وين ابو راكان

[أبو فيصـل]

انا ماودي اكشف سر بعض العالم المقهور=ولاودي يابو راكان ازعل كل خلاني
امشيها مادام انها على حبل الوصال تدور=ولكن لانقطع حبل الموده شان عرفاني

[مناحي معدي المسردي]

انا عندي ثقه وانا دواء العله وانا دكتور= وانا اعرف العلاج اللي يناسب كل مرضاني
وانا اشوف المغني في المسارح له سنه وشهور= وانا مقهور ياليت المغني ماله لساني

[أبو فيصـل]

انا اشوفك طبيب(ن)غير لامله ولا دستور=تعالج خلق ربي وانت يالدكتور وجعاني
انا قصدي ذكرته وانتبه لاتكشف المستور=علومك انت والطرقي ترى ماهيب تخفاني

[مناحي معدي المسردي]

سحرك الساحر اللي رحتله واصبحت يامسحور=تشوف ابن ادم جني تشوف الجني انساني
تقول حبيب عصيمي تقول العازمي مستور=تقول انك مع الطرقي ولاشفته ولاجاني

[أبو فيصـل]

مطوع ملتزم لكنه مايترك كلام الزور=يقول الناس ماتدري بعنوانه وعنواني
ترى من يامن الايام يامناحي يجيه الدور=حرام تظل خلق الله بلا ذنب (ن) وبرهاني

[مناحي معدي المسردي]

ترى اللقمه لياكبرت تضايق فتحت الحنجور=نصيحه لاتكبر لقمتك قدام الاخواني
تراك صغيرسن بحاجة اهل الراي واهل الشور=تحسب ان السوالف كلها لينه وعدناني

[أبو فيصـل]

انا اعرف ان صدرك ياعميل الخير قام يفور=تبي كل العرب تمشي بلا عقل وعمياني
انا سني صغير لكن اميز كثير امور=وغيري كسر البيبان متضايق وطفشاني

[مناحي معدي المسردي]

ترى حنا عليكم ياحبايبنا وساع صدور=سوالفنا معاكم يالصغار اشكال والواني
انا اعرفك تميز بين طعم الليز والغندور=خذ ريالين صرف اشتر بها لاجيت دكاني

[أبو فيصـل]

اقدر لحية الشايب ولا حب الحكي مبتور=وامشيها على نفسي ولو غيري هو الجاني
تحزم يامناحي قبل لايطلع عليك النور=سراميد الحكي مانيبها يالشيخ طرباني

[مناحي معدي المسردي]

مشينا ياسفير الحب معكم والشهور ادور=ولا بينت وين اهداف رميك ياكحيلاني
توكلنا على الله والله اللي يجبر المكسور=تجيب صناعة الصيني وتاخذ صنع ياباني

[أبو فيصـل]

تغير وقتنا لول وعين الوقت هذا عور=وصار الحق باطل وامتلت جور وعدواني
اذاعتنا تطبل للكذب واعلامنا المنشور=ورموز(ن) لسخافه عندنا في كل ميداني

[مناحي معدي المسردي]

ظهر علم جديد وحولوا نصف الدجاج صقور=لكن عجزوا يداون الصلع والناس صلعاني
حلبنا شق خلفتنا وباقي شقها مصرور=واذا ربي كتب بكره حلبنا شقها الثاني

[أبو فيصـل]

قوانين الخواجه حولت بعض الثعال نمور=وشارون استحل القدس ماكن فيه عرباني
نقول لبعضهم ثورن يقول شلون احلب الثور=يمشيها على كيفه ولو من فوق جرفاني

[مناحي معدي المسردي]

قوانين الخواجه مالها عند النشاما دور=تشب النار لكن كلها ساعر ودخاني
عسى الله يبقي اللي يعربون الجار والمجرور=تجيب العلم والا ماتجيبه يالويحاني

[أبو فيصـل]

اخايل لي بروق غير ماشفت الثرى ممطور=واقول الله يجيب الخيرسبارن ووداني
ابي تقرا على صاحبك يامطوع ايات النور=يصيح بصورته ويقول يالاحي وليحاني

[مناحي معدي المسردي]

اعرف الضابط الفني واعرف الجندي الطرطور=واعرف اللي يرواغ بالهدف مثل الثنياني
قبل ماقرا عليه اقرا عليك الواقعه والطور=مريض النفس لا يبلا صديقي ويتبلاني

[أبو فيصـل]

خبير المعرفه مايلتزم دوم بنظام مرور=يقول ان الشبح ماهوب وارد صنع للماني
تراني بنصحك واعرف مثلك مايطيع الشور=تروح بعيد عن دربي ولا تقعد تحداني

[مناحي معدي المسردي]

تبا تضحك تبا تبكي تبا تاخذ سنه وتبور=ياراعي الددسن اللي مالها رفرف وبيباني
تقدم لي نصايح وانت محني حنية الباكور=صحيح انك على قول العرب فاضي وملياني

[أبو فيصـل]

اعرفك ياكبير الراس لاغادر ولا مغدور=ولامثلك يضحكني ولابه يوم بكاني
اعذرك كان ضاق بك الفضا في ذمتي معذور=نشب النار فوق الروس ونصالي بالامتاني

[مناحي معدي المسردي]

(انا اشوف المدافع في المحاجي والفرود تثور)=هذا قول الثبيتي مير وافق الاول الثاني
عسى الله يرحم اللي نظمتكم داخل الطابور=يابوخشم عوج عطنا خبر والا لاتقذاني

[أبو فيصـل]

ترابه فرق مابين النحاس وصنعه البلور=وحجة بعض ربعي عود ابها اليوم بلشاني
ليامديت شبرن للمعرفه حن نمد شبور=وتاريخ العرب معروف لو صميت الاذاني

[مناحي معدي المسردي]

الا يازينها لك مير ماتدري لكن ماجور=عسى ربي يعوضني تعبت وضاع دياني
ليا ضاقت عليكم علموا شاعركم المشهور=ياعياله خذوها وارسلوها لبوحيباني

[أبو فيصـل]

اثاري لك اماني مبطيه يالشاعر المغرور=ترى الطارف يحقق رغبتك وتروح فرحاني
ابو حيبان شاعرنا عساه بدنيته مسرور=افاخر به على كل القبايل بين قحطاني

[أبو محمد]

الله لايهينك ياسفير المحبه وبيض الله وجهك

[أبو فيصـل]

ومن قال يابو محمد وانت تستاهل العلم الغانم طال عمرك

[مناحي معدي المسردي]

اعرف اللي يقص الذاهبه واقوله مشكور=واعرف الصقر ابومخلب واعرف ابوخصيفاني
ترانا حول حمرة جاش لكن طرت يامطيور=تدور للعرب يالطير الازرق عند بسقاني

[أبو فيصـل]

بذلنا الجهد يالرادار مثل مبارك المنصور =ولكن لجنة التحكيم قالت قول غساني
بذلنا ماعلينا يالله تجعل صعبها مقدور =خساره مافهمنا الشاعر اللي دوم فهماني

[مناحي معدي المسردي]

تعلم واستفد واعلم ترى غير البحور بحور=تعلم كيف تسبح ثم دورني وتلقاني
ترى بعض المعاني ضدنا لوتكشف المصرور=مثل لف الحبال افهم تعلمها ياذيباني