المساعد الشخصي الرقمي

مشاهدة النسخة كاملة : محاوره حاميه بين الشاعرين الكبيرين ابن شايق وملفي


ابوشيبه
10 / 01 / 2008, 10 : 12 AM
محاوره جرت بين شاعري المحاوره عبدالله ابن شايق العاطفي القحطاني والشاعر ملفي المورقي العتيبي
وهما شاعران كبيران وغنيان عن التعريف واخترت لكم هذه المحاوره القوية بين هذين الشاعرين اليكم المحاوره وموال النار من شبابها :
ملفي:
لقيت ابن شايق تحت حيد الحصاه"="دارت به الدنيا وعاد لديرته
الموال:
يابن شايق صاحبي عن لزومك لاتخلا"="تدري انك فارس الملعبه لا والله الا
كيف تقدر تترك القوم وعيونك تحلا"="ولعوها نار والنار من شبابها
ملفي ليا دور لعبدالله لقاه"="يعرف مناهيجه ويعرف سيرته
ابن شايق:
المورقي مجنون ويدور عناه"="ان طاع شوري يطلب الله خيرته
الموال:
الحصاه الي تقوله حديتك لاتجيها"="واحمد الله عقب ماجابتك الاقدار فيها
ماتعود لين احلفك ماترجع عليها"="ولعوها نار والنار من شبابها
راع الحصاه الذيب جاب الله عشاه"="يغار منك وثمن الله غيرته
المورقي:
قصيرنا غالي وسيرنا علاه"="نذكر مواقيفه ونذكر جيرته
الموال:
روح واسرح من حصاتك ليا حد الدواسر"="لكن حدك لا تيامن شوي ولا تياسر
والعرب من سالف ايامها رابح و خاسر"="ولعوها نار والنار من شبابها
حول على الضلعان نجم من سماه"="ذوب حصاها من لهيب سعيرته
ابن شايق:
اقول لك هذا تقول ابك وهذاه"="حلف علي وعندكم تكفيرته
الموال:
الا بجلس في حصاتي وانا ناوي وناوي"="اذبح الجذعان وابن عقيل والشواوي
واذبح ابن فهيد واذبح شليويح العطاوي"="ولعوه ا نار والنار من شبابها
............... ............... ............... ............... .....(اعتذر عن ذكر هذا البيت)...
المورقي:
ياصاحبي كل على سلم مشاه"="والي يعير ماحسبت لعيرته
الموال:
يابن شايق لو ذبحت النصيفه من عتيبه"="ماتعوضك ياحمر العين في هاك المصيبه
يوم رحتوا يالجحادر سريبه في زريبه"="ولعوها نار والنار من شبابها
نجد المسمى فارقك نبته وماه"="كم واحد قدمك ذبحنا نيرته
ابن شايق:
ياخوك خوك اخطا لكن ادمح خطاه"="علم كبير ودنا تصغيرته
الموال:
احمدالله قالها الشيخ ملفي باللساني"="الجح ادر نصف قحطان ماجوه قحطاني
والعتيبي غازي بالبقوم وبشهراني "="ولعوها نا والنار من شبابها
ياحليل ملفي غير قل الله حلاه"="ياليته مصفر على تصفيرته
وسلامتكم

نواااف الدوسري
10 / 01 / 2008, 47 : 12 AM
يسلمووو ربي يعطيك عافيه
بن شايق غني عن التعريف ولمورقي شاعر معروف
بس ممكن سؤال هذي قديمه ولا توها جديده
وبي اسئل ليه بن شايق مابشوفه في الملاعب
تقبل مروري

ابوشيبه
10 / 01 / 2008, 11 : 01 AM
اشكرك اخوي نواف على مرورك
المحاوره هذي قديمه , اما بالنسبه لغيابه عن الملاعب الله العالم ,,,

البتار
10 / 01 / 2008, 47 : 01 AM
يعطيك العافية
وعسا ان نرى ابو شنب يصول ويجول في الملاعب كما كان