المساعد الشخصي الرقمي

مشاهدة النسخة كاملة : ياضلع ياللي كلنا تحت ضله


مناحي معدي المسردي
09 / 05 / 2007, 01 : 01 AM
هذه القصيدة مدح في ابوجزاء /محمدبن معدي بن سمران
حفظه الله وهي قليلة في حقه لكن هذا ماجادت به القريحه


بسم الإله اللي له الحمد كله=اللي بتدبيره يدورن الأفلاك
الشكر والعرفان والحمد لله =اللي عطا ذولا وذولا وذو لاك
يأرب نسجد لك مخافة وذله =ونرفع لك اكف الدعاء نطلب رضاك
أنت الذي ترفا خلل كل خله=والأسرار والنيات ماهي بتخفاك
حلمك جعلنا نقترف كل زله=ونطمع بضافي رحمتك لوعصيناك
وليا بدا لي لازم الدرب أدله=الله عطاني عقل وأعطاني إدراك
يا غيث أخيلك يوم مزنك تهله=وبرقك سرى يا غيث سبحان مولاك
الحنظله من ماك خضراء مظله=والتين والرمان والسدر والراك
يا غيث عرق ألحنظله وش تعله = لا ثمرة توكل ولا عود مسواك
أحيا بك الله عالم مستقله=أحد روى من ماك واحد حرم ماك
وأنا يكفيني سحابك وضله=الله لا يحرم عيوني محياك
لله مامد أيدي لحد غير لله=وماكل زول أشوفه أقول يا ذاك
اليا بدا لي لازم الدرب ادله=الله عطاني عقل وأعطاني أدراك
لأنشف ريق الحلق ما عاد بله=نز بنك يا لضلع الموالي وننصاك
أبو جزاء جعل الردي فدوة له=شيخ لنا من دون هذا وهذاك
مشيخه فعايل في سجله=ما هو بشيخ ختوم وبشوت و أملاك
وسع لنا صدره وسع محله=مامل من قولة سلامتك وعفاك
فيه البشاشة والرحابة جبله=زبون من صكه من الوقت صكاك
أنت الذي تستأهل المدح كله=وأنت الذي تستأهل الطيب يمناك
بنيت لك في قمة المجد فله=كل الخصال الطيبه خامة بناك
جاورت ببناك النجوم المطله=يمين نجم سهيل والجدي يسراك
يا ضلع يا للي كلنا تحت ضله=لاهبت رياح العواتي زبناك
حلحيل والحبل المعقد تحله =كم واحد لاكمًلت حيلته جاك
لاصار في الحيلات ندره وقله=وحك الكبود من الصعيبات حكاك
ترخي شقاقك للثقيل وتشله=يعيي ثقيل الحمل غيرك ولا أعياك
لاهنت راعي مجلس ما نمله =ياقل والله من يسوي سواياك
بالله يامرسول الأشعار قله=ياحي والله طيب أصلك ومجناك
وقله وقله ثم قله وقله=لاهنت عود ترفع الرأس طرياك
عود خليل الطيب والطيب خله =لا ذا ترك هذا ولا ذا ترك ذاك
تاريخه اللي سجله شاهد له=وترجمت بعضه يا قصيد وقصدناك
وختامها يا كاسب الطيب كله=الله على فعل الجميلات يجزاك
ويأرب تهدينا على خير مله = جل جلالك كلنا نطلب رضاك

أبو فـلاح
09 / 05 / 2007, 23 : 01 AM
صح لسانك يابو راكان ...قصيدة جزلة وابو جزا كفو ويستاهل ...

مـشـيـخـه فـعـايــل فـــــي سـجــلــه***ما هو بشيخ ختوم وبشوت و أمـلاك

أنشهد يابو راكان أنك صدقت في ذا البيت ..

ناصر بن هذال
09 / 05 / 2007, 55 : 02 AM
صح لسانك
ويستاهل ابو جزاء
وسجل اعجابي الشديد بهذا البيت ايضا
مـشـيـخـه فـعـايــل فـــــي سـجــلــه***ما هو بشيخ ختوم وبشوت و أمـلاك,,
اسمح لي ان انقل نسخه من هذه القصيده الى منتدى قحطان.

جزاء بن محمد المسردي
09 / 05 / 2007, 42 : 02 PM
السلام عليكم ورحمة الله وبركاته
ابو راكان صح لسانك قصيده جزله من شاعر عودنا على الجزاله.......................
وانا اعتذر لتأخري في التسجيل في المنتدى وان شاء الله نعوضكم في المشاركات القادمه
جزاء بن محمد بن معدي

ابوخالد
09 / 05 / 2007, 22 : 04 PM
يستاهل ابوجزا....

وصح لسانك...

مناحي معدي المسردي
09 / 05 / 2007, 22 : 06 PM
الاخ ابوفلاح
الاخ ناصر بن هذال
الاخ جزاء
الاخ ابوخالد
شكراً على مروركم وجزاكم الله خير
ابوهذال انت مسموح بل مشكور على ذلك وبيض الله وجهك

ابن غوينم
12 / 05 / 2007, 31 : 05 AM
صح للسانك يابو معدي وبيض الله وجهك على القصيده الجزله في شيخنا راعي الوقفات
لي تبيض وجهه دايم و يستاهل المدح ابو جزاء عسى عمره طويل

ابو بدر
12 / 05 / 2007, 59 : 12 PM
صح لسانك يابو راكان ...قصيدة جزلة وفي رجال يستاهل ...
حاولت اختار بيت يستاهل لكن القصيده كلها تستاهل الإشادة وبيض الله وجهك.

شبيه الريح
12 / 05 / 2007, 14 : 03 PM
الممدوح يتساهل المدح وأكثر ...

صح لسانك شاعرنا المبدع مناحي ...لاجديد فالجزالة في دمك ..

أبو محمد
13 / 05 / 2007, 06 : 12 PM
ابو راكان 0000صح اللسانك 0000قصيده اكثر من رائعه 0000وابو جزاء يستاهل

مناحي معدي المسردي
17 / 05 / 2007, 41 : 06 PM
الاخ ابن غوينم
الاخ ابوبدر
الاخ شبيه الريح
الاخ ابو محمد
اشكرك على المرور وجزاكم الله خير وانا اعتذر على التاخير

خوي الذيب
17 / 05 / 2007, 57 : 10 PM
صح الله لسانك يابو راكان وهذا قليل من كثير / وأبوجزاء يستاهل, صاحب الوقفات الحميد .مع الصغير والكبير ومع ربعه والاجناب .من قديم الزمن .

ابو جعفر
18 / 05 / 2007, 55 : 01 AM
ابوجزا جمعها كلها حسن الخلق والمراجل والقصيد الله يطول عمرة والي مثله
احسنت يابومعدي

أبو أنس
18 / 05 / 2007, 55 : 03 AM
قصيدة جزلة وأبو جزاء يستاهل على أفعاله البيضاء ، فهو لم يبخل بجاهه يوماً على قريب أو بعيد ، مطبقاً المثل الشهير " ما بخيل إلاّ بخيل الجاه "

كاشخ 24 ساعه
18 / 05 / 2007, 35 : 10 PM
أحيا بك الله عالم مستقله=أحد روى من ماك واحد حرم ماك


عز الله صدقت يابو راكان

ابو جزاء له من الايادي البيضاء على من عرف ولم يعرف


صح لسانك ويستاهل ابو جزاء

مناحي معدي المسردي
21 / 05 / 2007, 25 : 06 PM
الاخ خوي الذيب
الاخ ابو جعفر
الاخ ابوانس
الاخ كاشخ

شكراً على المرور
وجزاكم الله خير

عايض بن معدي
09 / 06 / 2009, 15 : 03 PM
صح لساانك يابوراكان وبيض الله وجهك..
ابو جزاء يستاهل المدح لانه كفؤ للمدح..
ومهما قلنا في حق هذا الرجل فلن نوفيه..

تحيااتي لك
المحترم

محسن المسردي
10 / 06 / 2009, 54 : 02 AM
وســع لـنــا صـــدره وســـع مـحـلـه=مامـل مــن قـولـة سلامـتـك وعـفـاك
فـيــه البـشـاشـة والـرحـابـة جـبـلــه=زبون من صكـه مـن الوقـت صكـاك
أنــت الــذي تستـأهـل الـمــدح كـلــه=وأنـت الـذي تستأهـل الطيـب يمـنـاك

أبو راكان صح لسانك

وقصيدة رائعة

وأطال الله في عمر أبو جزاء

تقبل كل الود

توم وجيري
10 / 06 / 2009, 20 : 03 AM
أشكرك يابوراكان على هذه القصيده الجميله
الله يعطيك العافيه!!!!!!!!!!!!!!!!!!!!!!!!!!!
أبوجزايستاهل كل علم غانم ؟؟؟؟؟؟؟؟؟؟؟؟؟؟

فيصل الصقيعات
10 / 06 / 2009, 54 : 04 AM
حلمك جعلنا نقترف كل زله=ونطمع بضافي رحمتك لوعصيناك
وليا بدا لي لازم الدرب أدله=الله عطاني عقل وأعطاني إدراك
يا غيث أخيلك يوم مزنك تهله=وبرقك سرى يا غيث سبحان مولاك
الحنظله من ماك خضراء مظله=والتين والرمان والسدر والراك
يا غيث عرق ألحنظله وش تعله = لا ثمرة توكل ولا عود مسواك
أحيا بك الله عالم مستقله=أحد روى من ماك واحد حرم ماك


فاصل مهاري عجيب ومبدع في هذا المقطع
وكنترول ممتاز من الدرجة الاولى يمتلكه صاحب هذه القصيدة من البداية حتى النهاية وارى ان (احد) اطراف التميز هو الصدق في الاحساس والذي انعكس عليها بالايجاب اكثر واكثر ,:1: مذهل


شكرا للمحترم الذي نبش هذه الصفحة من وسط هذا الكم الغث والسمين

واسأل الله لك وللمدوح ولنا الرضا والفوز في الدنيا والآخرة ,,,

سفير النوايا الحسنه
10 / 06 / 2009, 29 : 05 AM
صح لسانك يابو راكان ويستاهل ابو جزاء الله يطول عمره هذا الرجل لو نكتب عنه دواوين ما اوفيناه حقه.
بيض الله وجهك

راعي حلوان
10 / 06 / 2009, 06 : 06 AM
أبو راكان صح لسانك .

مناحي معدي المسردي
10 / 06 / 2009, 14 : 10 PM
الاخ المحتر (ابو عبد الااله)
صح بدنك ومشكور لأنك جبت القصيدة من الصفحات القديمة
وياليت تجيب قصيدتي في سعيد محبوب لانني اشعر ان هاتين القصيدتين من اجمل قصائدي
حفظك الله

مناحي معدي المسردي
10 / 06 / 2009, 22 : 10 PM
الاخ الشاعر محسن بن حسن
مشكور يابونايف على مرورك

مناحي معدي المسردي
10 / 06 / 2009, 29 : 10 PM
الاخ توم وجيري
مشكور على المرور

مناحي معدي المسردي
10 / 06 / 2009, 35 : 10 PM
الاخ فيصل الصقيعات
اشكر على هذا التعليق الطيب والصادق
فعلاً القصيدة خرجت من احساس صادق لذلك وبكل امانه فانها اتت بكل سهوله وبدون تكلف
مرةً اخرى اشكرك اخي فيصل واعجابك بالقصيدة انت وبقية الاخوان اعتبره دافعاً قوياً يجعلنا نبحث عن الافضل دائماً

مناحي معدي المسردي
12 / 06 / 2009, 07 : 12 AM
الاخ سفيرالنوايا الحسنة
صح بدنك وبيض الله وجهك والله يعطيك العافيه

مناحي معدي المسردي
12 / 06 / 2009, 07 : 12 AM
الاخ راعي حلوان
صح بدنك