المساعد الشخصي الرقمي

مشاهدة النسخة كاملة : قصائد اعجبتني وحبيت اشارك بها في المنتدى الغالي


سعيد
13 / 12 / 2006, 31 : 12 AM
قصيدة للشاعر /هادي بن فلاح بن دعير القحطاني=
يا زين شب النار لي دلهم الليل = بأ رض خليه ما رعها شواوي
ارض خليه جوها له تعاليل = من عقب سيله ما وطاها رعاوي
واللي يشب النار ربع مشاكيل = من صلب جدي مبعدين الهقاوي
إذا بدينا عاليات التماثيل = انشوف غزلان المها في الملاوي
أن قدموني جبت عود المهابيل = ابو القرون المبرمات النداوي
ابو شام ازرق كنه النيل = والعين سوداء والرقيمي سماوي
وأن أخروني عند صفر المعاميل = فنجالها بعد التعب له شفاوي
وهاذي من أيام السعد والتماثيل = وهذي هواية من قديم النحاوي
والمجاراة كانت للشاعر/هادي بن حلاص القحطاني=
اسرجت خيلي واقتفيت الحواويل= في خايع يذكر بعيد الحراوي
في خايع قرت روابية بالسيل =طم الفياض وللخضيراء مساوي
فيه الخزز والخرب غنس مداويل = والريم والعفري قطين المحاوي
وحش المها منساق لا مارد الغيل= والعشب زم اتبه بطين المضاوي
والطير غرد والمشارب مداهيل= والطرش هرف للقطين العلاوي
جول القطاء ضله يغط المسافيل = وفيه الوحش لم أبرق الريش طاوي
اتبع مداهيل النشاما هل الخيل = تاريخهم بمجلد المجد حاوي
اللي لهم في شعت النور قنديل= تعطي على قطع الخريمة فداوي
واشفق لعود قدموه الحلاحيل = عود تعلا فوق وكر الرهاوي
عود بفعله خارسات الأقاويل= يعطي على فج الضريبة عطاوي
لما عطت شم الجبال الأطاويل =يرفالها عكس أتجاه الذراوي
منفاجها حذره وشرد مجافيل= شمت حراوي الموت والذيب عاوي
ثم مدها للقايدة بعدها ميل =حول بها من عاليات الجهاوي
وان أخروا عود الكرامة تساهيل = كز المنار اللي سناها يداوي
وارهالهم كيف على مقند الهيل = وقدم لهم من زين تمر الحساوي
فيازين خوت بادعين التماثيل =اللي بنادقهم عليها حذاوي
واسج معهم راحلين مجاويل =نتبع جريرة ليلنا في الضحاوي
وختامها مني تحية وتبجيل =ينفح شذها بازرق العود جاوي
وتقبلوا فائق احترامي وتقديري=

ابوخالد
13 / 12 / 2006, 47 : 01 AM
ابيات جميله...
ومجاراة متقنه بين الاثنين...
سعيد شكرا لك ولنقلك..