المساعد الشخصي الرقمي

مشاهدة النسخة كاملة : ياجار كانك طعتني برقع الطيـر


الميال
15 / 12 / 2006, 48 : 11 AM
الشاعر/هادى الرزقي كان من ضمن المشاركين فى برنامج شاعر المليون فى حلقه الدمام صراحه اعجبتنى قصيدته وحبيت انقلها لكم ونشاء الله تعجبكم

ياجار كانك طعتني برقع الطيـر=طيرك وحش واقلوبنـا مستميتـه
لولاي رجلٍ من رجال بهم خيـر=ماصد واغض النظر من بخيتـه
ياجار طيرك كل ماعرّض اعصير=مدري علامـه يلتفـت مادعيتـه
يمر كنّه شـارد الصيـد لاذيـر=لابوه لابـو حـي حيّـه، وميتـه
اغير,وانذر، وانذر القوم، واغيـر=وابيع روحي، وانهـزم لابغيتـه
يردّني ياجـار طبـعٍ لنـا غيـر=الجـار مانـدرج لغـرات بيتـه
يبقا على حشمه، وشيمه، وتقديـر=ويـروح عنّـي بالـردا ماقفيتـه
من خوف شيِ مابعد صار،ويصير=يامّا هدمـت البيـت ،والاّ بنيتـه
بعدٍ عن الهيّـن معـزّه وتوقيـر=ورجمٍ على غيـر النقـا مابديتـه
يحدني يـم الخطـا دون تبريـر=الـي بلانـي بالهـوى ،مابليتـه
وانا بشر مني خطايـا وتقصيـر=ِالله يغفـر كـل ذنـبٍ جنيتـه
الشاعر/هادي الرزقي

أبو فـلاح
17 / 12 / 2006, 10 : 02 AM
صح لسان الشاعر هادي الرزقي وأستغرب ماهي المعايير التي حالت دون كونه أحد شعراء المرحلة الثانية رغم شاعريته المطلقة ..


لاهنت أخي الميال واسمح لي على التنسيق

الميال
17 / 12 / 2006, 26 : 08 PM
اشكرك اخى ابوفلاح ع المرور والتنسيق الرائع

ابوخالد
17 / 12 / 2006, 06 : 10 PM
قصيده كهذه تستحق ان تفتح لناظمها بابا للمنافسه في برنامج شاعر المليون ...
وفعلا اتسائل كما تسائل ابوفلاح؟؟ماهي المعايير ؟؟

الميال
25 / 12 / 2006, 39 : 06 AM
مشكور ابو خالد ع المرور
والاحظ يلعب دور
الصار حظك مايبارى مطياك اقطعك ياحظ يجى بلغصايب .

المختلف
25 / 12 / 2006, 55 : 08 PM
الميال انتقائك للقصيدة يدل على نقدك ومعرفتك بالقصيد الجزل
والحقيقة ان مثل هذا الشاعر غير مرغوب بشعره عند منقاموا على هذا البرنامج0
واللجنه يبحثون عن الشعر الحديث ، والدليل الذي حصل في
الاسبوع الماضي عندما تم الاجحاف في حق الشاعر المبدع
صالح المنصوري الذي يحضر الدكتورا ولم يتمايع ويغير لهجته0
الميال تقبل تحياتي ( ارفع لك عقالي )

الميال
25 / 12 / 2006, 30 : 11 PM
اشكرك اخى المختلف على المرور والاطراء
الله يرفع مقامك
تحيا تي الخاصه