المساعد الشخصي الرقمي

مشاهدة النسخة كاملة : تفضل يابن هرسان للمحاوره

مناحي معدي المسردي
19 / 02 / 2007, 14 : 12 AM
الاخ عايض بن حيبان مع التحيه


سلامي على صقر ليا راح جاب الصيد=ماهو طير بن برمان متهدف الحيه
نبي ياعميلي نجعل الحيد فوق الحيد=والاسرار عندك يابن هرسان مخفيه
أبو محمد
19 / 02 / 2007, 52 : 12 AM
هلا مرحبا ترحيبة ذياب لبوزيد =ولابه شقاء الا للعيون الشقاويه
على مخططاتك يطلع البني بالتحديد=عسى الله يوفقنا ويصلح لنا النيه
مناحي معدي المسردي
19 / 02 / 2007, 32 : 01 AM
انا اشوف ناسٍ عيدوا قبل يوم العيد=يقولون كل ايامنا فطروضحيه
منول يجازون الحرامي بقطع الايد=وهذا الزمن نبتت يدين الحراميه
أبو محمد
19 / 02 / 2007, 47 : 11 AM
مثل ماتشوف الناس ملَت من التقييد=وصادف هواهم لانفتحات حريه
جميع المفاهيم القديمه على التجديد=ويكفيك عن كل التواصيف ماريه
مناحي معدي المسردي
19 / 02 / 2007, 12 : 03 PM
لقينا على هداج تيما سعدوسعيد=ولقينا قحاطين ودواسر وياميه
لكن مادرينا وين الاصلي من التقليد=صورهم تشابه والعلامه تجاريه
أبو محمد
19 / 02 / 2007, 43 : 09 PM
تجف المشارب00 غير هداج ماه يزيد=وجم الرها ماينزفه كثرة ادليَه
وقصور المعرفه! نقص والا علامة جيد=نتيجة سواء للزايفه والحقيقيه
مناحي معدي المسردي
20 / 02 / 2007, 54 : 12 AM
بغينا بعضهم يفزع اللنا وجاب العيد=ولقيناه ضايع بين هذي وهذيه
اشوفك نسيت اوصافهم وانت منت بعيد=تراهم يحبون البشوت الحساويه
أبو محمد
20 / 02 / 2007, 12 : 03 AM
من ادى الجهد حقه على الشكر والتمجيد=ولاخطا الوفق جنب مجاله وطاريه
وانا اعرفك عرف(ن)زين لاشفت غرة صيد=تسلط عليه اضواء القصيد ومواذيه
محمد الحياني
20 / 02 / 2007, 42 : 07 AM
صحت السنتكم

والله يعينكم

وافين يالغلاه وافين
مناحي معدي المسردي
21 / 02 / 2007, 57 : 12 PM
الاخ محمد الحياني شكراً على مرورك وصح بدنك


تراني بري ماجبت سيرة لعمر وزيد=وانا عارف الحسنه وانا عارف السيه
ترى المشكله ماهو محمد لكن حميد=خذ العلم والتقييم ميه على ميه
أبو محمد
22 / 02 / 2007, 33 : 02 AM
تبرى بعد مازدت تعقيدها تعقيد=وكثير الاسامي شكت تكون معنيه
عسى الله يبارك فيك وشهو له الترديد=اشوفك تبينها والاوضاع سريه
مناحي معدي المسردي
22 / 02 / 2007, 59 : 03 AM
انا ما وصلني لاتشره ولاتهديد= وصلني من الغالي رساله وبرقيه
وبينت مقصودي وعايض يبي تركيد=يسولف ويضحك والبلا في مخابيه
أبو محمد
22 / 02 / 2007, 56 : 04 AM
رسايل محبك ويش فيها سواء التاييد=وصلنا خبرها والسواليف مقفيه
الا ياصبي التوحيد منت بعلى التوحيد=سواليفك نحيه وقلبك له نحيه
مناحي معدي المسردي
22 / 02 / 2007, 41 : 05 AM
تركت الزفلت ورحت تمشي على التمهيد=واظنك من غبارك فهقت السعوديه
يزيدالرعد والبرق كان السحاب يزيد=ولوسال واديكم قريبه مناشيه
أبو محمد
22 / 02 / 2007, 11 : 02 PM
انا في مكاني وانت من قام يطوي البيد=تقول(ن) وراء رجليك طلقات ناريه
وانا خابرك ثابت ولا انت بتجي رعديد= يبي لك تريح والمواضيع عاديه
مناحي معدي المسردي
22 / 02 / 2007, 47 : 07 PM
عسى ليلة الجمعه ويوم الخميس يعيد= لقينا مكان فلان غتره وطاقيه
تبي تاخذ اللفات تبغي تسيد سيد= عليك الحبل نلويه ليه على ليه
أبو محمد
22 / 02 / 2007, 16 : 10 PM
عسى ليلة الجمعه تراود على ماريد =ومردودها تردي النوايا انهزاميه
ذبحنا ذلول الضيف للضيف وابن مهيد =يعشي هشاشيل المكان وطراقيه
مناحي معدي المسردي
23 / 02 / 2007, 50 : 12 AM
عسى الشيخ ذاك الليل ماضيع التجويد=تكدر مزاجه بعد ماجوه طرقيه
على العام زد شهرين حتى نفك القيد=وبعدها نركبك الذلول العمانيه
أبو محمد
23 / 02 / 2007, 40 : 01 AM
يجي ردها بالجمع والاعلى التفريد=تبي تلوي ايدي لكن ايديك ملويه
على السلم والعادات والعد والتعويد=نحاياك سيف وبندق وبيت جنبيه
مناحي معدي المسردي
23 / 02 / 2007, 09 : 02 AM
تسخن مواتر ربعنا تبغي التبريد=ولكن نلقيها الهبوب الشماليه
اذا ما توكد حجزك آجيب لك تاكيد=اسفرك للمغرب واسفرك سوريه
أبو محمد
23 / 02 / 2007, 14 : 03 AM
عسى الله يسلمك انت تمشي رويد 00رويد=ولا تنتبه في الزاويات العموميه
نريد وتريد ويفعل الله مراد يريد=وعلى ماتبيه يصير يامحتمي الهيه
مناحي معدي المسردي
24 / 02 / 2007, 32 : 12 AM
اقول انتهت رخصتك يبغي لها تجديد=ويلزمك تبرزها لياشفت دوريه
على ادنى سبب تحكم على الناس بالتابيد=قصدت الحبال اللي من سنين مطويه
محمد الحياني
24 / 02 / 2007, 37 : 12 AM
والله وسبعين الف ونعم بذي اللحوات الغانمة


صحت السنتكم


وسلمت يمناكم

عز الله استمتعت بالاداء المميز
أبو محمد
24 / 02 / 2007, 43 : 02 AM
اظنك تصدق راعي السب والتنديد=وهي ماتجي بين المناعير جبريه
تعرفون كيف الوضع في مركز التجنيد=ولايختلف في اول زمانه وتاليه
أبو محمد
24 / 02 / 2007, 45 : 02 AM
الاخ محمد الحياني0000ماعليك زود0000وصح بدنك
مناحي معدي المسردي
24 / 02 / 2007, 17 : 08 PM
يقولون كثر الحكي يسمج من الترديد=لكن مشكلتكم في النوايا السماويه
بغينا نوصل بينكم وانت رحت بعيد=عسى الله يرد بجاد يم البجاديه
أبو محمد
28 / 02 / 2007, 03 : 12 AM
اذا عاد تبغى زبدة الهرج والتاكيد=طواريق ابوزيد الهلالي هلاليه
واذا سلم راس المال من راعي التبديد=فلا فيه خوف ورضة خريم محميه
مناحي معدي المسردي
28 / 02 / 2007, 31 : 01 AM
بعد ما عرفت عبيد سولف عن ام عبيد=اثر قصة ام عبيد ماهي خياليه
تلف الحبال لحالها ماتبي تشريد=اثرها عقيدة قوم ماهي بعاديه
أبو محمد
28 / 02 / 2007, 00 : 02 AM
تروح وتجي وتفيد واحيان مالك فيد =ودورك درامي والمشاهد دراميه
عليك المقاضي وجل همك من التسديد=لدينا التجاير ملك ماهي بعاريه
مناحي معدي المسردي
28 / 02 / 2007, 36 : 05 PM
تبيد السوالف كود هاذيك صعب تبيد=ودوري حقيقي والمشاهد حقيقيه
يمصون شخب الديد حتى يجف الديد=عبادٍ على اثار العرب جوك رجليه
طيب الفال
01 / 03 / 2007, 34 : 12 AM
صح السانك ابو ركااااااااااان واخوى عايض ابن حيبااااااااان كلماااااااات حلووووووووووووووووه صراحه اشكركم على هذه المشاركه الحلووووووووه
أبو محمد
01 / 03 / 2007, 36 : 03 AM
الاخ طيب الفال صح بدنك وشكرا على مرورك الحلو

مسار الفناء يمشي على الجرد والتجريد=ولا فيه شي من السواليف معفيه
صدق ربنا اللي بين ان كيدهنَ كيد=وتاثيرهم يلحق على كل عقليه
الطرقي
10 / 03 / 2007, 53 : 07 PM
ابو راكان 00ابومحمد 00 محاوره رائعه ولكن 00لم اتضح على القصد الا متاخر 000ومشيتوها صراحه 00