون منقضات العكاريش=وعون الضعيف اللي حياته بلايش
وختامها ياللي بيوتك على إيش=أقبل عددها ياعميلي على آيش

وسلامتكم
كاشخ 24 ساعه
19 / 03 / 2008, 17 : 10 AM
يامرحبا باللي لفوه المطاريش=ترحيبة(ن) مثل المزون الرعايش
غنيت بابياتك على طفح الجيش=ووردتها عد القلوب العطايش
الصيد تحري به مثل صافي الريش=كساب للعليا وللمجد نايش
ياصاحبي من خالي الهم؟..مافيش!!=كل على ماقيل حايشه حايش
بعض العرب عايش.. يبي لقمة العيش=مقفل(ن) بابه وملغي الدرايش
وشرواك عون منقضات العكاريش=وعون الضعيف اللي حياته بلايش
وختامها ياللي بيوتك على إيش=أقبل عددها ياعميلي على آيش
وسلامتكم



صح لسانك يابويزيد وبيض الله وجهك

بعض العرب عايش.. يبي لقمة العيش=مقفل(ن) بابه وملغي الدرايش

عز الله انك صدقت

مره أخرى اشكرك على سعة صدرك ولنا لقاء قريبا أن شاء الله
كاشخ 24 ساعه
20 / 03 / 2008, 18 : 11 PM
جمالي من حلا روحي

ابوخالد


ابو جعفر

ابو بدر


÷ ابـو مـي ÷


مثل العسل


أشكركم جميعا على التكرم بزياره القصيده


دمتم بود
أبوماجد
26 / 03 / 2008, 26 : 02 AM
والله القصايد روعه .

لكن إسمحوا لي.

كيف يكون برجم وبعدين في مهمه.؟؟

وكيف الرد يقول فيه هيجنت والقصيده على بحر المسحوب ؟

ولكن هذا لايغير من الروعة شيء
ناصر بن هذال
26 / 03 / 2008, 32 : 02 PM
ملاحظات جميله والاجمل مرورك

عموما بالنسبه للملاحظه الاولى

يكفيك ابيات الشاعر محمد السديري:

يقول من عدى على راس عالي=رجم طويل يدهله كل قرناس
في راس مرجوم عسير المنالي**تلعب به الارياح مع كل نسناس
في مهمة قفر من الناس خالي=يشتاق له من حس بالقلب هوجاس
قعدت في راسه وحيد لحالي=براس الطويل ملابقه تقل حراس
متذكر في مرقبي وش غدالي=وصفقت بالكفين ياس على ياس ...


وكيف الرد يقول فيه هيجنت والقصيده على بحر المسحوب ؟


,,


هيجنت اقصد بها غنيت وتم تغييرها .

وبماء ان البحر مسحوب فليس بالضروره انني سحبته على ربابه ولكني غيرت الكلمه ليكون المعنى اسلم واشمل

سعيد بمرورك وبملاحظاتك.
أبوماجد
26 / 03 / 2008, 33 : 09 PM
بالنسبه للملاحظه الأولى أنا معاك طالما السديري بررها .

علماً أن المهمه بالعاده خالي من الجبال لأن وجود الجبال يعني وجود الحياه .

أما بالنسبه للثانيه.
مسحوب الربابه هو بعينه مسحوب الوزن لأنك وأنت تغنيه أو تقوله تحس بإحتباس النفس شيئاً ما.
وبما أنك من أهل الصنعه والمشهود لهم بجزالة الشعر أوافقك على كل ما ذهبت إليه
برق الحيا
29 / 03 / 2008, 33 : 11 PM
صح لسانك و ابو يزيد كفو ويستاهل