فرخ حر

[الشيخه]

هيضتني يالريم يوم انك سبوق"="تركض برجل حدها وبل الحصاه
واليا زهمت البرق جير لك حقوق"="صك بعد فرقا لسانك واللهاه
شوقتني للبر لا صارت شقوق"="وقت الرخا عشته واراقب منتهاه
امشي واسمي لا لمحت البرق فوق"="وارقب كريم لا تعلى في سماه
واليوم كني فرخ حر في سبوق"="متبرقع وراعيه توه ما شراه
يكفخ بريشه وينتف الباقي بشوق"="في وكر ذل من بعد عز وجاه
يالله يامنشي سحابك على روق"="ترحم عزيز اخر عياله نساه
وتعوضه يارب باوقات الشروق"="في صحصح يم الصحاري والنفاه
مابي سوى يوم على ذيك العروق"="اشم ريحه ماضي ولى بحلاه

[ناصر بن هذال]

شاعرتنا الشيخه

مرحبا بعودتك...قصيدتك جميله تشكرين عليها وصح لسانك.

[شبيه الريح]

صح لسانك يالشيخة قصيدة رائعة

[نواااف الدوسري]

شعارتنا الغاليه
قصديه في قمة الروعه الله لايهينك كلماتها جميله\
ربي يعطيك الف الف الف عااااافيه
ننتظر جديدك على احر من الجمر
وفي انتظار شعرك المتجدد
تقدير وحترام نوااف لكي