عبدالله المشعلي
20 / 02 / 2007, 14 : 09 PM
يا الله يا اللي تعلم بكل خافي=يا واحد من تامنه ما تخيفه
أنت اللطيف اللي بالأحوال رافي=رواف بأحوال العباد الضعيفه
مشارب الأيام كدر وصافي=مر هنا ومر حياة كسيفه
مهما صفت لك ما تدوم العوافي=عقب ربيع الوقت ياتي خريفه
العمر يفنى والليالي مقافي=وحنا تقالبنا الظروف الكليفه
وتخلف هقاوينا السنين العجافي=المفرحات المفجعات المخيفه
ومن شاف من دنيا الورى ما يعافي=لا بد له بعد المغازي نكيفه
ناس مشوا قبلي وناس خلافي=ولأحد خذا شفه بكفه وكيفه
والوقت لا من صار فيه اختلافي=يطوّع الرجال طوع العسيفه
والحمد لله ما عيه خلافي=يا أهل الرمك وملاعبات السفيفه
الأرض تحتي والسما لي لحافي=ورزقي على رزاق الأفعاء الكفيفيه
وأفخر بعز النفس لو كنت حافي=والمال ستر الحال ماحد يعيفه
لو إن معي ( عشرة ملايين ) كافي=أغناني الله عن معاش الوظيفه
وسويت مثل اللي خذوها جزافي=اللي يشوفون الثقيلة خفيفه
وبنيت لي قصر كبير المضافي=على ضفاف نمار والا حنيفه
وحطيت به ( راع الثمان الرهافي )=حق الوليف اللي وفا له وليفه
وما زاد منها ما عليه اختلافي=متقاسمينه بيننا بالنصيفه
وأن ما حصلت ذي وقفتي وانصرافي=حبر القلم جف وطويت الصحيفه
عندي قناعه في نهاية مطافي=دنيا الحسايف ما عليها حسيفه
عبدالله المشعلي
أنت اللطيف اللي بالأحوال رافي=رواف بأحوال العباد الضعيفه
مشارب الأيام كدر وصافي=مر هنا ومر حياة كسيفه
مهما صفت لك ما تدوم العوافي=عقب ربيع الوقت ياتي خريفه
العمر يفنى والليالي مقافي=وحنا تقالبنا الظروف الكليفه
وتخلف هقاوينا السنين العجافي=المفرحات المفجعات المخيفه
ومن شاف من دنيا الورى ما يعافي=لا بد له بعد المغازي نكيفه
ناس مشوا قبلي وناس خلافي=ولأحد خذا شفه بكفه وكيفه
والوقت لا من صار فيه اختلافي=يطوّع الرجال طوع العسيفه
والحمد لله ما عيه خلافي=يا أهل الرمك وملاعبات السفيفه
الأرض تحتي والسما لي لحافي=ورزقي على رزاق الأفعاء الكفيفيه
وأفخر بعز النفس لو كنت حافي=والمال ستر الحال ماحد يعيفه
لو إن معي ( عشرة ملايين ) كافي=أغناني الله عن معاش الوظيفه
وسويت مثل اللي خذوها جزافي=اللي يشوفون الثقيلة خفيفه
وبنيت لي قصر كبير المضافي=على ضفاف نمار والا حنيفه
وحطيت به ( راع الثمان الرهافي )=حق الوليف اللي وفا له وليفه
وما زاد منها ما عليه اختلافي=متقاسمينه بيننا بالنصيفه
وأن ما حصلت ذي وقفتي وانصرافي=حبر القلم جف وطويت الصحيفه
عندي قناعه في نهاية مطافي=دنيا الحسايف ما عليها حسيفه
عبدالله المشعلي