المساعد الشخصي الرقمي

مشاهدة النسخة كاملة : شباب دلوووووووووووووخ


SaMaHeR
27 / 01 / 2003, 15 : 10 PM
الله لا يرزقني بواحد دلخ مثله لوووووول
انشالله تعجبكم القصه
هي طويله بس ترى حلوه
*****************

ابطال القصه

الزوج خالد ، الزوجه نوره

بالاشتراك مع فهد الذى قام بدور اخو نوره

اخراج الباسل

************************************* 5 4 3 2 1 اكشششششششششششششن

المشهد الاول :

نوره : خالد ..... يا خالد..... خالد ......... خالد وينك

خالد: هااااه

نورة: وينك

خالد: هذاني في المبطخ

المشهد الثاني

في المطبخ

نورة : وش تسوي في المطبخ

خالد يناظرها وهو يعرم له خياره : زي منتي شايفه قاعد اغسل ثوبي وشماغي .

نورة: هههههههههههههههههههههههههههه

خالد: اندري عنتس يعني بالله الواحد وش يسوي في المطبخ اكيد يدور شي ياكله ميت جوع

نورة: طيب شف وش رايك بالفستان اللي علي ( نورة خذت لفه حولين نفسها )

خالد: هههههههههههههههههههههههههههههههه ايه والله وش ذا الفستان وراتس ماخذه ستاره الملحق ومفصلتها

نورة: حرام عليك والله حلو

خالد : وين حلو معه الله يفشلتس لا تروحين به للعزيمه تفشلينا

نورة: لمعلوماتك سعر هالفستان غالي

خالد: لعب عليتس صاحب المحل شاف وحده مخفه زيتس ..... بصراحه يا نورة ذوقتس في اختيار الملابس زفت

نورة: انت اصلا ما تفهم في الذوق وما فيه شي يعجبك كل شي تقعد تعيب عليه حتى بلوزتي اللي كنت لابستها الاثنين الماضي تقول كنها وزره عبدالمتوكل فراش المسجد وكل زميلاتي يسالوني من وين شريت هالبلوزه ذي

خالد : يا نورة انا اقولتس رايي بصراحه وبعدين ترى فيه بعض الحريم يزينون اللبس

نورة: قصدك اني انا اشين اللبس

خالد: لا مهوب القصد ...... نورة ...... نورة تعالي.......نورة....... لاتزعلين تعالي........ لاحوووول زعلت يا كثر ما تزعل وش اسوي الحين .... مالي الا اتصل على اخوها فهد

المشهد الثالث

خالد في سيارته ويكلم فهد

خالد: الو ... هلا والله فهد كيف حالك

فهد: يا هلا والله وسهلا بخير ولله الحمد بشرني عنك

خالد: والله ابشرك تمام........اقول فهد ودي اشوفك اليوم ضروري ابيك بموضوع

فهد: مشكله ثانيه؟؟؟؟

خالد: يا حبيلك نبيه تفهمها وهي طايره

فهد: خلاص عند قهوه المساء الساعه 8 مساء

خالد: خلاص تلقاني منطق هناك انتظرك

فهد: على خير ان شاء الله

خالد: لا تتاخر

فهد: ان شاء الله

خالد: لا تنسى تكفى

فهد: ياخوي ازعجتنا خلاص

خالد: طيب خلاص مع السلامه

فهد: طوط طوط طوط طوط طوط

خالد: اعوذ بالله ضو شابه الله من زين النفس كنه اخته

المشهد الرابع

قهوه المساء

خالد: وينك فهد تاخرت

فهد: حسبي الله على عدوك الساعه الحين 8وخمس دقايق يعني تاخير بس خمس دقايق

خالد: ولو لازم تتعلم الانضباط وتجي على مواعيدك

فهد: الحين اللي يشوفك يقول اني متاخر عليك ساعتين ..اخلص بس قل لي وش السالفه

خالد: السالفه يا طويل العمر باختصار اختك شرت فستان للعزيمه ولا عجبني وقلت كنه ستاره الملحق وزعلت

فهد: بس كذا السالفه

خالد: لا وقلت ذوقتس مهوب زين ابد

فهد:اسمعني اختي وانا اعرفها انسانه حساسه مره ورومنسيه مره وذوقها في الملابس ما فيه احسن منه بس حظها الردي اللي طاحت بواحد جلف زيك

خالد: افااااا.... ايه افزع مع اختك دافع عنها

فهد: لا مو مساله انها اختي وانا قاعد ادافع عنها لكن انا اقول شي الصحيح
انت رجال جلف والا يوم شفتها لابسه هالفستان وما اعجبك كان جاملتها
يعني جبها باسلوب يعني مثلا كان قلت والله حلو وازين ما فيه انتس انتي
اللي لابسته همن قل لها بعدين .... فيه محل في السوق الفلاني مدري انتي
شفتيه والا لا عنده فساتين روعه تبي تقول لك لا قل لها وش رايتس نروح له
بكره وخلاص رح بها للسوق دام فستانها ما اعجبك ..... مهوب تجي وتقول
ذوقتس شين ويفشل ومدري ايش اللي يسمعك عاد يقول هذا مره فرزاتشي منزين ذوقك عاد انت خالد: والله منتب سهل جبتها

فهد: الحين نروح للبيت ورح وكلمها وقل لها كلمتين حلوين

خالد: طيب ... ما ودك نطلب شاهي والا قهوه

فهد: لا ابد ما له داعي ابتقهوي عندكم في البيت

خالد: يالله اجل مشينا

فهد: مشينا

المشهد الخامس

صاله بيت خالد

فهد: يالله رح ارقى فوق وصالحها زي ما قلت لك وانا انتظرك هنا

فهد: وشفيك متردد

خالد: ياخي مدري احس انها مهيب معطيتني وجه

فهد: ياخوي رح بس ما عليك

خالد: اسمع عندي فكره وشف وش ابي اسوي ......... نورة..........نورة............عجلي .....عجلي .....انزلي يا نورة.....
بسرعه مسلسل الحاج متولي بدى......عجلي انزلي

فهد: انت متخلف

خالد: وش فيها انا منول يومي صغير اذا زعلت على اهلي يجون يقولون لي
عجل تعال بدت فلونه واجيك طاير مجلعد واطامر
كذا كانت طريقتهم اذا بغو يطلعوني من غرفتي

فهد: طيب نادها من السنترال وخلني اكلمها

خالد: صح جبتها ..... الو نوره تعالي انزلي عندنا اخوتس دوتس كلميه

فهد: مساتس الله بالخير نورة وين الناس ترى لي ساعه منطق هنا
ورجلتس ما جاب لي لا شاهي ولا قهوه انزلي خلينا نشوفتس

نورة: هلا والله باخوي فهد دقيقه هذاني نازله لكم

طلعت نورة من غرفه النوم ونزلت وسلمت على اخوها

نورة: يا هلا والله زارتنا البركه كيف حالك فهد

فهد: والله ابشرتس الحمدلله

فهد: وش لونتس انتي وش لون خالد معتس

نورة: الحمدلله

خالد: نورة فهد يعرف لتس محل فساتين روووووووووعه

نورة: صدق

خالد: ايه والله توه قايل لي قبل شوي

نورة: وش اسمه

خالد: ايه صح وش اسمه فهد

فهد: احم...... نورة شكلكم ما ودكم تضيفون ضيوفكم وين الشاهي

نورة: ايه لحظه هذاني ابجيبه الحين ( نورة راحت للمطبخ)

فهد: خالد انت غبي ياخي تو اقول على سيبل المثال تجي وتوهقني
وتقول لي وش اسم المحل ولا وتقوله عندها بعد

خالد: وشو <=== طايره بوهته

فهد: يالله عموما انا ابمشي قبل ما تجي وتسالني واتوهق يالله فمان الله.

طبعا انتهى الزعل اللي بين نورة وخالد

خالد جاه انتداب من العمل وسافر واليوم موعد وصوله الساعه 9 مساء

المشهد السادس

وهو في التاكسي

خالد: السلام عليكم

نورة: وعليكم السلام هااه بشر وصلت

خالد: ابشرتس

نورة: الحمدلله على السلامه

خالد: الله يسلمتس..... اقول جهزي العشا تراي ميت جوع

نورة: ابشر من عيوني

خالد: فمان الله

نورة: فمان الكريم

المشهد السابع والاخير

داخل صاله المنزل

خالد: نورة وراتس حاطه شموع عسى الكهرب مهوب طافي

نورة: لا ابد مهوب طافي بس حبيت اسوي جلسه رومنسيه جو شاعري يعني

خالد: بلا جو شاعري بلا جو رومنسي انا منيب رايق للخرابيط ذي
ولعي اللمبات تكفين خلينا نشوف طريقنا ونعرف نتعشى

نورة: ولعت اللمبات وطلعت فوق زعلانه

خالد: يا كثر زعل هالحرمه

ابتصل الحين على اخوها

خالد: الو.. هلا والله فهد عاش من سمع صوتك

فهد: هلا والله ومسهلا كن صوتك قريب

خالد: ايه والله توي واصل الحين هذي دخلتي للبيت

فهد: الحمدلله على السلامه

خالد: الله يسلمك اقول فهد ابيك بسالفه ضروريه

فهد: يا كثر مشاكلكم

خالد: ههههههههههههههههههههههههههههههه اقول بس تعال للبيت الحين

فهد: طيب ثلث ساعه وانا عندك

بعد نص ساعه جا فهد وضرب الجرس

خالد: هلا والله تفضل

فهد: الله يسلمك .... شف خذ هالورده واطلع فوق لها
وعطها زوجتك وحاول انك تراضيها وعطها من هالكلام المعسول
يالله رح ما يحتاج تقول لي وش السالفه

خالد: طيب

راح خالد وطلع فوق وطق الباب

خالد: نورة افتحي الباب خلينا نتفاهم

نورة فتحت الباب

خالد: نورة وراتس زعلانه علي هذا استقبالتس لي
عموما قبل ما نتفاهم في الموضوع خذي هالورده

نورة: من وين جبتها

خالد: ما جبتها اخوتس عطاني اياهاتحت وقال عطها هالورده قلت يمكنتس انتي موصيته عليها

نورة خذت هالوردة ونطلتها في وجه وطلعته برى الغرفه وسكرت الباب

نزل خالد وهو مستغرب

فهد: وش صار

خالد: ابد قلت عطيتها الورده ورمتها في وجهي

فهد: افاااا شكلها زعلانه بقوه وش قلت لها بالضبط

خالد: ابد قلت انك انت اللي جبتها يمكنتس موصيته عليها وبس

فهد: الله لا يبارك فيك ما الومها تزعل اسمع لا تتصل علي
ولا تدخلني في مشاكلكم ما قد شفت غباء بالطريقه ذي .... مع السلامه

خالد : فهد... تعال فهد.... لاحوووول والله انا مقرود بهالعايله الزعوله

منقووووووووووووول

مجموعة انسان
27 / 01 / 2003, 36 : 10 PM
[align=center:ab9f7670de]هلا والله سماهر


والله من جد رايقه هالقصه وابطالها


لكن انا اشوف ان خالد مايستاهل انه يكون بطل ولا زوج ولا شي


لعنبو ابليسه وش هالغباء وين عايش هالولد


الله يكون في عون نوره

محتفله فيه وهو مايفهم :lol: :lol: :lol:

جاي فاتح بطنه للاكل :roll: :roll: :roll:

وبعدين وهق فهد كم مره :lol: :lol: :lol:

زين فهد ماتوطى في بطنه واخذ اخته بالقوه :lol: :lol: :lol:

عموما مشكووووووووره يالغاليه


تحياتي[/align:ab9f7670de]

أبوماجد
27 / 01 / 2003, 43 : 10 PM
قصه جميله ياسماهر 000 وفعلاً خالد ماعنده ذوق00

تدرين ليش




































































































لو عنده ذوق ماتزوج نوره0

SaMaHeR
28 / 01 / 2003, 01 : 02 AM
هلا فيك مجموعة انسان
والله انك انسان حاس بكل الناس
مشكوووووووور تسلم

ابو ماجد... قصدك نوره ماعندها ذوق
متزوجه واحد دلخ ما همه غير بطنه
:( بعدين بدال ما تعلم الشباب انهم يطبخون لزوجاتهم تقول كذا
الله يسامحك (خخخخخخخخخخخخخخخخخخ)
لا تعصب خليك ريلاكسسسس
شوف مجموعه كيف حليو وحبوب :lol:

الله يكثر من امثاله 8)

أبوماجد
28 / 01 / 2003, 10 : 02 AM
خخخخخخخخخخخللللللاااااااصصصصصصص لا ينبط فيك عرق00 انزلي شوي




























وش ذا الجلف الي ماخذيه نوره 00
البنت ماقصرت مسويه جو رومنسي وهو مايستاهل وجع عليه0
الحمدلله ماني مثله 000 ياي واي قاي طاي هاي مخباي 0
لواني مثله 00 ياشيخه انتحر 00 أخلي نوره تقبصني لين أموت 0
ولا أجلس ثلاثه أيام ماأحط الكريم على وحهي لين يتعفط0
اخس عليك ياخالد 00 كذا يا أناني 0 ياقاسي 0 ياالي مانت رومانسي ولا كلاسيكي ولا ديموقراطي ولا امبريالي (امبريالي من الامبره) ولا راديكالي 000 كذا تجرح نوره اما انك ماتخجل
صحيح000 روح 0 روح روح والله انك بايخ بياخه ووسخ وساخه ونتن نتانه0

محسن المسردي
28 / 01 / 2003, 38 : 02 AM
[align=center:5ac5685f0f]أنا أقول الله يعين نوره

على ذا المفهي :lol:

وعلى قولة المثل:

ماينفعك محَزّم ( مفشلك مفشلك )

SaMaHeR

مشكوره

تحياتي،،،
.
.[/align:5ac5685f0f]

Shabeeb
28 / 01 / 2003, 59 : 02 PM
ههههههههههههههههههههههههههههههههههه وربي غباء موب صاحي
بس احس انه مرح وهذا شي حلو
مشكوره سماهر

SaMaHeR
29 / 01 / 2003, 22 : 03 AM
[align=center:17e371631f]شبيب
المسردي
العفو
تعالوا كل يوم
تحياتي..[/align:17e371631f]