انت ياعبدالله المشعلي

[الطرقي]

انت ياعبدالله المشعلي جبت العلوم =ودنا نسمع علوم المطوع كلها
الخبرجاء في الاذاعه على روس العموم=كيف تثبت دق الاشياء وتنفي جلها

[عبدالله المشعلي]

جايب لك علم يجلى عن القلب الهموم= قبل تعقد في حبال الرجا وتحلها
المطوع يوم يفطر وعامين يصوم=والأذاعه ما انشرت من علوم خلها

[الطرقي]

الجمايل عادة اللي يسدون اللزوم= والبليهي لابرك للحمول يشلها
خابر(ن)دين المطوع وغير اليوم يوم =الاشاره تو عينك ورميك زلها

[عبدالله المشعلي]

أنت يا الطرقي تحلم وفسرنا الحلوم=ناوي لك نية ما حد يفطن لها
بعد ما سمعت الخبر قام شيطانك يحوم=ما يهمك غير كثر العلوم وقلها

[الطرقي]

يا وسيع العرف حسب العوايد والسلوم=ما نبي وقفتك لاما تعدا حلها
انت الى هالحين مانت بدفاع ولاهجوم=غير تبغى وقفة الشمس ولا ظلها

[عبدالله المشعلي]

القمر لا غاب نوره تبين لك النجوم=وأنت يا ساري الليل الدروب تدلها
والبعير الهامل اللي على خده وسوم= كل دار ما وصلها يبي ياصل لها

[الطرقي]

انت لامن قل حيلك تريح ومخدوم=مالك الا اللي يداوي الكبود وغلها
والحقيقه قبل وسم الشلاوا والبقوم=قمت تحدى الهرش تو الظعون ارضلها

[عبدالله المشعلي]

من يطق الباب جاه الجواب ولاتنوم=أنتبه سحم الذيابه تجر عوى لها
والمدى حذفة عصا والسعادة ما تدوم=هده ورده ولابد من يوم لها

[ابوخالد]

واصلوا الله يعطيكم العافيه..

[الطرقي]

انتظرك تقوم واظن ماودك تقوم =والصحيح يحلها خافقي ويملها
انت زند وبند واللي محريدك امخزوم =طينة العفريت جاك البلاء من بلها

[عبدالله المشعلي]

كل ما أرز العلم لك على روس الرجوم= قمت تبرى للمبادي وتتبع ظلها
ودك بدرب السلامه وضيعت اليموم= وعلة الطرقي يعرف الطبيب دواء لها

[محمد بن عايض المسردي]

يعطكــ..العـــافيـــــــه..ــــــمـ..
وإلــى الأمـــــــــامـ..

[الطرقي]

انت زيزوم السرايا عمى عين الخصوم =وعارف(ن) وين الحقيقه ولاتندلها
انت راعي السوق والمال والطرقي يسوم=سومته وان كان ماوافقت لك خلها

[عبدالله المشعلي]

الحقيقه شايف في سماء الدنيا غيوم= والله ما يهمل عباده ولو يمهل لها
وأنت طرقي لو تعرضت لك حر وسموم= ترجع بخفي ( حنبن ) ولا تكمل لها

[الطرقي]

هو تحت حكم الدهر وانت في الوضع محكوم= ودورة الايام ماينعرف غيب لها
عشت حر وبرد ومصامخ افرنجي وروم=لا تذكرني الحبيبه تراني خلها

[عبدالله المشعلي]

عدها غلطة عمـر كبـوة حصان عـزوم= وشومة النفس العزيزه تراه أحسن لها
أثرك اللي تذبح القوم لأجل تغيض قوم= كــل يــوم حربــتـــك للطـــراد تســــلهـا

[الطرقي]

كبوة حصانك وغلطتك ياقرم القروم =جبت احبال المعزه لاجل عزلها
جيت انا وياك ذا الحين في خط الجموم=كل راعي فرمله لازم يدبلها

[عبدالله المشعلي]

يا عميل الخير سلّم عساك من السلوم= لا يـطـيـح النجم فـوق الجبـال يهلها
كل منا عند الخر معزز ومحشـــــــــوم= شاب قافي والسوالف معك ما أملها

[الطرقي]

ابو مبارك الله لايهينك وبيض وجهك 00لقد استفدت منك الكثير وتعلمت

[الطرقي]

ارجو من المشرفين الاعزاء ادراج هذه المحاوره ضمن محاورات المنتدى