مناحي السادس عشر
03 / 11 / 2006, 13 : 03 AM
السلام عليكم ورحمته الله وبركاته
هاه شباب وشباصات المنتدى ------> شنبات = شباب
شباصات= بنات
والله لكم وحشة
بس تدرون الامتحانات وما يصاحبها من قلق وربكة نفسية عميقة اخس مسوي دكتور بيطري بهالتعريف
اليوم زي ما قريتوا بعنوان الموضوع
جايب لكم سالفة صارت لي مع اول ايام الدراسة الجامعية ------> افهموا اني كبير
كنت جاي بدري ودخلت ((الكلاس )) مسوي متطور
الكلاس للي ما تطوروا زيي هي عبارة عن غرفة للتعذيب يجلس فيها الطالب ليستمع إلا شخص يسمى ((دكتور)) الدكتور هذا مش نفس الدكتور بيطري بس هو انسان يتفلسف طول العام ويتكلم عن منهج معين وفي الامتحان يجيب اسئلة برى المنهج.
احس طلعت برى الموضوع
المهم...
دخل واحد من اخويائي وقالي ان سيارتي ((مكلبشة))
((الكلبش هو آلة توضع حول الكفر لمنعها من السير)) متعوب عليه التعريف
وانا اللي انقز واروح لم سيارتي واشوفها في حالة لا تسر الصديق
وألتفت واشوف سيكورتي قاعد يكلبش الموتر اللي جمبي
اجيه واقولة: ((ليه مكلبشين السيارة انا مفحط ولا قاطع اشارة وانا ما ادري؟؟ ))
ويرد السيكورتي بكل تعجرف : (( طالع اللوحة اللي قدام موقفك ))
ألتفت واشوف لوحة كبيرة مكتوب فيها ( موقف عميد الكلية )
عاد انا جيت ابتفلسف عليه وقلت له : ((انا احسب انه موقف للمعاقين ومالقيت احد فوقفت هنا ))
انا ما امداني اكمل كلمتي إلا العميد جاي بسيارتة ومكشر عن ضروسة المتكسرة
ويقول للسيكورتي : (( من صاحب السيارة هذي ؟؟؟؟؟))
رد عليه وقال : (( هذا اللي قدامك ))
سألني العميد : (( أش عندك موقف هنا ؟))
قلت له : (( والله كنت احسبه موقف عادي او للمعاقين وانا كنت مستعجل علشان المحاضرة ))
قال العميد : (( وخر سيارتك وتعال لمكتبي على طول ))
شال السيكورتي الكلبش ووقفت سيارتي في موقف ثاني
المهم واروح للعميد وألقى عنده صاحب السيارة الثانيه اللي وقف جنبي
قال العميد : (( احمدوا ربكم انكم طحتوا بواحد زي كريم وسموح وطالب في افضل وارقى الجامعات الامريكية < --------- هذي آخر كلمة مدري اش دخلها بالموضوع بس شكله يبي يزعط علينا
وجاء وقال انا بسامحكم اليوم روحوا لمكتب الأمن وخلوهم يشيلون المخالفة اللي عليكم))
واطلع من عند مكتبه انا والثاني
ورحنا سوا<-------------- ((سوا ولا موبايلي ))
لمكتب الامن وشالوا منا المخالفة من ورا خشومهم
وصاروا كل ما شافوني هالسكرتية دقوا تحية لي يحسبوني اعرف العميد ولا يقرب لي
واجمل التحايا وارقها تبعث لكم من
محدثكم من بداية الموضوع لما نشف ريقة
مناحي السادس عشر
كاتب التقرير
مناحي السادس عشر
تمثيل
مناحي السادس عشر
هاه شباب وشباصات المنتدى ------> شنبات = شباب
شباصات= بنات
والله لكم وحشة
بس تدرون الامتحانات وما يصاحبها من قلق وربكة نفسية عميقة اخس مسوي دكتور بيطري بهالتعريف
اليوم زي ما قريتوا بعنوان الموضوع
جايب لكم سالفة صارت لي مع اول ايام الدراسة الجامعية ------> افهموا اني كبير
كنت جاي بدري ودخلت ((الكلاس )) مسوي متطور
الكلاس للي ما تطوروا زيي هي عبارة عن غرفة للتعذيب يجلس فيها الطالب ليستمع إلا شخص يسمى ((دكتور)) الدكتور هذا مش نفس الدكتور بيطري بس هو انسان يتفلسف طول العام ويتكلم عن منهج معين وفي الامتحان يجيب اسئلة برى المنهج.
احس طلعت برى الموضوع
المهم...
دخل واحد من اخويائي وقالي ان سيارتي ((مكلبشة))
((الكلبش هو آلة توضع حول الكفر لمنعها من السير)) متعوب عليه التعريف
وانا اللي انقز واروح لم سيارتي واشوفها في حالة لا تسر الصديق
وألتفت واشوف سيكورتي قاعد يكلبش الموتر اللي جمبي
اجيه واقولة: ((ليه مكلبشين السيارة انا مفحط ولا قاطع اشارة وانا ما ادري؟؟ ))
ويرد السيكورتي بكل تعجرف : (( طالع اللوحة اللي قدام موقفك ))
ألتفت واشوف لوحة كبيرة مكتوب فيها ( موقف عميد الكلية )
عاد انا جيت ابتفلسف عليه وقلت له : ((انا احسب انه موقف للمعاقين ومالقيت احد فوقفت هنا ))
انا ما امداني اكمل كلمتي إلا العميد جاي بسيارتة ومكشر عن ضروسة المتكسرة
ويقول للسيكورتي : (( من صاحب السيارة هذي ؟؟؟؟؟))
رد عليه وقال : (( هذا اللي قدامك ))
سألني العميد : (( أش عندك موقف هنا ؟))
قلت له : (( والله كنت احسبه موقف عادي او للمعاقين وانا كنت مستعجل علشان المحاضرة ))
قال العميد : (( وخر سيارتك وتعال لمكتبي على طول ))
شال السيكورتي الكلبش ووقفت سيارتي في موقف ثاني
المهم واروح للعميد وألقى عنده صاحب السيارة الثانيه اللي وقف جنبي
قال العميد : (( احمدوا ربكم انكم طحتوا بواحد زي كريم وسموح وطالب في افضل وارقى الجامعات الامريكية < --------- هذي آخر كلمة مدري اش دخلها بالموضوع بس شكله يبي يزعط علينا
وجاء وقال انا بسامحكم اليوم روحوا لمكتب الأمن وخلوهم يشيلون المخالفة اللي عليكم))
واطلع من عند مكتبه انا والثاني
ورحنا سوا<-------------- ((سوا ولا موبايلي ))
لمكتب الامن وشالوا منا المخالفة من ورا خشومهم
وصاروا كل ما شافوني هالسكرتية دقوا تحية لي يحسبوني اعرف العميد ولا يقرب لي
واجمل التحايا وارقها تبعث لكم من
محدثكم من بداية الموضوع لما نشف ريقة
مناحي السادس عشر
كاتب التقرير
مناحي السادس عشر
تمثيل
مناحي السادس عشر