المساعد الشخصي الرقمي

مشاهدة النسخة كاملة : تدري وش اللي يتعب البنت يا سعود

ماهر الماهر
26 / 05 / 2007, 21 : 03 PM
تدري وش اللي يتعب البنت يا سعود ...؟! رجـلٍ يخـون اشواقـهـا و الـمـودة
إللـي إلا احتـاج الغـلا صـار نمـرود وإلـى شبـع ممـا عـطـاه إسـتـرده
البنت ريحانـة غـلا... ناعمـة عـود تبـي لهـا رجـلٍ ورث طيـب جــده
رجـلٍ فعولـة كلهـا جـود فـي جـود مـا يلتفـت للـي كفوفـه تمـده ...!!
رجـلٍ إلا جـتـه الليـالـي بمنـقـود يتكـى لهـا مـا بيـح الوقـت ســده
مهوب خبـلٍ مـا رعـى للهوى عهـود وادنـاة مـا عـارض طريقـه يــرده
ولاهـوب لاعلـة ... ولاهـوب ملهـود ولا شكـوك ... و كـلٍ طـارئٍ يـحـده
ما اشين من الرجـال لا جـاك بـبـرود وإن قال لـه تـرف القـدم شـي صـده
تبـي لهـا بـراق طيـبٍ لـه رعــود إن اجدبـت يمطـر علـى ريـف خـده
وإن نادتـه تكفـى لقـت عنـده الفـود يشيـل عزتهـا عـلـى قــو زنــده
كفه نفل ... وانفاس صـدره لهـا عـود وظلالـه الضـافـي بيـدهـا تـمـده
البنت خد ... وقـد ... ونواظـرٍ سـود وريحة غلاً ... ياسعـد مـن شـم نـده
البنـت إلا ضحكـت ثمرهـا لـك ورود يـا سعـد مـن يقطـف نواويـر وردة
واللي يهين البنت ناقـص ... ومقـرود فرس غـلا ... ماهـي حمـارة مكـدة
منهو الشاعر لو سمحتو غير معروف لدينا
الوهـــــابى
26 / 05 / 2007, 28 : 08 PM
تدري وش اللي يتعب البنت يا سعود ...؟!== رجـلٍ يخـون اشواقـهـا و الـمـودة
إللـي إلا احتـاج الغـلا صـار نمـرود ==وإلـى شبـع ممـا عـطـاه إسـتـرده
البنت ريحانـة غـلا... ناعمـة عـود== تبـي لهـا رجـلٍ ورث طيـب جــده
رجـلٍ فعولـة كلهـا جـود فـي جـود== مـا يلتفـت للـي كفوفـه تمـده ...!!
رجـلٍ إلا جـتـه الليـالـي بمنـقـود== يتكـى لهـا مـا بيـح الوقـت ســده
مهوب خبـلٍ مـا رعـى للهوى عهـود ==وادنـاة مـا عـارض طريقـه يــرده
ولاهـوب لاعلـة ... ولاهـوب ملهـود ==ولا شكـوك ... و كـلٍ طـارئٍ يـحـده
ما اشين من الرجـال لا جـاك بـبـرود== وإن قال لـه تـرف القـدم شـي صـده
تبـي لهـا بـراق طيـبٍ لـه رعــود ==إن اجدبـت يمطـر علـى ريـف خـده
وإن نادتـه تكفـى لقـت عنـده الفـود ==يشيـل عزتهـا عـلـى قــو زنــده
كفه نفل ... وانفاس صـدره لهـا عـود== وظلالـه الضـافـي بيـدهـا تـمـده
البنت خد ... وقـد ... ونواظـرٍ سـود ==وريحة غلاً ... ياسعـد مـن شـم نـده
البنـت إلا ضحكـت ثمرهـا لـك ورود== يـا سعـد مـن يقطـف نواويـر وردة
واللي يهين البنت ناقـص ... ومقـرود ==فرس غـلا ... ماهـي حمـارة مكـدة






اختيار جميل وما قصرت

ومن يعرف الشاعر لا يبخل علينا
علي الحبابي
27 / 05 / 2007, 16 : 06 PM
القصيده تكملتها!!!!
وانا عشيري فيه زودعلى زود
فديت خصره لاانهصرثم شده
مياسة ماحازها زول مملوود
تشكي هواي بقلبها للمخده
وتمد لي من طارف الكرم عنقود
بكف(ن)اذوب من الوله يوم اشده
اخرها!!!
ياويل قلبي والعذارى لهم مووووود
فيهم من الاحساس مااحد(ن)يعده
غضات جسم ولا لهن بالبهى حدود
بحر المشاعر بين جزره ومده
وسلامتكم!!!
ماهر الماهر
29 / 05 / 2007, 31 : 09 AM
ونت سالم اخي العزيز علي من هو الشاعر يا حبيب الملاين
ربي يخليني
29 / 05 / 2007, 35 : 02 PM
من جد منهو شاعرها ياشاعرنا انا كذا مره اقرها بس مدري لمين
علي الحبابي
29 / 05 / 2007, 06 : 04 PM
والله ياخوي ماهر ذكرتني بحبيب الملايين
ببلد عربي يقولون تسلم للشعب يا!!!!!!!!!
ياحبيب الملايين!!وبيني وبينك مافيه من يحبه!!

________________________________

ياطويل العمر الروايات كثيره فيه من يقول لشاعر شمري

وفيه من يقول لشاعر مطيري اسمه خالد الشلاحي

وفيه من يقول لناس وشعرا اخرين!!قريتها كم مره لاكن ماذكرو شاعرها الحقيقي

صرت مثل الشرهان؟؟ وسلامتكم
ماهر الماهر
29 / 05 / 2007, 23 : 04 PM
ههههههه خفيف دم الله يحفضك لاتوهقنا تراانا ريح لهم رحلت عمل في 20/6/2007
علي الحبابي
29 / 05 / 2007, 41 : 04 PM
ههههههه خفيف دم الله يحفضك لاتوهقنا تراانا ريح لهم رحلت عمل في 20/6/2007
مهمة عمل!!
اجل قريبين من بعض!!
انا بعدك بيومين تعرف المهمات احيانا!!
ماتلقى حجز!!
وانشا الله ماتتوهق مع اني وياك دايم
نجيب العيد!!!
ربي يخليني
29 / 05 / 2007, 12 : 11 PM
هههههههههههههه شاعرنا موسوعة شعر انت الله يحفظك
ربي يخليني
30 / 05 / 2007, 05 : 02 AM
اسمعو بقول لكم شي انا بسئل ابوي عنها واقول لكم من شاعرها طيب انتظرو علي بس لين بكره
خيبر
31 / 05 / 2007, 48 : 07 PM
القصيده طيبه يعطيك الصحه على نقلها
ماهر الماهر
05 / 06 / 2007, 48 : 07 AM
الله يحفضكم جميع ومشكورين على مروركم الكريم
ربي يخليني
20 / 06 / 2007, 18 : 09 PM
يقول ابو يمكن ((لحمد السعيد))

ويمكن للمطيري

وبسش
كاشخ 24 ساعه
20 / 06 / 2007, 57 : 09 PM
هذه القصيده للشاعر /عبدالكريم المهنا

الملقب بزيد روما
ربي يخليني
21 / 06 / 2007, 21 : 08 PM
كاشخ زيد هذا وش قبيلي يعني

اذا تسان شمري ترى مهوب صاحب الكصيده
كاشخ 24 ساعه
21 / 06 / 2007, 34 : 09 PM
كاشخ زيد هذا وش قبيلي يعني
اذا تسان شمري ترى مهوب صاحب الكصيده



ذكرتيني بالاردني اللى في شاعر المليون :3:


عبدالكريم المهنا من قبيلة بني زيد ، قبيلة قحطا نية النسب ، نجدية الموطن ، تنتشر في أنحاء نجد وغيرها من البلدان ، وبالذات في الوشم ( شقراء وماحو لها ) ، والعِرض ( القويعية وقراها ، والشعراء والد وادمي وماحو لها من القرى ، والسّر ، كما لهم تواجد في منطقة القصيم وبالأخص ( عنيزة والبكيرية ) وفي سدير والزلفي والإحساء والكويت ، وغيرها من البلدان
وجــد
21 / 06 / 2007, 56 : 11 PM
قصيده رااائعه بمعنى الكلمه
اشكرك اخي ماهر على نقلك الرااائع
واشكر علي الحبابي على الاظافه الرائعه
ولكم جزيل الشكر
سلام
ماهر الماهر
15 / 07 / 2007, 38 : 08 AM
اشكركم جزيل اشكر على المرور وتعليق