المساعد الشخصي الرقمي

مشاهدة النسخة كاملة : ثامن العجائب السبع ... حامد زيد


جريح الذكرى
20 / 01 / 2003, 39 : 02 AM
العجائب سبع كما نعلم لكن الشاعر /حامد زيد له كلام اخر


[poet font="Arial,5,black,normal,normal" bkcolor="transparent" bkimage="backgrounds/7.gif" border="groove,5,gray" type=2 line=200% align=center use=ex length=0 char="" num="0,black" filter="":4f7912f256]
ثامن العجائب السبع
-
اسـمعي والـكل مـنا لـه هـواه وله ميوله=لاتـمسين بـكلامك شـعره بـروس القرايب
ان حـكيتي مـاوفيتي وان تـحديتي عـجوله=تـحسبين ان كـل فـعل تـفعله يمناك صايب
تـحسبين انـك خـذيتي بالحشاء صولة وجوله=تـحسبين انـي ذكـرتك مع نسانيس الهبايب
والله انـك لـو ذبـحتي خـافقي لالقاك حوله=عـاشقه تـشقى بقلب من طريق العشق هايب
كم رضيت اسكت عليك من القهر وانتي زعوله=خايف اضحك واستفزك واهجرك واعيش ذايب
ادعـيت انـك خجوله وادري ان منتي خجوله=وادري انك تخجلين الشمس من فوق السحايب
مـايـحببني بـقـلبك يـالهنوف الا فـضوله=ومـاينسيني غـرامك غـير تكرار المصايب
عـاشقه جـيتي ورحـتي يـالحبيبه يالعذوله=مـابنيتي لـي طـموح ولاتـركتيها خـرايب
تـسـتبيحين الـقلوب وتـستحقين الـبطوله=واسـتـحق بـعدك تـايب وامـوت تـايب
يـاكثر مـاشال قـلبي شـيء اكبر من حموله=واعـفيتي عـن غـلاه ولابـخلك بـالوهايب
كـنه ارحـم مـن همال المزن للزهر بذبوله=وانتي اقسى من سموم القيض وكفوف اللهايب
وانـتي ادرى فـي غلاك بداخلي شاللي يزوله=وادخـلي دخله على الله واحفظي ذيك السبايب
مـاخبرت الـلحظه الـلي حللت قربك تحوله=ولاهـقيت انـي بـشدد لـلجفا قلب وركايب
مـاهقيت انـك تـحسبين الزلل وانتي جفوله=ومـاهقيتك تـكرهيني كـثر حـبك للطلايب
كـن قـلبي فـي وصـالك وابل لحظة نزوله=وفـي فراقك مثل دمعه تنحدر من عين شايب
كـنت ابـي وقفه حبيبه تنهض القلب بخموله=طـافح بـالعشق وانـتي عايبه والحظ عايب
كـنت غصن كـل كـف غير كفك مايطوله=كـنت درب ودمـعتين وقلب وجروح عطايب
كـنت ابيع العمر كله وارخصه عرضه وطوله=لـلعيون الـلي هـدبها ثـامن السبع العجايب
بـس ابرضيلك غرورك واكسر القلب بذهوله=وقـتها مـاكنت افـكر صايب او كنت خايب
والـرجل لـو مـاعلى بـالشهامه والـرجوله=صـدقيني صـعب يـقدر يملك قلوب الحبايب
صـدقيني مـايوالف خـافق الـبنت بسهوله=بـالهوى يـابنت حـواء غير طلاب النشايب
والـسهر والـعشق الاول والهوى واللي ينوله=شـيء اقسى من همومك وألعنه حاظر وغايب
والـهموم الـلي دعـتني من بعد سن الطفوله=كـلها من تحت رأس العشق ملعون الصلايب
-
حامد زيد
-
[/poet:4f7912f256]

محسن المسردي
24 / 01 / 2003, 28 : 04 AM
[align=center:4ec278d7b5]جريح الذكرى

مشكور

ونقدر لك هذا الجهد

بس ترى تعبتني بالتنسيق

تحياتي،،،
.
.[/align:4ec278d7b5]

جريح الذكرى
24 / 01 / 2003, 25 : 12 PM
مشكور والله يا محسن

وانت والله انكم من افضل المشرفين اللي مهتمين في المنتديات

والله لا يهينك على التنسيق وبيض الله وجهك



تسلم والله