المساعد الشخصي الرقمي

مشاهدة النسخة كاملة : *~0*0(( بداية الهجولة بالجزيرة العربية )) 0*0~*


مناحي السادس عشر
27 / 11 / 2006, 27 : 05 PM
زي ما انتم شفتوا العنوان

ابعطيكم بداية الهجولة ولما لمناحي السادس عشر من اثر على تأسيسها



ونبدأ معكم بالفلم



5





4





3





2





1





أكشن

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

كان يوم ممطر واجواء ربيعية

دق علي واحد من الشباب وقالي: هاه تطلع معنا للبر

قلت: متى بتمشون ؟؟؟

قال: بكرة الفجر

قلت : خلاص بجهز أغراضي وبنام .



رحت ابكلم الوالد بس طلع مش موجود بالبيت وادق على جوالة وسيفون ألييييييييييييييييييييييييم

فأرسلت له رسالة اني بطلع للبر





واجهز اغراضي وحطها بالسيارة

وانام



باليوم الثاني بعد ما صلينا الفجر مشينا



المهم ونوصل لمكان اللي كنا مقررين نخيم فيه حول الساعة عشر



ونزل الاغراض وننصب الخيام والشباب مدهرين يشتغلون



والمهم خلصنا من نصب الخيمة وكل شي وقلت : انا بنام ومتى ما خلص الغداء قوموني.

قالوا لي : خلاص نم ومتى ما جهزنا الغداء نقومك .



وانا اللي ما صدقت خبر على طول فرشت الفراش ونوم عميق حتى اني حسيت اني بغرق



وما قمت إلا بعد كم ساعة واشوف نفسي الحالي بالبر بدون خيمة ولا سيارة ولا جوال ولا اشياء كلها انسرقت

والشباب مالهم حس وانا اللي اطالع حولي

ما فيه شي كل شي متغير



وانا اللي اقول ان الشباب شكلهم يمزحون معي شكلهم قطوني مكان ثاني وبيطالعوني من بعد



المهم وانا في حالي إلا وشوف واحد راكب حصان ومعه سيف وثيابه مدري اش تبي كنك بفلم تاريخي



ويجي عندي وانا اللي اوقف ابي اسأله كم سؤال

إلا وينزل ومعه حبل ويربطني ويركبني بالفرس ويمشي



وأنا اللي أصارخ : انا اش سويت لك بالله ارحمني ((كنت قاااااااااااااااامط وقلبي طاح من الخوف))

قام وقال لي : ويحك ألا تستطيع ان تسكت؟؟سوف أعذبك عذاباً أليماً.

وانا اللي ارد عليه : أش عنده البدوي يتكلم فصحى

قام وطلع السوط ويجلدني وانا اللي متقطع من الجلد



وشوي ويوقف الرجال يبي يستريح شوي

وينام ويقولي : أنتبه للحصان ليكي لا ينسرق وإلا سنكمل مسيرنا كعابي .



ويقط نفسة تحت شجرة وينام

وعلى طول حاولت افك الحبل بس ما قدرت

وجت في مخي المتنك فكرة جهنمية

هي اني اخلي الحصان يقطع الحبل

وعلى طول زحف على البطن لما وصلت للحصان

واتهزز قدامة ابيه يقطع الحبل بس ماش الحصان تفكيرة ثاني

عضني وحدة مع يدي على كيفك وانا اللي خلاص بيغمى علي من الألم

وانا احاول اني اخلي الحصان يقطع الحبل وازحف زيادة قدام لما تمكن يقطع الحبل

واقوم وانا حاقد على البدوي اللي جلدني بالسوط

وكان ودي انتقم قبل ما انحاش



واشيل حجر كبير واطبقه فوق راسة اللي تفضخ على طول والرجال مات

واركب الحصان وانحاش



وامشي ثلاثة أيام وسبعة ليالي متكاملات ((كيف تجي كذا مدري ))



وألقالك ذيك المدينة القديمة وادخلها

واتمشى في حواريها

ومستنكر شكلها ما فيه سيارات ولا بيوت جديدة ولا شوارع ولا كهرب تحس انك بأيام الجاهلية



وانا مشغول بالتأمل إلا ويطلع علي ثلاثة ويحاوطوني

وينزلوني من الحصان وانا اقول لهم : سلامات اش فيكم ؟

ويرد علي واحد : يا لك من وقح تقتل أبن رئيسنا وتأتي إلينا.

وانا اللي ارد : والله ما قتلته هو جلدني ولما نام طاحت عليه الشجرة.((ادري تصريفة غبيه بس مشوها ))



قال لي واحد منهم : أسمع يا هذا , سوف نأخذك إلى سيدنا أبا حنشل وهو من يقرر.

ولما وصلنا لبيت سيدهم أباحنشل ناداه واحد منهم



وطلع وأول ما شافني طاح فيهم دبغ وترفيس

ويقول لهم : أنه ليس أبا رويحة يا أيتها الحثالة .

ويرد علية واحد : ولكنه يا سيدنا لدية نفس الحصان الذي وصفته لنا .

قام وسألني : من أين لك هذا الحصان.

قمت وقلت له بالسالفة من أولها لآخرها

قام وقرب مني وسلم علي وقال لي : يا لك من رجل شجاع أحقاً قتلت أبارويحة؟

وكيف تحملت ريحتة؟؟؟

وارد عليه : أنا قتلت صاحب الحصان ابارويحة وتقدر تتأكد .

وشوف وجهي صاير اخضر من ريحتة



ويدخلني بيته ويحطني في راس المجلس واللي جايبيني عنده كارشهم برى البيت



المهم ألتفت علي وقالي : ما هو أسمك يا أخ العرب؟



قلت له : مناحي السادس عشر .

فرد علي : ما هذا الاسم الغريب, على كل حال نتشرف بحضورك بيتنا يا مناحي

فقلت له : هذذا شرف لي اني اجيك ببيتك بس عندي سؤال .

فقال لي: ما هو سؤالك ؟

فقلت له : الحين حنا بأي عام؟

قال لي : نحن في عام 654هـ

انا اندهشت ولاحظ علي اني مصدوم من كلامه

وسألني: ما بك يا مناحي ؟

قلت له : انا مولود في عام 1400هـ وتجي تقولي عام 654هـ



انا شفته يحس اني نصاب

بس قالي: شكلك تعبان تبي تنام .



قلت له والله ابي اطلع اتمشى

قال : إذا ترغب بالخروج فهيا بنا.



وطلعنا وركب كل واحد منا حصان وبدينا نتمشى



المهم واحنا نتمشى قلت في نفسي خلني اتفلسف واسوي حركات الهجولة



واقوله : شوف ايش بسوي الحين .



وانطلق بالحصان وادق الفلشر (أضواء الخطر) وابدى انطل بالحصان بالبيبان واسوي اربع عقد ولما وقفت

جاني وهو مبسوط

وقالي : من أين تعلمت هذه الحركة؟

فقلت له : انا احسن واحد يطبق هالحركة

فقالي : حسناً , هل تمانع لو ركبت معك ؟



فقلت له : تعال اركب بس اربط حزامك علشان ماتطير .



وارجع وانطل واشطف البعارين ((تريلات ذاك الوقت )) واسوي اسفهامية على كيف كيفك

وابو حنشل مستانس ويصفق ويقط العمامة

ولما خلصنا تمشي

رجعنا للبيت علشان نبي نتعشى وننام



المهم قالي : هل تستطيع ان تفعلها غداً أمام رفقائي؟

فقلت : خلاص على كيفك .



وانا اللي تعشيت ورحت ونمت



وفي اليوم الثاني اطلع معه لشارع يسمونه شارع فتيان نجد

وكان عريييييض

واقلع وابدا بالاستعراض



وانطل يمين وشمال وزحف الحصان يمين بشكل مش طبيعي وانا خاق

واطالع ذاك البعير الموقف يمين وانا جاي عنده وابي اسوي شي بس ما قدرت

وكان ابو حنشل معي ومن زود الخقة بغى ينط من الحصان





ماذا حصل؟؟؟

وماهي النهاية ؟؟؟

ستجدون الاجابات

في الجزء الثاني من

((بداية الهجولة في الجزيرة العربية ))



انتظرونا في الأسبوع المقبل

كاسر الامواج
28 / 11 / 2006, 15 : 08 AM
يسلموووووووووووووووووووووووووو خخخخخخخخخخخخخخخخخخخخخخخخخخخخخخخخ
مره رهيبه القصه خخخخخخخخخخخخ بس لاتنسى تكملها وحنا متابعين

مناحي السادس عشر
28 / 11 / 2006, 21 : 09 AM
أن شاء الله اكملها الاسبوع الجاي

كونان
28 / 11 / 2006, 56 : 02 PM
في عام 654؟؟


اجل انت من سبب سقوط الدولة العباسية عام 656

وانت سبب تتالي الأسماء مثل لويس 14 وانت طالع



واكيد الجزء بتقول انك طعست بالحصان

عزووز
28 / 11 / 2006, 19 : 09 PM
لا بيقول قام من الحلم