خالد بن معدي
29 / 03 / 2007, 44 : 06 PM
هذه قصيده بمناسبة الملتقى الثامن للشباب لمكافحة المخدرات بالجبيل وتشرفت بإلقائها في ذلك الملتقى
يقول من يبني قصيده على ساس= يبني قصيده مثل بني العماره
اصوغها مثل الجواهر والالماس= واترك ردي الهرج وآخذ خياره
وأقيس منهجها على كل مقياس = قدام يحصل في الأمور استداره
تصميمها وإبداعها فكرة الراس= والقلب مكتب هندسه واستشاره
واللي مهيظني على الهرج هوجاس = هوجست به وانا على الهرج كاره
ياحمس قلبي حمس بن بمحماس = وياتل قلبي من علايق جداره
ويا وجد حالي كل ماهب نسناس = وياشيب عيني بين تاره وتاره
واناسبايب ظيقتي غفلة الناس= المسلمين وجنة الله وناره
والوضع في نظرة هل الدين حساس= ما يحتمل طول الصبر وانتظاره
شبابنا يلعب بهم كل وسواس = وشيبانا ورى الثرى والتجاره
هذا معه بكت وهذا معه كاس = وهذا يزود جرعته من عياره
وهذا يبدل بعد الأرباح بإفلاس= وتاكل يمينه ماتقدم يساره
بعد المعزه صار يكره وينداس= لا والله الا ياحياة الخساره
ابليس يلعب به على كل مرواس= إلين ضاعت صيدته في غباره
وكل السبب خوة عديمين الإحساس = اهل القلوب اللي بليا حراره
واليوم قومو واردعو الباس بالباس= وردو على الغاره بعشرين غاره
لانجهل الرحمه ولا نعرف الياس= حنا الرجال اهل الفخر والنعاره
تكفون قبل يوقع الفاس بالراس= ترى بدايات الهلاك الزقارهخالد بن معدي بن سمران
يقول من يبني قصيده على ساس= يبني قصيده مثل بني العماره
اصوغها مثل الجواهر والالماس= واترك ردي الهرج وآخذ خياره
وأقيس منهجها على كل مقياس = قدام يحصل في الأمور استداره
تصميمها وإبداعها فكرة الراس= والقلب مكتب هندسه واستشاره
واللي مهيظني على الهرج هوجاس = هوجست به وانا على الهرج كاره
ياحمس قلبي حمس بن بمحماس = وياتل قلبي من علايق جداره
ويا وجد حالي كل ماهب نسناس = وياشيب عيني بين تاره وتاره
واناسبايب ظيقتي غفلة الناس= المسلمين وجنة الله وناره
والوضع في نظرة هل الدين حساس= ما يحتمل طول الصبر وانتظاره
شبابنا يلعب بهم كل وسواس = وشيبانا ورى الثرى والتجاره
هذا معه بكت وهذا معه كاس = وهذا يزود جرعته من عياره
وهذا يبدل بعد الأرباح بإفلاس= وتاكل يمينه ماتقدم يساره
بعد المعزه صار يكره وينداس= لا والله الا ياحياة الخساره
ابليس يلعب به على كل مرواس= إلين ضاعت صيدته في غباره
وكل السبب خوة عديمين الإحساس = اهل القلوب اللي بليا حراره
واليوم قومو واردعو الباس بالباس= وردو على الغاره بعشرين غاره
لانجهل الرحمه ولا نعرف الياس= حنا الرجال اهل الفخر والنعاره
تكفون قبل يوقع الفاس بالراس= ترى بدايات الهلاك الزقارهخالد بن معدي بن سمران